Morgunblaðið - Sunnudagur - 22.12.2019, Blaðsíða 6

VETTVANGUR
6 MORGUNBLAÐIÐ SUNNUDAGUR 22.12. 2019
Rannsóknir sýna að jólin eru ákaflegastreituvaldandi. Yfirleitt setur fólk þauí eitt af fimm efstu sætunum yfir það
sem veldur því stressi. Reyndar eru það ekki
jólin sjálf sem taka okkur á taugum heldur
undirbúningurinn og allt sem þarf að græja
fyrir þessa miklu hátíð.
Það þarf að laga til. Það eru einhverskonar
óskráð lög að það þarf allt að vera í toppstandi,
jafnvel staðir sem enginn á eftir að skoða. Svo
þarf náttúrlega að vera með matinn á hreinu
og passa upp á að það sé allt tilbúið til að eng-
inn fríki út yfir því að það vanti rauðkál eða
grænu baunirnar séu ekki af réttri tegund.
Eldamennskan þarf að vera fullkomin svo allir
fái bragðið af jólum fortíðar og allt verði ná-
kvæmlega eins og það hefur alltaf verið.
Jólasiðirnir eru líka mikilvægir. Þeir veita
okkur öryggi og eru eitthvað sem við leitum
alltaf í á jólunum. Jólaskrautið þarf að vera á
sínum stað og seríurnar. Maður minn. Ég veit
ekki hvaða glæpamaður fann upp það kerfi að
láta heilar seríur slökkva á sér ef ein pera bilar
en mér finnst líklegt að hann eyði desember í
einu samfelldu hikstakasti.
Svo koma jólin og þau eru dásamleg. Sam-
veran, kertaljós, maturinn og allt sem fylgir.
En samt er stór streituvaldur ennþá eftir.
Jólagjöfin til þeirra sem skipta mann mestu
máli.
Síðustu daga höfum við Siggi, sem er með
mér í síðdegisþættinum á K100, verið að safna
sögum af jólagjöfum. Þær eru mjög merki-
legar og sýna hve miklu máli skiptir að finna
réttu gjöfina. Og reyndar hversu karlmenn
geta verið miklir bjánar þegar kemur að því að
velja gjöf handa konum sínum.
Þær eru nefnilega nokkrar sögurnar um
menn sem hafa gefið ástinni sinni hand-
ryksugur, baðvigt eða topplyklasett. Án þess
að það hafi komið nálægt neinum óskalista.
Minnir reyndar aðeins á bróður minn sem gaf
mér alltaf eitthvað sem hann langaði í og
spurði áður en ég náði að opna hvort hann gæti
ekki örugglega fengið þetta lánað.
Svo eru reyndar fleiri en ein saga þar sem
menn hafa ákveðið að það væri góð hugmynd,
að fyrsta gjöf þeirra, á fyrstu jólum með
tengdaforeldrum sínum, væri hjálpartæki ást-
arlífsins. Það flokkast sennilega undir áhættu-
hegðun.
En margar sögurnar segja líka frá gjöf-
unum sem heppnast og gleymast ekki.
Gleðinni sem fylgir því þegar jólagjöf hittir í
mark. Það er alveg satt að það er sælla að gefa
en þiggja. Þó að hitt sé náttúrlega fínt líka.
Við vitum
það líka að
stór hluti jóla-
gjafa er óþarfi.
Hlutir sem
okkur vantar
ekki og höfum
í raun enga
sérstaka þörf
fyrir. Og í rök-
réttum heimi sætum við sennilega í hring og
millifærðum hvert á annað til að tryggja að
gjöfin nýttist sem allra best og við gætum
ákveðið hana sjálf. En svo er nú það, að það er
lítið spennandi og huginn á bak við gjöfina
vantar.
Gjöfin er nefnilega tákn um vináttu og hlýju.
Hún þarf ekki að vera dýr, með einhverju
flottu merki eða úr fínni búð. Hún þarf bara að
vera heiðarleg tilraun til að gleðja og vera gef-
in af góðum hug.
Og svona í lokin: Það er sjaldnast góð hug-
mynd að draga þetta fram á Þorláksmessu,
skvetta aðeins í sig og redda þessu þá. Það er
sennilega fullreynt.
