Hugur og hönd - 01.06.1971, Blaðsíða 31

snúið er við, þegar ákveðinn lykkjufjöldi er kominn
(sjá teikn).
Aukið út um 1 1 í byrjun hvers pr á totunni (sjá
teikn), þar til (4 vettlingsins er prj. Þá er tekið úr
á næsta fjórða hluta. Þegar prj hefur verið eins og
teikningin sýnir er haldið áfram og prj hinn helm-
ingur vettlingsins. (Það koma tveir svartir garðar
saman.)
Fellt af, þarf að vera laust. Vettlingurinn saum-
aður saman og skilið eftir op fyrir þumal (sjá teikn).
Sívöl teygja er dregin innan í vettlinginn fyrir ofan
þumaltungu, til að halda honum þétt að úlnliðnum.
Þumall: Útaukningin er á tungu þumalsins (sjá
teikn). Aukið er um eina 1 í byrjun og enda hvers
prjóns á tungunni. Þumallinn er dreginn þétt sam-
an í totuna og saumaður saman og síðan festur, þar
sem sýnt er á teikningu.
Ilúja:
Fitjið upp 40 1. Báðir jaðrar eru beinir. Sama mynzt-
ur og er að ofan i vettlingunum, og svörtu rendurnar,
alltaf einn garður. Mórauðu rendurnar eru 10—19 og
27 lykkjur. 7—8 mynztur eru í húfunni.
Fellt af og saumað saman. I kollinn er gerður 3 cm
breiður faldur og síðan fellt saman þannig að svörtu
rendurnar komi í yztu brúnir fallanna og fest með
grófu bandi neðan við faldinn.
M. J. L.
hugur og hönd
31