Morgunblaðið - 22.10.2019, Page 4

4 FRÉTTIRInnlent
MORGUNBLAÐIÐ ÞRIÐJUDAGUR 22. OKTÓBER 2019
PON Pétur O. Nikulásson ehf.
Melabraut 21, 220 Hafnarfjörður | Sími: 580 0110 | pon.is
skotbómulyftara
AG línan frá Manitou býður meðal
annars upp á nýtt ökumannshús
með góðu aðgengi og útsýni.
HANNAÐUR TIL AÐ
VINNA VERKIN
NÝ KYNSLÓÐ
• DSB stjórntakkar
• JSM stýripinni í fjaðrandi armi
• Stýrð stjórnun og hraði á
öllum glussahreyfingum
• Virk dempun á bómu
Höskuldur Daði Magnússon
hdm@mbl.is
„Þarna var mikill og aukinn áhugi
sýndur íslenskum bókum og höf-
undum,“ segir Egill Örn Jóhannsson,
framkvæmdastjóri Forlagsins. Egill
er, rétt eins og fleiri bókaútgefendur,
nýkominn heim af bókamessunni í
Frankfurt.
Egill segir að bók Andra Snæs
Magnasonar, Um tímann og vatnið,
þar sem hann fjallar um loftslagsmál,
hafi vakið verðskuldaða athygli á
bókamessunni, en bókum um lofts-
lagsmál var sýndur meiri áhugi en áð-
ur. Eins og Morgunblaðið hefur áður
fjallað um voru erlendir útgefendur
mjög spenntir fyrir bókinni og hafði
hún verið seld til sjö landa áður en
hún kom út hér á landi. Bókin fékk
svo fimm stjörnur í umfjöllun Björns
Bjarnasonar í blaðinu í liðinni viku.
Þegar seld til tólf landa
„Það var ekkert lát á áhuga er-
lendra útgefenda á bókinni í Frank-
furt. Publishers Weekly, stærsta fag-
tímarit bókaútgáfunnar, birti frétt
um áhugann á bókinni sem að sjálf-
sögðu varð til þess að mun fleiri komu
á bás Forlagsins til að afla sér upplýs-
inga. Bókin hefur nú verið seld til alls
tólf landa og ég á von á því að á næstu
vikum muni enn fleiri lönd bætast í
hópinn,“ segir Egill.
Íslenskir lesendur hafa tekið bók
Andra Snæs vel. Þegar hafa á níunda
þúsund eintök verið prentuð og út-
gefandinn kveðst hafa náð að tryggja
sér eftirprentun sem skili sér um
miðjan næsta mánuð.
Bók Þóru til Bretlands
Fleiri Íslendingar gerðu góða ferð
til Frankfurt. Heiðar Ingi Svansson,
formaður Félags íslenskra bókaút-
gefanda, var kjörinn í fram-
kvæmdastjórn IPA, International
Publishers Association, fyrstur Ís-
lendinga.
Þá var bók Þóru Hjörleifsdóttur,
Kviku, sýndur mikill áhugi og útgáfu-
réttur hennar seldur bæði til Bret-
lands og Bandaríkjanna. Fyrsta bók
Snæbjörns Arngrímssonar, Rann-
sóknin á leyndardómi eyðihússins,
var seld til Danmerkur og Svíþjóðar
án þess að kaupendurnir hefðu lesið
bókina.
Mikill áhugi á bók Andra
 Góð ferð Íslendinga á bókamessuna í Frankfurt  Bitist um loftslagsbók
Andra Snæs  Heiðar Ingi í framkvæmdastjórn IPA  Fyrsta bók Þóru seld
Egill Örn
Jóhannsson
Heiðar Ingi
Svansson
Danska olíuflutningaskipið Torm Venture hóf í gær að reka
frá landi vegna veðurs, en skipið var þá statt í höfninni í Hval-
firði. Mjög hvasst var á svæðinu og um tíma var óttast að olíu-
slys yrði vegna þessa þar sem skipið var með olíuslöngu
tengda við land. „Það fá allir hland fyrir hjartað þegar svona
gerist. Þú ert í virkilega slæmum málum ef það slitnar frá
bryggju og ég tala nú ekki um þegar olíuslangan er tengd í
land,“ sagði Pétur Kristjánsson, hafnsögumaður hjá Faxa-
flóahöfnum, en dráttarbáti tókst að ýta skipinu að bryggju.
