Fréttablaðið - 05.12.2002, Síða 4

4 5. desember 2002 FIMMTUDAGURKJÖRKASSINN
Farðu inn á frett.is og segðu
þína skoðun
frétt.is
Áttu fyrir jólunum?
Spurning dagsins í dag:
Ertu hlynnt/ur eða andvíg/ur
sumarlokun leikskóla?
Niðurstöður gærdagsins
á www.frett.is
20,5%
30,7%Varla
48,9%
JÓLIN NÁLGAST
Tæplega helming-
ur telur sig eiga
fyrir jólunum.
Nei
Já
ÁLVER Kostnaður ríkissjóðs vegna
undirbúnings álvers í Reyðar-
firði er tæpar 200 milljónir
króna frá árinu 1997. Þetta kem-
ur fram í svari iðnaðarráðherra
við fyrirspurn Kolbrúnar Hall-
dórsdóttur. Fjórðungur kostnað-
arins féll til árið 1999, rúmar 52
milljónir króna, og annað eins í
fyrra. Hluti kostnaðarins fæst
endurgreiddur ef af fram-
kvæmdum verður.
Hlutdeild Fjárfestingarstof-
unnar - orkusviðs í sameiginleg-
um kostnaði sem endurgreiða
átti samkvæmt samningi við
Reyðarál hf. ef til framkvæmda
kæmi er 112,6 milljónir króna. Í
tengslum við samninga um kaup
Alcoa á Reyðaráli var samið um
að Alcoa greiddi Fjárfestingar-
stofunni - orkusviði tæplega 52
milljónir króna.
Þá kemur fram að hlutdeild
ríkisins í kostnaði af störfum
STAR, samstarfsnefndar um
staðarvalsathuganir iðnaðar-
svæða á Reyðarfirði, er tæpar 30
milljónir króna. Engar greiðslur
hafa hins vegar runnið úr ríkis-
sjóði til Hrauns ehf., undirbún-
ingsfélags sem heimamenn
stofnuðu vegna undirbúnings ál-
versframkvæmda. ■
72 hassplöntur fundust:
Tveir menn
handteknir
FÍKNIEFNI Fíkniefnadeild lögregl-
unnar í Reykjavík lagði á þriðju-
dag hald á sjötíu og tvær
kannabisplöntur sem verið var að
rækta í bílskúr í Vesturbænum.
Tveir menn voru handteknir
grunaður um aðild að ræktuninni.
Annar þeirra er 19 ára gamall en
hinn 26 ára.
Mennirnir voru í haldi lögreglu
yfir nóttina og sleppt síðan daginn
eftir. Telst málið upplýst sam-
kvæmt upplýsingum frá lögregl-
unni. ■
KOSNINGAR Úrslit þingkosninganna
á Grænlandi á þriðjudag þykja ótví-
rætt merki um að Grænlendingar
vilji fá meira sjálfstæði.
Stjórnarandstæðingarnir í Inuit
Ataqatigiit, eða IA, vilja fara hrað-
ar í áttina að sjálfstæði en aðrir
flokkar. Þeir vilja að kosið verði um
sjálfstæði strax árið 2005. Þeir upp-
skáru fjögurra prósenta fylgis-
aukningu og bættu við sig einum
manni.
Stærsti sigurvegari kosning-
anna var þó nýr flokkur Lýðræðis-
sinna, sem hlaut sextán prósent at-
kvæða og fimm þingsæti. Per
Berthelsen, leiðtogi flokksins, hlaut
langflest atkvæði allra í kosningun-
um. Lýðræðissinnar vilja ekki fara
sér hratt í sjálfstæðismálinu, held-
ur bíða þangað til Grænlendingar
hafa fjárhagslegt bolmagn til þess
að standa á eigin fótum.
Tap stjórnarflokkanna tveggja,
Siumut og Atassut, varð mun minna
en búist var við fyrir kosningar.
Eins og staðan er núna er jafnað-
arflokkurinn Siumut áfram stærsti
flokkur landsins. Hann getur nú
valið hvort hann fer í stjórn með
vinstrimönnunum í IA eða heldur
áfram stjórnarsamstarfi með borg-
araflokknum Atassut.
Fyrrnefndi möguleikinn þykir
líklegri til að verða ofan á, enda
hafði stjórnarsamstarf Siumut og
Atassut gengið brösuglega síðustu
mánuði. Siumut og IA hafa auk þess
starfað saman í stjórn oftar en aðr-
ir flokkar og stefna þeirra fer í
flestum málum saman.
