Skessuhorn - 04.12.2019, Blaðsíða 18

MIÐVIKUDAGUR 4. DESEMBER 201918
Bókaútgáfan Draumsýn hefur gef-
ið út barnabókina Sólstafi eftir Jó-
hönnu Harðardóttur, blaðamann í
Hlésey. Bókin er ríkulega mynd-
skreytt af Almari Steini Atlasyni,
ungum hæfileikamanni sem gjarn-
an er kenndur við Kassann, þar
sem hann dvaldi eitt sinn um viku-
tíma. Sólstafir byggja á fornri sögu
úr Snorra-Eddu sem fjallar eins og
kunnugt er um norræna goðafræði.
„Mitt markmið með því að skrifa
þessa bók er að sækja í norræna
sagnaarfinn þjóðsögu sem ekki má
undir nokkrum kringumstæðum
falla í gleymsku - og koma henni
á prent. Um leið reyni ég að snúa
textanum yfir á mál sem börn skilja.
Sólstafir er falleg saga um það þeg-
ar ljósið fæðist á sólstöðum. Við
Ásatrúarfólk höldum sólstöðuhá-
tíðir að norrænum sið, en sólstöður
eru hin upprunalegu jól norrænna
manna,“ segir Jóhanna í samtali við
Skessuhorn.
Jóhanna segir að Sólstafir séu
saga af Frey og Gerði. „Freyr er
frjósemisgoðið og er í upphafi sög-
unnar í þunglyndi. Hann stelst upp
í hásæti Óðins og sér þaðan yfir alla
heima. Meðal annars sér hann til
Jötunheima þar sem Gerður Gym-
isdóttir, tákn sólarinnar, dvelur.
Hann verður hugfanginn af henni.
Bókin fjallar um ævintýri þeirra og
í henni kemur við sögu ást, sorg,
draumar og átök. Raunar það sem
einkennt gæti sögu um ungt fólk
í dag. Ég gæti þess þó að allt sem
þarna stendur rúmist í sögu fyr-
ir börn.“ Jóhanna segist hafa ver-
ið heppin að fá Almar Stein til að
myndskreyta bókina. „Hann er líf-
legur ungur maður og tókst honum
vel upp í þessu verkefni. Myndir
hans eru allar málaðar með olíu á
striga, þær eru trúverðugar og hann
sýnir þarna næmni, skynjar sög-
una vel og gefur henni fallegt yfir-
bragð.“
Jóhanna kveðst nýbúin að fá bók-
ina úr prentun og næstu dagar og
vikur fara því í upplestur og aðr-
ar kynningar á bókinni. „Ég mun
lesa fyrir börn og taka þátt í bók-
arkynningum í verslunum, á Þjóð-
minjasafninu, hjá Ásatrúarfélaginu
og víðar. Það eru því líflegar vik-
ur framundan og það er spennandi
fyrir gamlan blaðamann eins og
mig að eiga hlutdeild í bókaflóðinu
í aðdraganda jóla og sólstöðuhátíð-
ar,“ segir Jóhanna að endingu. mm
Hestamenn á Vesturlandi gerðu
sér glaðan dag síðastliðinn föstu-
dag þegar hestamannafélögin
héldu sameiginlega árshátíð sína
og uppskeruhátíð á Hótel Stykkis-
hólmi. Hrossaræktarsamband Vest-
urlands veitti viðurkenningar fyrir
góðan árangur í kynbótastarfi. Þar
var hrossaræktarbúið Skipaskagi,
bú þeirra Jóns Árnasonar og Sig-
urveigar Stefánsdóttur, verðlaunað
fyrir bestan árangur í ræktunar-
starfi á árinu, en við val á ræktun-
arbúi ársins er sem fyrr tekið mið
af fjölda sýndra hrossa og árangur
þeirra. Í öðru sæti varð búið á Mið-
Fossum í Andakíl og í þriðja sæti
Einhamar 2 á Akranesi. Auk þess
voru veitt verðlaun fyrir bestu kyn-
bótahrossin í landshlutanum, sbr.
meðfylgjandi lista:
Fjögurra vetra hryssur:
Í fyrsta sæti var Talía frá Skrúð.