’Svo koma jólin og þau erudásamleg. Samveran, kerta-ljós, maturinn og allt sem fylgir.En samt er stór streituvaldur enn
þá eftir. Jólagjöfin til þeirra sem
skipta mann mestu máli.
Á meðan ég man
Logi Bergmann Eiðsson
logi@mbl.is
Hin fullkomna jólagjöf
Bílar
Elsku Ingveldur, til
hamingju með að hafa
verið skipuð hæsta-
réttardómari og þú
akkúrat á tímamörk-
unum til að byrja nýtt tíu ára
tímabil.
Þú ert búin að ljúka svo mörgu,
lagfæra svo margt skref fyrir
skref að þinn tími var svo sann-
arlega kominn að stíga í þessa
pontu.
Í gegnum tíð-
ina hefurðu
breytt lífi fólks
og reynt að gefa
af þér eins og
frekast þú getur.
Þú ert hlý, trú og
trygg þínum og
gefur þér þann
kraft að leyfa þér
að breyta um
skoðun á manneskjum eða mál-
efnum ef þykja þarf. Þetta er mikil
dyggð, sérstaklega ef við skoðum
næstu tíu árin hjá þér.
Þetta verða svo sannarlega
bestu árin sem þú hefur lifað svo
þú getur leyft þér að hlakka til.
Það verður mikill hraði á árinu
2020 og sjálfsögðu munu einhverjir
hafa horn í síðu þinni en það er
bara partur af prógramminu, alveg
sama hvar maður er í þjóðfélaginu.
Þú hefur unnið þig upp með
orku íþróttamannsins frá unga
aldri og hefur hæfileika kamel-
ljónsins, þú lagar þig að öllum að-
stæðum sem þú ert sett í. Orð-
heppni er sterkasta gjöfin þín og
þú hefðir orðið dásamlega góður
kennari (sem getur vel verið að þú
hafir verið). Þú hefur þennan hæfi-
leika að fólk sem þú kennir skilur
og skynjar vel það sem þú segir.
Þú hefur svo einstaka þolinmæði,
sérstaklega gagnvart unga fólkinu,
að enginn mun gleyma þér, svo
sterk eru áhrif þín.
Þú hefur alltaf verið með ríka
réttlætiskennd og stutt foreldra og
fjölskyldumeðlimi meira en marg-
ur og gerir allt sem þú getur skil-
yrðislaust.
Það er eitt annað. Þú hefur af-
gerandi sterkt
minni sem getur
líka verið mínus
vegna þess að
þú hendir ekki
frá þér nógu
auðveldlega erf-
iðum minning-
um. Þú þarft að
æfa þig í að fara
út með ruslið í
heilanum og henda sumum minn-
ingum. Það gamla er búið og núna
er núið.
Talan þrír táknar líka að þú haf-
ir fjölmarga hæfileika sem þú hef-
ur kannski ekki skoðað nógu vel
heldur eru þeir bara inni í skáp og
teipað fyrir. Þú átt erfitt með að
monta þig en mont og stolt eru
systur svo þú mátt svo sannarlega
hreykja þér á hæsta steininum fyr-
ir ýmislegt skemmtilegt sem þú
kannt.
Þetta vita einungis þínir nán-
ustu. Þú ert með gott fók í kring-
um þig og hefur það djúpa innsæi
að vita hverja þú getur treyst á,
sem er mikilvægt, alveg sama
hvaða starfi maður gegnir.
Stjörnumerki Ingveldar er naut.
INGVELDUR Þ. EINARSDÓTTIR
NÝSKIPAÐUR DÓMARI VIÐ HÆSTARÉTT ÍSLANDS
29.4. 1959
Hlý, trú og
trygg
’ Þú hefur unnið þigupp með orkuíþróttamannsins fráunga aldri og hefur hæfi-
leika kamelljónsins, þú
lagar þig að öllum að-
stæðum sem þú ert sett í.
á heimasíðu Hreyfils:
hreyfill.is
eða í App Store
og Google Play
SÆKTU APPIÐ
Sæktu appið frítt á AppStore
eða Google Play
Hreyfils appið
Pantaðu leigubíl á einfaldan
og þægilegan hátt
Þú pantar bíl1
3 og færð SMS skilaboðað bíllinn sé kominn.
2 fylgist með bílnum í appinu