Morgunblaðið - 28.12.2019, Blaðsíða 45

ÍÞRÓTTIR 45
MORGUNBLAÐIÐ LAUGARDAGUR 28. DESEMBER 2019
Íþróttamaður ársins 2019
hjá Samtökum íþróttafrétta-
manna verður krýndur í kvöld.
Samtökin voru stofnuð á sínum
tíma til þess að kjósa íþrótta-
mann ársins og enn þann dag í
dag er þetta helsta og stærsta
viðfangsefni þeirra á hverju ári.
Kjörið er jafnan umdeilt, enda
um huglægt mat íþróttafrétta-
manna að ræða, og erfitt er að
mæla árangur nákvæmlega og
bera saman fimleikakonu og
kraftlyftingamann, svo greinar
séu nefndar af handahófi.
Stundum er sátt um þann
sem verður fyrir valinu og stund-
um ekki. Það er í hæsta máta
eðlilegt og viðbrögðin að kjöri
loknu, hvort sem þau eru jákvæð
eða neikvæð, bera því glöggt
vitni hversu nærri hjarta þjóð-
arsálarinnar kjörið stendur.
Af og til fáum við kaldar
kveðjur frá sérsamböndum fyrir
að velja ekki þennan eða hinn og
því fylgir stundum hótun um að
réttast væri að láta ÍSÍ taka kjör-
ið úr höndum okkar íþrótta-
fréttamanna.
Á Þorláksmessu sendi
Landssamband hestamanna-
félaga frá sér tilkynningu þar
sem lýst var yfir vonbrigðum yfir
því að þeirra fulltrúi hefði ekki
komist í hóp tíu efstu í kjörinu.
Þar var m.a. sagt: „Við teljum
að það sé nauðsynlegt að
Íþróttasamband Íslands endur-
skoði það fyrirkomulag sem við-
haft er við árlegt val á íþrótta-
manni ársins og því komið í
faglegan farveg …“
Svo það sé nú áréttað eina
ferðina enn þá hefur ÍSÍ ekkert
með kjör SÍ á íþróttamanni árs-
ins að gera. ÍSÍ getur ekki endur-
skoðað fyrirkomulagið og hefur
engin völd til að koma því „í fag-
legan farveg“. Þegar íþróttamað-
ur verður ekki fyrir valinu eða
kemst ekki í hóp tíu efstu er það
vegna þess að hann fær ekki
nægilega mörg stig í þessari ein-
földu kosningu þess fólks sem
hefur það að atvinnu að fjalla um
íþróttir í fjölmiðlum. Síðan má
endalaust rífast um hvort það
hafi rétt fyrir sér eða ekki.
BAKVÖRÐUR
Víðir Sigurðsson
vs@mbl.is
HANDBOLTI
Kristján Jónsson
kris@mbl.is
Hafnfirðingurinn Ágúst Elí Björg-
vinsson, landsliðsmarkvörður í
handknattleik, hefur ákveðið að
skipta um lið næsta sumar eins og
fram kom á dögunum. Eftir að hafa
stigið fyrstu skrefin í atvinnu-
mennskunni með Sävehof í Svíþjóð
hefur Ágúst nú hug á að takast á við
nýja áskorun á næsta tímabili.
„Ég komst að samkomulagi við
forráðamenn félagsins og við töldum
að best væri í stöðunni að þeir
myndu finna sér annan markmann
og ég myndi finna mér annað lið. Var
þetta gert bæði fyrir mig og liðið en
ég fæ þá tækifæri til að takast á við
nýjar áskoranir og þroskast frekar
sem markvörður. Þótt leikmanna-
hópurinn sé frábær þá hef ég áhuga
á að skoða aðra möguleika og það
varð niðurstaðan,“ sagði Ágúst þeg-
ar Morgunblaðið hafði samband við
hann og því ljóst að hann mun yfir-
gefa Sävehof næsta sumar.