Faðir: Hrannar frá Flugumýri.
Móðir: Pera frá Skrúð. Talía hlaut
8,04 í einkunn. Ræktandi er Sigfús
Jónsson í Skrúð.
Í öðru sæti var Víóla frá Skrúð.
Faðir: Konsert frá Hofi. Móðir:
Ósk frá Skrúð. Hún hlaut 7,81 í
einkunn. Ræktandi er Sigfús Jóns-
son í Skrúð.
Fimm vetra hryssur:
Í fyrsta sæti var Dröfn frá Stykkis-
hólmi. Faðir: Hágangur frá Narfa-
stöðum. Móðir: Tvíbrá frá Árbæ.
Dröfn hlaut 8,53 í einkunn. Rækt-
andi er Valentínus Guðnason.
Í öðru sæti var Mjallhvít frá Þver-
holtum. Faðir: Eldur frá Torfunesi.
Móðir: Mjöll frá Horni I. Hún
hlaut 8,30 í aðaleinkunn. Ræktandi:
Sunna Birna Helgadóttir.
Í þriðja sæti var Pollí frá Mið-
Fossum. Faðir: Ómur frá Kvistum.
Móðir: Saga frá Strandarhöfða.
Hún hlaut 8,24 í aðaleinkunn.
Ræktandi: Lára Friðbertsdóttir.
Sex vetra hryssur:
Í fyrsta sæti Nál frá Sauðafelli.
Faðir: Glaumur frá Geirmundar-
stöðum. Móðir: Hespa frá Sauða-
felli. Hún hlaut 8,36 í aðaleinkunn.
Ræktendur: Berglind Vésteins-
dóttir og Finnbogi Harðarson.
Í öðru sæti var Völva frá Sturlu-
reykjum II. Faðir: Aðall frá Nýja-
Bæ. Móðir: Skoppa frá Hjarðar-
holti. Hlaut hún 8,34 í aðalein-
kunn. Ræktandi: Jóhannes Krist-
leifsson.
Í þriðja sæti var Ör frá Mið-Foss-
um. Faðir: Álfur frá Selfossi. Móð-
ir: Ósk frá Mið-Fossum. Ör hlaut
8,31 í aðaleinkunn. Ræktandi: Ár-
mann Ármannsson.
Hryssur sjö vetra
og eldri:
Í fyrsta sæti er María frá Syðstu-
Fossum. Faðir: Maríus frá Hvann-
eyri. Móðir: Líf frá Syðstu-Foss-
um. Í aðaleinkunn hlaut María
8,28. Ræktandi: Unnsteinn Snorri
Snorrason.
Í öðru sæti var Freyja frá Hjarðar-
holti. Faðir: Mjölnir frá Hlemmi-
skeiði 3. Móðir: Brák frá Hjarðar-
holti. Í aðaleinkunn hlaut Freyja
8,19. Ræktandi: Hrefna Bryndís
Jónsdóttir.
Í þriðja sæti var Eyja frá Hrís-
dal. Faðir: Dugur frá Þúfu í Land-
eyjum. Móðir: Mánadís frá Margr-
étarhofi. Í aðaleinkunn hlaut Eyja
8,18. Ræktendur: Gunnar Sturlu-
son og Guðrún Margrét Baldurs-
dóttir.
Stóðhestar fjögurra
vetra:
Í fyrsta sæti var Gljátoppur frá
Miðhrauni. Faðir: Álfarinn frá
Syðri-Gegnishólum. Móðir: Salka
frá Stuðlum. Í aðaleinkunn hlaut
Gljátoppur 8,11. Ræktandi: Ólafur
Ólafsson.
Í öðru sæti var Djákni frá Skipa-
skaga. Faðir: Konsert frá Hofi.
