Morgunblaðið - 11.12.2019, Side 6

6 MORGUNBLAÐIÐ MIÐVIKUDAGUR 11. DESEMBER 2019FRÉTTIR
HAGI ehf Stórhöfða 37 • 110 Reykjavík • S. 414-3700 • hagi@hagi.is • Hagi ehf HILTI
Hágæða
vinnuföt
í miklu úrvali
Sérmerkjum fyrir fyrirtæki
Verkfæri og festingar
Mikið úrval af öryggisvörum
Nú fástS s vinnuföt í
DAGVÖRUVERSLUN
Samkeppniseftirlitið hefur samþykkt
að félagið Krummafótur ehf. taki að
sér rekstur dagvöruverslunar í
Stykkishólmi í samræmi við leigu-
samning þess efnis við Ísborg ehf.
Hafði Ísborg tekið við rekstrinum í
kjölfar sáttar milli Samkeppniseft-
irlitsins við Haga í kjölfar kaup fé-
lagsins á Olís, enda urðu Hagar með
viðskiptunum eini aðilinn sem seldi
dagvörur í bæjarfélaginu. Var gerð
sátt sem fól í sér að annar rekstrar-
aðili myndi reka verslunina.
Rekstur Ísborgar gekk hins vegar
erfiðlega og var versluninni lokað í
september. Taldi Samkeppniseftir-
litið „óhjákvæmilegt að leita leiða til
þess að ná fram markmiðum þeirra
skilyrða sem sett voru vegna og í
tengslum við samruna Haga og Olís,“
að því er fram kemur í tilkynningu á
vef eftirlitsins.
Í samræmi við þarfir
viðskiptavina
Kom þá Krummafótur til sögunar
sem nýr rekstraraðili og hlaut hann
samþykki Samkeppniseftirlitsins 9.
desember, en fyrirtækið mun reka
bæði verslun og veitingastað í hús-
næðinu. Þá mun vöruúrval verslunar-
innar verða veitingar, dagvörur á
þægindamarkaði, olíu- og bílavörur,
vörur tengdar ferðamönnum, ásamt
öðru.
„Í ljósi ábendinga frá viðskipta-
vinum verslunarinnar í kjölfar söl-
unnar til Ísborgar og rekstrarerfið-
leika þess félags beindi
Samkeppniseftirlitið þeim tilmælum
til nýrra rekstraraðila að huga að því
að afgreiðslutími og vöruframboð
verslunarinnar yrði í samræmi við
þarfir viðskiptavina í Stykkishólmi,“
segir í tilkynningunni.
Skilyrða rekstur
í Stykkishólmi
Morgunblaðið/Sigurður Bogi
Krummafótur mun reka verslun í
Stykkishólmi.
Florealis hefur vaxið hratt frá stofn-
un árið 2013. Í dag er fyrirtækið með
níu jurtalyf og lækningavörur á
markaði og í lok október voru Flor-
ealis-vörurnar til sölu í um 600 apó-
tekum. Því til viðbótar er einnig
nýbúið að ljúka samningum við eina
af stærstu apótekakeðjum Svíþjóðar
og bætast þá við 300 sölustaðir.
Kolbrún Hrafnkelsdóttir, stofnandi
Florealis og forstjóri, er að vonum
ánægð með árangurinn. Fyrirtækið
stendur núna fyrir hlutafjármögnun á
sprotafjármögnunar-markaðstorginu
Funderbeam og verður fjármagnið
sem þannig aflast einkum nýtt til að
setja aukinn kraft í markaðsstarfið.
„Fram að þessu hafa fjárfestar lagt
okkur til um 600 milljónir króna. Í
fjárfestahópnum eru m.a. öflugir
einkafjárfestar sem margir hafa bak-
grunn í lyfjaiðnaði en líka vísisjóð-
urinn Nýsköpunarsjóður atvinnulífs-
ins,“ segir Kolbrún.
Morgunblaðið hefur áður fjallað
um fjármögnun íslenskra sprota í
gegnum Funderbeam. Hugbúnaðar-
fyrirtækið Flow reið þar á vaðið og
matvælasprotinn Lava Cheese fylgdi
í kjölfarið. Bæði náðu góðum árangri
og fengu fjölda erlendra aðila inn í
fjárfestahópinn. Funderbeam var
stofnað af fyrrverandi stjórnanda
kauphallarinnar í Tallinn og er fjár-
mögnunarvettvangur sniðinn að þörf-
um ungra fyrirtækja í vaxtarfasa.
Florealis ákveður hve margir hlutir
eru boðnir til sölu og á hvaða verði, og
getur almenningur eignast hlut til
jafns við fagfjárfesta og notið sömu
kjara.