Hvort hann muni vera áfram í Sví-
þjóð eða fara annað segir Ágúst vera
óráðið. „Ég er opinn fyrir öllu og er
að skoða þetta með umboðsmann-
inum mínum. Við erum að skoða
ákveðna hluti en ég vil ekki segja of
mikið. Svíþjóð er örugglega ekki
endastöð á mínum ferli. Eins og er
þarf ég einnig að hugsa um að spila
með Sävehof og standa mig. Þar er
þó alveg ljóst að ég færi mig um set
næsta sumar og Sävehof er búið að
tryggja sér nýjan markvörð sem
kemur næsta sumar.“
Spurður um hvort Ágúst sé
spenntari fyrir einni deild en annarri
nefnir hann þrjár sérstaklega.
Mikil forföll hjá liðinu
„Já já. Maður er hrifnari af sum-
um deildum en öðrum. Deildirnar í
Þýskalandi, Danmörku og Frakk-
landi eru mest spennandi að mér
finnst. Það væri ansi góð lending
enda mjög sterk lið í þessum lönd-
um. Þar ætti maður að geta tekið
miklum framförum.“
Ágúst Elí yfirgefur ekki Sävehof
vegna óánægju eins og fram hefur
komið. Hann varð sænskur meistari
með liðinu í byrjun sumars og í vetur
hefur hann leikið með liðinu í Meist-
aradeild Evrópu. Ágúst er nokkuð
ánægður með tímabilið hingað til en
segir þó meiðsli leikmanna hafa sett
strik í reikninginn hjá liðinu.
„Ég hef spilað heilan helling í vet-
ur og hef til dæmis spilað mikið í
Meistaradeildinni. Ég hef lært mikið
af þeim leikjum. Liðinu gekk vel í
upphafi tímabilsins og ég stóð mig
þrusuvel. Svo lentu ansi margir í
meiðslum hjá okkur og lykilmenn
duttu út. Til að mynda fengu fjórir
leikmenn heilahristing á tveimur
vikum. Það voru martraðarvikur
fyrir liðið og undir lok ársins hafa
forföllin sett sinn svip á liðið. En um
leið hefur þetta einnig verið lær-
dómsríkur tími. Margir ungir leik-
menn úr akademíunni hjá félaginu
fengu tækifæri og eru flottir.
En þessi þétti leikmannakjarni
sem varð meistari á síðasta tímabili
hefur lítið náð að spila saman enn
sem komið er. Róðurinn hefur því
verið þyngri fyrir okkur í vetur og
þar spilar einnig inn í að leikjaálagið
er mikið. Maður bíður bara spenntur
eftir því að við getum stillt upp okk-
ar sterkasta liði,“ sagði Ágúst og
hann segir leikjaálagið taka meira í
en hann bjóst við fyrir fram.
„ Kannski vanmat maður leikja-
álagið í upphafi tímabilsins. En við
vinnum með þann hóp sem við höf-
um og reynum að gera það sem
best,“ sagði Ágúst Elí Björgvinsson.
Svíþjóðarmeistarinn
vildi fá nýja áskorun
 Ágúst Elí yfirgefur Sävehof næsta sumar  Hefur spilað mikið á tímabilinu
Ljósmynd/IK Sävehof
Tilþrif Ágúst Elí Björgvinsson í markinu í leik með Sävehof í sænsku úrvalsdeildinni. Hann varð meistari með liðinu
á síðasta tímabili en ætlar að kveðja það næsta sumar og reyna fyrir sér annars staðar.
Ragnar Sigurðsson, landsliðs-
miðvörður í knattspyrnu, er í við-
ræðum við tyrkneska félagið Trab-
zonspor um samning, samkvæmt
fréttum tyrkneskra fjölmiðla í gær.
Hann var á dögunum leystur undan
samningi við rússneska félagið
Rostov en þar hafði Ragnar gegnt
stöðu fyrirliða frá því í byrjun
þessa tímabils. Trabzonspor, sem
hefur sex sinnum orðið tyrkneskur
meistari, er í þriðja sæti tyrknesku
úrvalsdeildarinnar en meðal þekkt-
ustu leikmanna liðsins eru Daniel
Sturridge og John Obi Mikel.
Ragnar á leið til
Tyrklands?
Morgunblaðið/Eggert
Tyrkland Ragnar Sigurðsson virðist
á leið til suðurstrandar Svartahafs.