Hans Enoksen, formaður Si-
umut, verður því væntanlega næsti
formaður grænlensku heimastjórn-
arinnar. Jonathan Motzfeldt, sem
verið hefur formaður grænlensku
landsstjórnarinnar lengur en nokk-
ur annar stjórnmálamaður, tapaði
fyrir Enoksen í formannskjöri
flokksins í október. Motzfeldt hlaut
ekki nema 709 atkvæði í kosningun-
um, en hafði gert sér vonir um að fá
flest atkvæði þingmanna Siumut og
geta í krafti þess gert tilkall til að
verða formaður landsstjórnarinnar
þrátt fyrir að vera ekki flokksfor-
maður áfram.
Mestu tapaði svonefnt Fram-
bjóðendabandalag, eða Kattus-
seqatigiit, sem hafði fjóra þing-
menn á síðasta þingi en náði aðeins
einum manni inn núna. Kvenna-
flokkurinn, sem bauð fram í fyrsta
sinn, fékk ekki nema 686 atkvæði
og náði því ekki inn á þing.
gudsteinn@frettabladid.is
MENNING Norski listmálarinn Odd
Nerdrum, sem nýlega festi kaup á
gamla Borgarbókasafninu við
Þingholtsstræti og hefur sest þar
að, hefur ákveðið að stíga sín
fyrstu skref inn í reykvískt menn-
ingarlíf:
„Odd hefur lánað okkur þrjú
glæný málverk sem við ætlum að
sýna á Kjarvalsstöðum. Þetta er
sannkölluð jólagjöf frá listamann-
inum til Reykvíkinga,“ segir Soff-
ía Karlsdóttir, kynningarstjóri
Listasafns Reykjavíkur. „Verkin
verða sett upp á allra næstu dög-
um í miðrými Kjarvalsstaða þar
sem þau eiga eftir að njóta sín
vel,“ segir hún.
Odd Nerdrum er ekki ókunnug-
ur á Kjarvalsstöðum en þar sýndi
hann í fyrra og hlaut toppaðsókn.
Verkin þrjú sem nú verða sýnd í
fyrsta sinn verða ekki til sölu
enda í einkaeigu listamannsins:
„En það má örugglega semja við
hann hafi fólk áhuga á að eignast
verkin,“ segir Soffía Karlsdóttir.
Búseta Odd Nerdrum í Þing-
holtunum hefur vakið töluverða
athygli nágranna hans enda sópar
að listamanninum þar sem hann
fer. Tveir ungir synir hans eru
komnir í Austurbæjarskóla en
von er á eiginkonu hans, og tví-
burum sem þau eiga, um eða eftir
áramót. ■
Kostnaður ríkis við undirbúning álvers í Reyðarfirði:
Tæpar 200 milljónir
KOSTNAÐUR RÍKISSJÓÐS
VEGNA UNDIRBÚNINGS
ÁLVERS
Ár. Krónur
1997 9.299.314
1998 23.398.123
1999 52.010.774
2000 30.421.752
2001 48.572.314
2002 36.072.065
Samtals 199.774.342
Sýnir þrjú glæný verk á Kjarvalsstöðum:
Jólagjöf frá
Odd Nerdrum
FRUMSÝNING Á KJARVALSSTÖÐUM
Eitt af þremur verkum Odd Nerdrum sem sýnd verða í tilefni jóla í Reykjavík.
ÚRSLIT GRÆNLENSKU ÞINGKOSNINGANNA
2002 1999
Hlutf. atkv. Þingm Hlutf. atkv. Þingm
Siumut, jafnaðarmenn 29 10 35 11
Atassut, frjálslyndir 20 7 25 8
Inuit Ataqatigiit, vinstrisinnar 26 8 22 7
Kattusseqatigiit 5 1 12 4
Lýðræðisflokkurinn 16 5 - -
Kvennaflokkurinn 0 0 - -
Utanflokka - - 5 1
Samtals - - 31 31
Grænlendingar
vilja sjálfstæði
Tap stjórnarflokkanna á Grænlandi varð minna en búist var við. Jafn-
aðarflokkurinn Siumut getur valið hvort hann heldur áfram stjórnar-
samstarfi með borgaraflokknum Atassut eða myndar nýja stjórn með
vinstriflokknum IA.