Móðir: Viska frá Skipaskaga. Í að-
aleinkunn hlaut Djákni 8,06. Rækt-
endur: Jón Árnason og Sigurveig
Stefánsdóttir.
Í þriðja sæti var Mýrkjartan frá
Akranesi. Faðir: Ölnir frá Akra-
nesi. Móðir: Ögrun frá Akranesi. Í
aðaleinkunn hlaut Mýrkjartan 8,04.
Ræktandi: Smári Njálsson.
Stóðhestar fimm vetra:
Í fyrsta sæti varð Eldjárn frá Skipa-
skaga. Faðir: Jarl frá Árbæjarhjá-
leigu. Móðir: Glíma frá Kaldbak.
Í aðaleinkunn hlaut Eldjárn 8,65.
Ræktandi: Jón Árnason.
Í öðru sæti varð Bersir frá Hæg-
indi. Faðir: Hersir frá Lambanesi.
Móðir: Blæja frá Hesti. Í aðalein-
kunn hlaut Bersir 8,35. Ræktandi:
Björg María Þórsdóttir.
Í þriðja sæti varð Ögri frá Bergi.
Faðir: Jarl frá Árbæjarhjáleigu II.
Móðir: Skriða frá Bergi. Í aðalein-
kunn hlaut hann 8,27. Ræktandi:
Jón Bjarni Þorvarðarson.
Stóðhestar sex vetra:
Í fyrsta sæti varð Nökkvi frá Hrísa-
koti. Faðir: Rammi frá Búlandi.
Móðir: Hugrún frá Strönd III. Í að-
aleinkunn hlaut hann 8,48. Rækt-
andi: Sif Matthíasdóttir.
Í öðru sæti varð Þjóðálfur frá
Álftártungu. Faðir: Álfur frá Sel-
fossi. Móðir: Þjóðhátíð frá Mið-
sitju. Í aðaleinkunn hlaut hann
8,14. Ræktandi: Guðrún Gróa Sig-
urðardóttir.
Í þriðja sæti varð Freymar frá
Brautarholti. Faðir: Krákur frá
Blesastöðum 1A. Móðir: Bryng-
lóð frá Brautarholti. Í aðaleinkunn
hlaut Freymar 7,99. Ræktendur:
Magnús Benediktsson, Þrándur
Kristjánsson og Snorri Kristjáns-
son.
Stóðhestar sjö vetra
og eldri:
Í fyrsta sæti varð Gleipnir frá Skipa-
skaga. Faðir: Skaginn frá Skipa-
skaga. Móðir: Sylgja frá Skipa-
skaga. Í aðaleinkunn hlaut Gleipnir
8,44. Ræktandi: Jón Árnason.
Í öðru sæti varð Magni frá Lamb-
eyrum. Faðir: Toppur frá Auðs-
holtshjáleigu. Móðir: Mjöll frá
Horni I. Í aðaleinkunn hlaut Magni
8,44. Ræktendur: Ásmundur Ein-
ar Daðason og Sunna Birna Helga-
dóttir.
Í þriðja sæti varð Stofn frá Akra-
nesi. Faðir: Asi frá Lundum II.
Móðir: Iða frá Vestra-Fíflholti. Í
aðaleinkun hlaut Stofn 8,42. Rækt-
andi: Benedikt Þór Kristjánsson.
mm
Jóhanna Harðardóttir með bók sína Sólstafi, söguna af Frey og Gerði.
Sólstafir eru ástarsaga fyrir börn byggð á norrænni goðafræði
Uppskeruhátíð vestlenskra hestamanna
Skipaskagi er Ræktunarbú ársins 2019
Eldjárn frá Skipaskaga er hæst dæmdi fimm vetra stóðhesturinn, hér sýndur af Daníel Jónssyni. Skipaskagabúið hafði yfirburði í vali á ræktunarbúi ársins. Tamninga-
maður búsins er Leifur Gunnarsson sem hefur unnið hjá þeim Jóni og Sigurveigu um árabil.
Verðlaunahafar og fulltrúar þeirra á uppskeruhátíðinni.