Hugur og hönd - 01.06.1994, Page 35

Útskorinn kassi, askur og mynd úr tré. Útskornar umgerbir um klukkur og lofivog.
smíðanám, vinnutími var langur og
launin afar lág. Bót var í máli að fjöl-
skylda hans bjó á Bakkanum og þar var
hann í heimili. Eftir að námi lauk fór
Haraldur að vinna sjálfstætt, hann
byggði mörg hús í sveitum, m.a. á
Hvanneyri.
Hann fluttist til Reykjavíkur á stríðs-
árunum, og vann m.a. í nokkur ár í
Daníelsslipp og síðar á trésmíðaverk-
stæði. Árið 1948 staðfesti Haraldur ráð
sitt, kvæntist Unni Auðunsdóttur frá
Ysta-Skála undir Eyjafjöllum og stofn-
uðu þau heimili í Reykjavík.
Síðan fluttist Haraldur að Selfossi
með fjölskyldu sína árið 1953. Fór að
vinna á trésmíðaverkstæði Kaupfélags
Árnesinga og var þar bæði á trésmíða-
verkstæðinu og í viðhaldsvinnu við
byggingar félagsins. Haraldur hætti þar
vinnu þegar hann var 72 ára og hafði
þá unnið hjá K. Á. í 33 ár.
Haraldur hafði byggt fallegt einbýlis-
hús á Selfossi og smám saman komið
sér upp ágætri smíðaaðstöðu í bílskúr
við húsið; þar gat hann smíðað ýmislegt
sem hugur hans stóð til, til dæmis rennt
muni í tré og skorið út. Inni í sjálfu í-
búðarhúsinu hafði hann svo aðstöðu til
að teikna og til útskurðar og smíði lít-
illa hluta. Þegar hann hætti að vinna
gafst betri u'mi til smíðanna.
Haraldur hefur notað tímann vel og
smíðað marga fallega, eigulega og eftir-
sótta muni. Eins og áður er sagt er
hann þekktastur fyrir rokkasmíði sína
en hann hefur einnig smíðað snældu-
stóla, renndar skálar af ýmsum stærð-
um, sumar með loki, rennda lampafæt-
ur, smástauka af ýmsum gerðum og
fundarhamra.
Þá hefur Haraldur smíðað útskorna
kistla af ýmsum stærðum og gerðum,
vegghillur og útskornar umgerðir um
loftvogir, klukkur o.fl. Einnig hefur
hann skorið út myndir úr tré.
Haraldur leggur mikið upp úr góðum
efnivið í smíðisgripi sína, hann telur
það undirstöðuatriði í allri smíði, og þá
ekki síst í smíði rokka og fíngerðra smá-
gripa.
Það er ánægjulegt að spjalla við þenn-
an eldhressa öldung, heyra álit hans og
skoðanir og líta sýnishorn af því sem
hann hefur smíðað. Hann hefur sýnt að
ekki er ástæða til að leggja árar í bát þó
að aldurinn færist yfir, ef heilsan og
starfsþrekið er fyrir hendi og áhugamál
sem viðkomandi hefur gaman af að
vinna að.
Skjótt skipast veður í lofti og enginn
veit sína ævina fyrr en öll er. Ekki löngu
eftir að þetta viðtal var tekið barst sú
fregn að heiðursmaðurinn og völundur-
inn Haraldur Diðriksson hefði dáið
mjög skyndilega að heimili sínu á Sel-
fossi.
í samráði við fjölskyldu hans ákvað
ritstjórnin að birta umfjöllun um hann
og verk hans óbreytta.
Þórir Sigurðsson
Renndir munir. Allar myndirnar meðgreininni voru teknar á Ijósmyndastofunni ímynd.
35