Carlo Ancelotti, nýráðinn knatt-
spyrnustjóri Everton, sagðist í gær
ætla að gera talsverðar breytingar
á liði sínu fyrir leikinn gegn New-
castle í ensku úrvalsdeildinni í dag,
til þess að forðast álagsmeiðsli í
þeirri þéttu leikjatörn sem nú er í
gangi. Gylfi Þór Sigurðsson var
meðal þeirra sem léku allan leikinn
í 1:0-sigrinum á Burnley í fyrradag
og ólíklegt er að hann spili aftur í
90 mínútur í dag. Everton leikur
síðan gegn Manchester City á ný-
ársdag og gegn Liverpool í bik-
arnum 5. janúar. vs@mbl.is
Boðar talsverðar
breytingar í dag
AFP
Everton Gylfi Þór Sigurðsson og fé-
lagar mæta Newcastle í dag.
Bakvörðurinn fjölhæfi frá Slóveníu, Luka Doncic, sneri
aftur í lið Dallas Mavericks í fyrrinótt, eftir að hafa
misst af fjórum leikjum vegna meiðsla, og var í aðal-
hlutverki í naumum heimasigri á nágrönnunum San
Antonio Spurs, 102:98.
Doncic skoraði 24 stig fyrir Dallas, tók 10 fráköst og
átti 8 stoðsendingar. DeMar DeRozan skoraði 21 stig
fyrir San Antonio. Dallas var búið að tapa tveimur af
síðustu þremur leikjum en liðið er í fimmta sæti í tví-
sýnni toppbaráttu Vesturdeildarinnar í NBA.
Luka Doncic, sem verður 21 árs gamall í febrúar, leik-
ur annað tímabil sitt með Dallas, en hann kom til félags-
ins frá Real Madrid sumarið 2018 og var valinn nýliði ársins í NBA síðasta
vetur. vs@mbl.is
Slóveninn hafði góð áhrif
Luka
Doncic
Sænski knattspyrnumaðurinn Zlatan Ibrahimovic hefur
samið til hálfs árs við sitt gamla félag AC Milan sem til-
kynnti um komu hans síðdegis í gær.
Zlatan lék með AC Milan 2010 til 2012 og varð ítalskur
meistari með liðinu fyrra árið en frá þeim tíma hefur fé-
lagið ekki unnið titilinn. Það er í miklu basli um þessar
mundir, er í ellefta sæti A-deildarinnar með markatöl-
una 16:24 og steinlá 5:0 fyrir Atalanta í síðasta leik fyrir
jól.
Zlatan er orðinn 38 ára gamall og yfirgaf LA Galaxy í
Bandaríkjunum fyrir jól en hann hefur skorað 535 mörk
í mótsleikjum á farsælum ferli með Malmö, Ajax, Juven-
tus, Inter Mílanó, Barcelona, AC Milan, París SG, Manchester United og nú
síðast LA Galaxy. vs@mbl.is
Aftur til Ítalíu eftir langt hlé
Zlatan
Ibrahimovic
Sverrir Ingi
Ingason, mið-
vörður grísku
meistaranna PA-
OK og íslenska
landsliðsins í
knattspyrnu, var
orðaður við
ítalska félagið
Fiorentina í
ítalska blaðinu
Firenze Viola í
gær. Þar fer sérfræðingurinn Fabri-
zio Bertuzzi yfir stöðu mála hjá liði
Fiorentina og nefnir til sögunnar þá
leikmenn sem hann telur að komi til
greina að félagið fái til liðs við sig í
janúar. Bertuzzi nefnir tvo miðverði
til sögunnar, Jeffrey Gouweleeuw,
hollenskan samherja Alfreðs Finn-
bogasonar hjá Augsburg í Þýska-
landi, og Sverri Inga hjá PAOK.
Sverrir hefur átt góðu gengi að
fagna með PAOK að undanförnu og
skorað fjögur mörk fyrir liðið síð-
ustu vikurnar, en PAOK er taplaust
á toppi grísku úrvalsdeildarinnar.
Sverrir Ingi
orðaður við
ítalskt félag
Sverrir Ingi
Ingason