Fréttablaðið - 14.12.2019, Síða 102

Laxeldi í Norður-Noregi
Fundur um áhrif laxeldis
á strjálbýlum strandsvæðum Norður-Noregs
fer fram í Matís að Vínlandsleið 12, Reykjavík
fimmtudaginn 19. desember kl. 15:00 til 16:30.
Fundurinn verður í boði Matís og verður fyrirlestur í höndum
Gunnars Davíðssonar deildarstjóri hjá fylkisstjórn Troms fylkis.
Áhugafólk um sjókvíaeldi er hvatt til að mæta.
BÆKUR
Leðurblakan 1-6
Útgefandi: Nexus
Fyrir rúmu ári hóf Nexus að gefa
út bækur um Leðurblökuna (Bat-
man) og nú eru fyrstu sex bækurnar
komnar út í setti. Hver bók inni-
heldur um fimm blöð, að mestu
leyti framhaldssögur en einnig
stakar sögur.
Hér er blandað saman sögum frá
nútímanum, síðasta áratug eða svo,
við sígildar sögur. Saga Leðurblök-
unnar nær aftur til stríðsáranna en
í þessari útgáfu er áherslan lögð á
sögur frá upphafi áttunda áratugar-
ins. Lesandinn fær því að kynnast
ólíkum stílum, bæði teikningum og
efnistökum, í hverri bók.
Að öllum líkindum er það vilj-
andi gert að hafa nýjustu sögurnar
fremst, enda er formið mun opnara,
söguþráðurinn meira krassandi og
Leðurblakan sjálf líkari því sem við
þekkjum úr kvikmyndunum. Aftari
sögurnar eru formfastari og léttara
yfir þeim án þess að verða kjánaleg-
ar eins og þættirnir þar sem Adam
West túlkaði hetjuna. Þessar sögur
minna meira á James Bond kvik-
myndir frá þessum árum. Sumar
þeirra eru svart/hvítar en aðrar í lit.
Hver hluti er hæfilega langur og
sögurnar svo fjölbreyttar að aldrei
fær maður leið á bókunum og vill
leggja þær frá sér. Í nýrri sögunum
eru teikningarnar sjálfar þó til-
komumeiri en í þeim eldri og hægt
er að gleyma sér lengi á hverri opnu.
Ekki er hægt að segja að það hafi
verið skortur á teiknimyndasögum
á undanförnum árum. Framboðið
er slíkt að hver sem er getur fundið
eitthvað við sitt hæfi á ensku,
tungumáli sem nær allir landsmenn
kunna. En það er yfirlýst hugsun og
ástæða að baki þessari útgáfu, sem
er að efla læsi.
Við Íslendingar erum farnir að
óttast PISA-kannanir eins og skatt-
framtalið, því við vitum að niður-
stöðurnar verða slæmar, sérstak-
lega hjá piltum. Árið 2019 var engin
undantekning og hefur Ísland
aldrei mælst jafn illa í lesskilningi.
Rúmur þriðjungur pilta býr ekki
yfir grunnhæfni.
Leðurblakan er aðgengilegt
íslenskt lesefni fyrir unglinga, ekki
síst pilta sem tengja vel við ofur-
hetjur. Hérna er eitthvað meira
spennandi en Brekkukotsannáll,
eitthvað sem á að fá  drengi til að
vilja taka upp bókina og f letta,
frekar en að f letta Instagram. En
gera þeir það?
Á undanförnum árum hefur
verið töluverð endurnýjun í útgáfu
á þýddum teiknimyndasögum, þá
sér í lagi þeim evrópsku. Froskur
hefur gefið út Ástrík og Steinrík,
Sval og Val og Lukku Láka og For-
lagið hefur gefið út Goðheima.
Þetta er allt saman úrvalsefni, frá-
bærar sögur og stórskemmtilegar
persónur. Hættan er hins vegar sú
að öll þessi útgáfa gagnist engum
nema Stefáni Pálssyni, Gísla Mar-
teini Baldurssyni og f leiri körlum
á miðjum aldri í nostalgíuvímu. Ef
svo er þá missir útgáfan marks.