UNGA KYNSLÓÐIN Á GRÆNLANDI
Sjálfstæðisdraumarnir hlutu byr undir báða vængi í kosningunum á Grænlandi á þriðjudag.
FR
ÉT
TA
B
LA
Ð
IÐ
/I
N
G
Ó
INGIBJÖRG SÓLRÚN GÍSLADÓTTIR
Borgarstjóri er sáttur við fjárhagsáætlun
borgarsjóðs þrátt fyrir að nú sé útlit fyrir
minni tekjur en síðustu áætlanir gerðu ráð
fyrir. Áætlunin verður lögð fram á morgun.
Rekstur fyrirtækja borgarinnar verður
kynntur síðar.
Reykjavíkurborg:
Útgjöld
aukast meira
en tekjur
SVEITARSTJÓRNIR Útgjöld borgar-
sjóðs Reykjavíkur munu hækka
umfram tekjur á næsta ári sam-
kvæmt nýju frumvarpi til fjár-
hagsáætlunar. Frumvarpið verður
lagt fyrir borgarráð í dag.
Tekjur borgarsjóðs eiga að
hækka um 5,5% frá þessu ári og
verða tæpir 34,2 milljarðar króna.
Útgjöldin eiga hins vegar að
hækka um 7,8% og verða 30,5
milljarðar.
Forsendur tekjuáætlunarinnar
hafa breyst til lækkunar frá í vor.
Útgjöld sem höfðu verið ráðgerð
hafa þegar verið skorin niður um
500 milljónir króna vegna þessa.
Ingibjörg Sólrún Gísladóttir
borgarstjóri segist tiltölulega sátt
við niðurstöðuna miðað við að-
stæður.
„Mér finnst vont að sjá merki
samdráttar í samfélaginu sem
kemur meðal annars niður á skatt-
tekjunum. Ég geri ráð fyrir því að
hann komi líka niður á félagsleg-
um útgjöldum hjá okkur. En við
eigum 4,4 milljarða afgangs frá
rekstri sem við getum notað til að
greiða niður skuldir eða fjár-
festa,“ segir Ingibjörg Sólrún.
Borgarstjóri vekur athygli á að
samkvæmt fjárlagafrumvarpi
ríkisstjórnarinnar fyrir næsta ár
sé gert fyrir álíka stórum halla og
afgangurinn nemi hjá borgar-
sjóði: „Það er greinilegt að það er
talsverð útgjaldaþensla hjá rík-
inu. Þetta væri ekki talið viðunan-
di hér.“ ■
Færð á vegum:
Hálku-
blettir víða
FÆRÐ Gott veður er á landinu og
víðast hvar góð færð. Sam-
kvæmt upplýsingum frá Vega-
gerðinni er hægt að finna stöku
hálkubletti í Vestur-Húnavatns-
sýslu. Þá eru hálkublettir á
Möðrudalsöræfum og Mýrdals-
heiði, eins á Fjarðarheiði. Hálka
er á á Öxnadalsheiði, Mývatns-
og Möðrudalsöræfum. Einnig
eru hálkublettir vestan við
Kirkjubæjarklaustur. ■
Tekjuhlið fjárlaga 2003:
7,6 milljarða
aukning
FJÁRLÖG 2003 Skatttekjur ríkis-
sjóðs á næsta ári aukast um sjö
milljarða króna samkvæmt
breytingartillögu meirihluta
fjárlaganefndar. Í fjárlagafrum-
varpinu var gert ráð fyrir að
heildartekjurnar yrðu 264 millj-
arðar króna á rekstrargrunni.
Samkvæmt breytingartillögu
meirihlutans verða skattekjurn-
ar 271,6 milljarðar eða 7,6 millj-
örðum meiri.
Þar munar mestu um skatta á
fyrirtæki, sem verða 3 milljörð-
um hærri en áætlað var. 900
milljónir nást með frestun á
áður boðaðri lækkun stimpil-
gjalda og hækkun tóbaksgjalds
skilar 800 milljónum. Sértækir
eignarskattar á aðrar eignir en
fasteignir skila 121 milljón
meira en reiknað var með og
hækkun ýmissa eftirlitsgjalda
skilar 63 milljóna tekjuauka. Þá
verða arðgreiðslur fjármála-
stofnana 100 milljónum hærri en
ætlað var og söluhagnaður hluta-
bréfa ríkisins verður 1.800 millj-
ónum meiri á næsta ári. Eigna-
salan skilar 9,8 milljörðum í stað
8 milljarða. ■