Fréttablaðið - 14.12.2019, Qupperneq 120

Dreifing dreifing@postdreifing.is
Ef blaðið berst ekki 800 1177
Við segjum fréttir Smáauglýsingasíminn og skiptiborð 550 5000
Ritstjórn 550 5070 ritstjorn@frettabladid.is Auglýsingadeild 550 5050 auglysingar@frettabladid.is Prentun Torg. ehf
mest lesna dagblað landsins.
ÞÚ GETUR NÁLGAST FRÍTT EINTAK AF
FRÉTTABLAÐINU VÍÐSVEGAR UM LANDIÐ.

Óskir þú eftir því að fá blaðið í áskrift, hafðu samband við Póstdreifingu.
Dreifðu
greiðslum,
borgaðu
eftir jól
siminnpay.is
FRÍTT KAFFI
Í DESEMBER
Þegar þetta er skrifað er ég and-vaka út af ofsaveðri sem rífur í trampólínið í garðinum.
Upp rifjast óveðrið í gamla daga
sem var í minningunni notalegt.
Rafmagnið farið af húsinu eins og
alltaf þegar blés almennilega og
þakplötur að fjúka. Fjölskyldan sat
í myrkvaðri stofunni og spilaði við
kertaljós. Það hefði allt eins getað
verið í baðstofu á nítjándu öld. Ég
man það voru ellefu vindstig. Sú
tala greyptist í huga mér. Nú veit ég
bara að veðrið er appelsínugult.
Einhverra hluta vegna tók ég
ekki niður trampólínið. Lét nægja
að vefja rólu á snúrustaurnum um
það. Erfitt að trúa að slíkt haldi
þegar það er sem húsið sjálft sé að
rifna af grunninum.
Það er eitthvað fornt við óveður.
Þægindin sem við búum við vekja
þá tilfinningu að manntegundin
Homo Bureaucraticus hafi fyrir
löngu klætt veðrið af sér. Svo fer
það allt í einu að guða á glugga eins
og draugar og óvættir gerðu fyrr á
öldum.
„Og öll raflýsingin!“ sagði
skáldið Gyrðir Elíasson í viðtali
sem ég átti við hann fyrir bóka-
messuna í Frankfurt. Hann lýsti
því að fyrir afa sínum og ömmu á
Borgarfirði eystra hefðu drauga-
sögur og þjóðsögur verið ótrúlega
lifandi – ekki bara sögur á blaði.
„Amma var mjög myrkfælin og ver-
öldin breyttist hjá þeim á haustin
þegar farið var að dimma.“
En sá heimur steyptist með raf-
lýsingunni. Þegar veröldin lýstist
upp hvarf myrkfælnin. Gyrðir tók
þó fram að tilveran væri marg-
brotin. „Ég veit ekki hvernig maður
væri kominn upp á Kjöl að vetrar-
lagi í skálanum í Hvítárnesi, best
að fullyrða sem minnst um það.“
Trampólínið storkar enn um
sinn máttarvöldunum. Höfuð-
borgarsvæðið er raflýst. En er það
ekki tímaskekkja að á bæjum víða
um land séu draugar og forynjur
enn að guða á glugga?
Reimt úti á landi
Péturs
Blöndal
BAKÞANKAR