Morgunblaðið - 22.10.2019, Page 24

24 ÍÞRÓTTIR
MORGUNBLAÐIÐ ÞRIÐJUDAGUR 22. OKTÓBER 2019
hafðu það notalegt
handklæðaofnum
Vagnhöfða 11 - 110 Reykjavík - www.ofnasmidja.is - sími 577 5177
Eigum úrval af
SKALLAGRÍMUR
Kristján Jónsson
kris@mbl.is
Sigrún Sjöfn Ámundadóttir, reynd-
asti leikmaður Skallagríms, óttast
ekki sérstaklega að Valur og KR
muni verða yfirburðalið í Dominos-
deild kvenna í körfuknattleik í vetur.
Sigrún segir umræðuna hins vegar
hafa verið á þann veg en ef mið sé
tekið af úrslitum í fyrstum umferð-
unum þurfi það ekki endilega að
verða raunin.
„Miðað við umræðuna þá erum við
á leiðinni niður í 1. deild og Valur og
KR eru óstöðvandi. Ég sé það ekki
fyrir mér miðað við úrslitin í fyrstu
þremur leikjunum. Mér sýnist deild-
in vera galopin og öll liðin geti strítt
öllum,“ sagði Sigrún þegar Morgun-
blaðið spjallaði við hana.
„Ég hef fulla trú á okkar liði. Við
erum ekki í þessu bara til að vera
með. Við erum í þessu til að vinna
leiki og ætlum ekki að vera áhorf-
endur. Frá mínum bæjardyrum séð
hef ég jafn mikla trú á okkar liði og
einhverju öðru liði.“
Fengu danska landsliðskonu
Lið Skallagríms er með nokkra
erlenda leikmenn og allar virðast
þær vera býsna öflugar en ein
þeirra, Maja Michalska, var raunar
einnig með liðinu síðasta vetur.
„Við erum með sama leik-
mannakjarna og í fyrra. Maja, pólski
leikmaðurinn okkar, er áfram hjá
okkur. Við hópinn bættust einn Dani
og einn amerískur leikmaður. Mér
líst rosalega vel á þær enda frábær-
ar persónur og öflugir leikmenn.
Frábær styrking fyrir liðið að fá
þær,“ sagði Sigrún en sú danska,
Emilie Sofie Hesseldal, er landsliðs-
kona og er í danska landsliðs-
hópnum um þessar mundir. „Þegar
Guðrún (þjálfari) var að leita að leik-
mönnum fyrir okkur rakst hún á
Hesseldal og leist vel á. Hún hefur
sýnt hvað hún getur í fyrstu leikj-
unum en er einnig frábær utan vall-
ar. Fólkið í Borgarnesi elskar hana.“
Hvorki erfiðara né auðveldara
Guðrún Ósk Ámundadóttir, fyrr-
verandi leikmaður Skallagríms og
systir Sigrúnar, stýrir nú liðinu og
tók við í ágúst.
„Það er fínt að vera með systur
sína sem þjálfara. Hún er bara þjálf-
ari og ég er bara leikmaður. Það er
ekkert systrasamkomulag í gangi.
Við erum báðar fullorðnar og vitum
hvað þarf að gera til að vinna. Fólk
heldur að það geti verið erfitt að
spila fyrir systur sína og margir
virðast halda að það sé ekki hægt.
En mér finnst þetta hvorki erfiðara
né auðveldara en eitthvað annað.
Hún ræður og ég er bara leikmaður
sem hlustar á hana. Ég hef spilað
bæði með henni og á móti. Hún veit
því nákvæmlega hverjir mínir styrk-
leikar og veikleikar eru á vellinum,“
benti Sigrún á og segir vel haldið ut-
an um liðið í Borgarnesi.
„Kvennaráðið hefur staðið sig
rosalega vel í því að styðja okkur og
styrkja. Hjá þeim erum við með
svakalega sterkt bakland. Þegar vel
gengur eru bæjarbúar peppaðir og
fylgjast vel með. Þegar við fáum
stuðning á leikjum þá skilar það sér
til okkar enda erum við lið sem
treystir á góð úrslit á heimavelli.“
Ætlum ekki
að vera
áhorfendur
Morgunblaðið/Hari
Borgarnes Sigrún Sjöfn Ámundadóttir er þrautreynd en hún hefur spilað
með Skallagrími í fjögur ár og áður lengst af með KR
 Vel haldið utan um liðið í Borgarnesi
 Deildin er ekki fyrirsjáanleg
MIÐHERJAR:
Emilie Sofie Hesseldal
Heiður Karlsdóttir
Þjálfari: Guðrún Ósk Ámundadóttir.