Best væri ef hægt væri að „kenna“
börnum hversu skemmtilegar
sígildar teiknimyndasögur eru, í
skólanum. En ekki þannig að þær
verði skylda eins og Gísla saga Súrs-
sonar. Frekar valkvæður áfangi eða
klúbbur. Klúbbur þar sem svölu
krakkarnir lesa um Batman! Ég er
handviss um að margir myndu skrá
sig í hann.
Kristinn Haukur Guðnason
NIÐURSTAÐA: Góð blanda af gömlum
og nýjum sögum sem þarf að nýta á
gagnlegan hátt.
Útgáfa sem má ekki missa marks
„Leðurblakan er aðgengilegt íslenskt lesefni fyrir unglinga, ekki síst pilta sem tengja vel við ofurhetjur.“
OPIN VINNUSTOFA
Það verður opið hús á nýrri vinnustofu minni að Naustabryggju 57
næsta laugardag og sunnudag (14. og 15. des) frá klukkan 13-17.
Verið velkomin.
HAUKUR DÓR . NAUSTABRYGGJA 57 . REYK JAVÍK . SÍMI 690 5161
DAG HVERN LESA
96.000
ÍSLENDINGAR
FRÉTTABLAÐIÐ
AÐ MEÐALTALI
HEIMILD: PRENTMIðLAMÆLING GALLUP APR-JÚN 2019, 12-80 ÁRA,
ALLT LANDIð HAGSTOFA ÍSLANDS, MANNFJÖLDATÖLUR, 2019
- MEST LESNA DAGBLAÐ LANDSINSFRÉTTABLAÐIÐ
BÆKUR
Vigdís – Bókin um
fyrsta konuforsetann
Rán Flygenring
Útgefandi: Angústúra
Blaðsíður: 40 bls.
Víða um heim njóta barnabækur um
ýmiss konar skörunga mannkyns-
sögunnar, lífs og liðna, vinsælda.
Það hlaut að koma að
því að Vigdís Finn-
bogadóttir, sem varð
fyrst kvenna til að vera
kjörin forseti, yrði per-
sóna í slíkri bók. Rán
Flygenring tók verkið
að sér, samdi texta og
gerði teikningar.
Söguþráðurinn er á
þá leið að ung stúlka,
sem ætlar sér að verða
rithöfundur, bankar
upp á hjá Vigdísi á
Aragötunni og er vit-
anlega vel tekið. Vig-
dís segir henni síðan
sögu sína.
Þetta er skemmtileg myndasögu-
bók. Textinn er stuttur og hnit-
miðaður og ljúf fyndni svífur yfir
vötnum. Lýsandi dæmi um það er
myndin af Vigdísi á svölum Alþingis-
hússins eftir embættistökuna. „Það
má kannski gefa henni séns,“ segir
karlmaður í mannfjöldanum, sem
greinilega hefur ekki kosið hana. „Ég
ætla að verða forseti þegar ég verð
stór,“ segir lítil stúlka – áhrif Vig-
dísar strax komin fram á fyrsta degi í
embætti. Jón Sigurðsson stendur svo
býsna stoltur á stalli sínum og segir:
„Vér mótmælum ekki þessu.“
Myndir Ránar eru sneisafullar af
alls kyns smáatriðum sem gera að
verkum að ómögulegt er annað en
að rýna í myndirnar. Þetta er sér-
staklega áberandi í mynd úr stofu
Vigdísar á Aragötu
þar sem blýantur,
stóll, púði, myndir
og f leiri hlutir  fá
eigin rödd. Vigdís
sjálf er svo dregin
hlýjum dráttum, er
viðkunnanleg og
skemmtileg, sterk og
fróð og án alls hroka.
Vigdís sýndi litlum
stúlkum hversu mik-
ilvægt er að standa
með sjálfri sér og
láta viðtekin viðhorf
ekki hefta sig. Þessi
skemmtilega og upp-
byggilega bók á skilið
að rata til sem flestra ungra stúlkna
á Íslandi.
Kolbrún Bergþórsdóttir
NIÐURSTAÐA: Bráðskemmtileg
myndasögubók um sterka konu sem er
og verður sönn fyrirmynd.
Sterka fyrirmyndin
1 4 . D E S E M B E R 2 0 1 9 L A U G A R D A G U R62 M E N N I N G ∙ F R É T T A B L A Ð I Ð