Vilja fleiri valkosti
Jurtalyf Florealis eru framleidd
samkvæmt ströngustu gæðakröfum
og fara í gegnum flókið ferli til að fá
skráningu sem jurtalyf. „Kröfurnar
eru þær sömu og gerðar eru til lyfja
almennt og þurfum við að fylgja for-
skriftum Lyfjastofnunar Evrópu, s.s.
um hvernig má nota lyfin og í hvaða
styrk,“ útskýrir Kolbrún en frá upp-
hafi hefur uppbygging vörulínunnar
beinst að því að finna glufur á mark-
aðinum þar sem vöntun er á annars
konar lausnum við kvillum og sjúk-
dómum. „Varan okkar Lyngonia, sem
notuð er við vægum þvagfærasýk-
ingum hjá konum, er ágætis dæmi
um þetta. Fram til þessa hefur Ís-
lendingum helst staðið til boða að
nota sýklalyf til að vinna bug á þvag-
færasýkingu en Lyngonia getur gert
sama gagn og notar til þess virk efni
úr sortulyngi,“ segir hún og bendir á
að neytendur séu í dag meðvitaðir um
mikilvægi þess að hafa hemil á notk-
un sýklalyfja. „Annað gott dæmi er
Sefitude, sem inniheldur garða-
brúðurrótarútdrátt og er notað við
vægum kvíða og svefntruflunum. Þar
er komin vara sem hentar m.a. þeim
sem vilja síður taka hefðbundin
svefnlyf sem mögulega geta haft
ávanabindandi eiginleika.“
3.000 blaðsíðna umsóknir
Það gerir árangur Florealis ekki
síður merkilegan hvað yfirbygging
fyrirtækisins er smá. Sjö manns
starfa á skrifstofu Florealis á Íslandi
og tveir til viðbótar hjá útibúi í Sví-
þjóð. Fyrstu árin fóru í þróunarvinnu,
leyfisumsóknir og skráningar, og
komu vörurnar allar á markað á síð-
ustu tveimur árum. Þá eru tvær nýjar
vörur í pípunum en í dag spannar úr-
valið allt frá jurtalyfi til að fyrir-
byggja mígreni, yfir í mjúka froðu
sem dregur úr kláða, sviða og ertingu
á kynfærasvæði. „Að fá jurtalyf skráð
er ferli sem hefst með því að leggja
fram mikið magn rannsóknargagna
sem síðan eru færð yfirvöldum til um-
sagnar. Í okkar tilviki hefur hver um-
sókn verið í kringum 3.000 blaðsíður
að lengd og verið um 18 mánaða ferli
að fylgja hverri umsókn eftir.“
Með öll leyfi í höfn, og vandaða
vöru í fallegum umbúðum, er svo eftir
að koma vörunni á framfæri við neyt-
endur. Kolbrún segir að vitaskuld
skipti miklu að komast að í apótekum
og mikil samkeppni ríki um hillu-
plássið. „Samhliða því þurfum við að
heimsækja apótekin og fræða starfs-
fólkið um vöruna og kynna hana fyrir
neytendum. Þá höfum við lagt
áherslu á greinarskrif í samvinnu við
fagaðila, þar sem við upplýsium al-
menning um hvernig hægt er að við-
halda góðri heilsu,“ útskýrir hún.
„Smám saman ná vörunnar betri fót-
festu og sjáum við það t.d. á Íslandi í
dag að ákveðnar vörur hafa náð að
festa sig í sessi og hópur fólks kaupir
okkar jurtalyf aftur og aftur.“
Huga að langtímaáhrifunum
Neytendur viðrast vera að vakna
til vitundar um hve gagnleg jurtalyf
geta verið en Kolbrún, sem er lyfja-
fræðingur að mennt, veit hvað blaða-
maður er að fara þegar hann spyr um
fordóma í garð heilsubætandi efna
sem unnin eru úr jurtum. Hún segir
mikinn mun á jurtalyfjum og t.d.
fæðubótarefnum þar sem framleið-
endur jurtalyfja þurfa að sýna fram á
gæði, öryggi og verkun og skráningin
er trygging neytenda fyrir því að var-
an uppfylli skilyrði heilbrigðisyfir-
valda „Ólíkt því sem margir halda þá
eiga mörg öflug lyf á markaðinum
uppruna sinn í náttúrunni, s.s. mörg
verkjalyf og krabbameinslyf. Um
þriðjungur hefðbundinna lyfja á ræt-
ur að rekja til náttúrunnar.“
Þá segir Kolbrún að jurtalyf séu í
sókn, í takt við vaxandi heilsumeðvit-
und almennings. „Frekar en að leita
að lyfi sem t.d. drepur sýkingu sem
hraðast þá hugar fólk líka að því hver
langtímaáhrifin á líkamann munu
verða eftir að sjúkdómurinn er á bak
og burt. Að ætla t.d. að fara á sýkla-
lyfjakúr þrisvar á ári er eitthvað sem
gæti endað með því að ný vandamál
skytu upp kollinum.“
Finna glufur
á markaðinum
þar sem vantar
betri kosti
Ásgeir Ingvarsson
ai@mbl.is
Stofnandi Florealis segir
sumar vörur fyrirtækisins
þegar hafa náð að festa sig
í sessi á Íslandi. Bráðum
hefst sala á vörunum í 300
apótekum í Svíþjóð og fjár-
mögnun stendur yfir á
Funderbeam.
Morgunblaðið/Eggert
„Ólíkt því sem margir halda þá
eiga mörg öflug lyf á markaðinum
uppruna sinn í náttúrunni,“ segir
Kolbrún um gagnsemi jurtalyfja.