Árangur 2018-19: 7. sæti.
Íslandsmeistari: 1964.
Bikarmeistari: Aldrei.
 Skallagrímur tapaði fyrir
Haukum á heimavelli í 1. umferð
en vann síðan Grindavík á heima-
velli og Snæfell á útivelli. Fjórði
leikur er gegn KR á heimavelli
annað kvöld.
BAKVERÐIR:
Arna Hrönn Ámundadóttir
Charlotte Thomas Rowe
Ingibjörg Rósa Jónsdóttir
Keira Robinson
Þórunn Birta Þórðardóttir
FRAMHERJAR:
Árnína Lena Rúnarsdóttir
Gunnhildur Lind Hansdóttir
Lísbeth Inga Kristófersdóttir
Maja Michalska
Sigrún Sjöfn Ámundadóttir
Lið Skallagríms 2019-20
KOMNAR:
Charlotte Thomas Rowe frá Lem-
vig (Danmörku)
Emilie Sofie Hesseldal frá Vitoria
Guimaraes (Portúgal)
Heiður Karlsdóttir frá Umf. Reyk-
dæla
Ingibjörg Rósa Jónsdóttir frá Snæ-
felli
Keira Robinson frá Murcia (Spáni)
Lísbeth Inga Kristófersdóttir frá
Umf. Reykdæla
FARNAR:
Brianna Banks, óvíst
Guðrún Ósk Ámundadóttir, hætt
og orðin þjálfari
Ines Kerin í Bolzano (Ítalíu)
Karen Munda Jónsdóttir, barn-
eignarleyfi
Karen Dögg Vilhjálmsdóttir, frí
Shequila Joseph í Keltern (Þýska-
landi)
Breytingar á liði Skallagríms
 Frumraun þjálfarans en þó er hún með mikla
reynslu. Þetta verður erfitt tímabil og afrek að ná í
góð úrslit ef það gerist.
 Erlendir leikmenn munu þurfa aða bera liðið uppi
með Sigrúnu Sjöfn og Árnínu en annars eru þær ansi
þunnskipaðar og til dæmis ein 14 ára sem er reyndar
mikið efni.
 Þær verða veikar fyrir inni í teig og mun mikið
mæða á þessari dönsku Emilie sem líklega þarf að spila mestallan leikinn.
 Liðshjartað er á réttum stað hjá þeim Ámunda-systrum sem vonandi
nær að smita Borgarfjarðarþrjósku í leikmenn og landa nógu mörgum
sigrum til að hanga í Snæfelli og Haukum og eiga möguleika á úr-
slitakeppni.
Margrét Sturlaugsdóttir
um Skallagrím
 Njarðvíkingar hafa sagt upp samn-
ingi sínum við litháíska körfuknatt-
leiksmanninn Evaldas Zabas sem kom
til þeirra fyrir tímabilið. Zabas er leik-
stjórnandi og skoraði 12 stig og átti
þrjár stoðsendingar að meðaltali í
þeim þremur leikjum sem hann lék
með Njarðvíkurliðinu í úrvalsdeildinni.
 Knattspyrnudeild Hauka hefur
framlengt samninga sína við Jakob
Leó Bjarnason, þjálfara meist-
araflokks kvenna hjá félaginu, og Guð-
rúnu Jónu Kristjánsdóttur aðstoð-
arþjálfara. Þau tóku við liðinu haustið
2017.
 Drengjalandslið Íslands í knatt-
spyrnu, skipað leikmönnum 14 ára og
yngri, tapaði fyrsta leik sínum gegn
Bandaríkjunum á alþjóðlegu móti sem
hófst í Póllandi í gær, 2:1. Andri Clau-
sen skoraði mark íslensku strákanna
sem mæta Rússum á morgun og Pól-
verjum á föstudaginn.
 Mohamed Salah lék ekki með Liver-
pool gegn Manchester United í ensku
úrvalsdeildinni í knattspyrnu á sunnu-
daginn vegna ökkla-
meiðsla og óvíst er
hvort hann getur
spilað gegn Genk
frá Belgíu í
Meistaradeild
Evrópu annað
kvöld. Salah
meiddist í leik
Liverpool og Leic-
ester 5. október og
náði ekki að jafna
sig til fulls í lands-
leikjahléinu.
Eitt
ogannað