Morgunblaðið/Hari
Rak skyndilega frá landi með olíuslöngu tengda
Ef hugað er að kolefnisspori ætti
einstaklingur frekar að fljúga út á
land en að keyra þangað einn á
smábíl. Ef tveir einstaklingar ætla
sér að ferðast til Egilsstaða, Akur-
eyrar eða Ísafjarðar á meðalstórum
bíl væri í raun umhverfisvænna fyr-
ir þá að fljúga.
Þetta segir Sveinn V. Ólafsson
verkfræðingur, sem hefur rann-
sakað þessi mál.
Undanfarið hafa kostir og gallar
þess að flugferðir verði niðurgreidd-
ar fyrir íbúa landsbyggðarinnar
verið ræddir.
Umhverfisráðherra hefur sagst
fylgjandi þeim hugmyndum en
framkvæmdastjóri Landverndar
sagði í samtali við mbl.is um helgina
að það væri ekki sniðugt í samhengi
við umhverfismál og að niður-
greiðslur myndu eflaust hvetja fólk
til að fljúga meira. Nýting sæta í
flugferðum Air Iceland Connect til
Egilsstaða og Akureyrar er um
80%, samkvæmt upplýsingum frá
Isavia.
Munurinn liggur í vegalengd
Sveinn segir að miðað við það
eyði flugfarþegi og ökumaður smá-
bíls sem ferðast einn til Akureyrar
svipuðu magni af eldsneyti fyrir
hverja 100 kílómetra sem farnir
eru.
„Helsti munurinn liggur í vega-
lengdinni. Að fljúga til Akureyrar
eru að mig minnir 250 kílómetrar í
beinni línu en vegalengdin er tals-
vert lengri ef landleiðin er farin.“
Sveinn segir að eyðsla flugvéla sé
mun minni en margur haldi.
„Það halda allir að flugið sé svo
ofboðslega óumhverfisvænt og núna
eru allir komnir með flugviskubit. Í
millilandaflugi eru enn fleiri innan-
borðs og þá er eyðslan á hvern far-
þega enn minni.“ Samkvæmt upp-
lýsingum frá Isavia, sem eru m.a.
byggðar á rannsóknum Sveins, er
langumhverfisvænast að ferðast
með rútu til Akureyrar. Verst fyrir
umhverfið er að ferðast einn í jeppa.
Umhverfisvænna að fljúga
 Kolefnisspor flugferðar til Akureyrar minna en bílferðin
Morgunblaðið/Árni Sæberg
Flug Hægt er að fljúga í beinni línu.
Karlmaður á fimmtugsaldri lést við
Skógafoss 14. október síðastliðinn.
Maðurinn, sem er erlendur ferða-
maður, var á göngu við útsýnispall-
inn við efri brún fossins þegar hann
skyndilega missti meðvitund. Kem-
ur þetta fram í tilkynningu frá lög-
reglunni á Suðurlandi.
Samferðafólk mannsins hóf þegar
tilraun til endurlífgunar og voru
læknir, lögregla og björgunarmenn
send á vettvang. Tilraunir til endur-
lífgunar báru ekki árangur og var
maðurinn úrskurðaður látinn á vett-
vangi. Krufning hefur farið fram og
bendir bráðabirgðaniðurstaða til
þess að maðurinn hafi veikst skyndi-
lega. Aðstandendur hins látna komu
til landsins og fengu m.a. aðstoð frá
ræðismanni ríkis síns, en nánari
upplýsingar um atvikið liggja ekki
fyrir.
Lést við
Skógafoss