Feykir - 29.03.2017, Blaðsíða 27

13/2017 27
Matgæðingar vikunnar eru Jean Adele og Guðmundur Waage
Bláskel, lambakjöt og Frost og funi
Hjónin búa í Skálholtsvík í
Hrútafirði og eiga fjögur börn
og búa tvær yngstu dæturnar
enn heima. Að aðalatvinnu eru
þau sauðfjárbændur en einnig
sér Jean um skólaakstur á
Borðeyri og rekur lítið
saumafyrirtæki sem heitir
Ísaumur.
„Við borðum að sjálfsögðu
mest af lamba- og ærkjöti og dags
daglega elda ég mikið úr ærhakki.
Vinsælasti maturinn á heimilinu
er sennilega lasagna en ég er
dugleg að prófa einhverja nýja
rétti til að brjóta upp hversdaginn,
sem stundum fellur misjafnlega
vel í kramið hjá yngstu börn-
unum,“ segir Jean. „Hérna er ég
með uppskriftir af forrétti, aðal-
og eftirrétti sem eru í uppáhaldi
hjá okkar fjölskyldu. Kannski að
það komi fram að við erum
sínhvor tegundin af matgæð-
ingum. Ég sé alfarið um elda-
mennskuna og Gummi minn
elskar að borða. Fyrir nokkrum
árum langaði mig til að kynna
fjölskyldu mína fyrir bláskel og
eldaði þá þennan rétt, eða súpu,
sem sló í gegn og ég hef eldað
þetta alltaf annað slagið síðan.“
FORRÉTTUR
Bláskel
1 kg bláskel
2-3 msk olía
2 msk smjör
1 lárviðarlauf
4 skalotlaukar, smátt saxaðaðir
4 hvítlauksgeirar, smátt saxaðir
1 lítið fennel, smátt saxað
3 gulrætur, skornar
í litla teninga
2 greinar fáfnisgras, blöðin
gróft söxuð (hægt að nota
þurrkað líka)
2-3 msk steinselja, fínt söxuð
4 dl hvítvín, helst þurrt
5 dl matreiðslurjómi
1 fiskiteningur
svartur nýmalaður pipar
gróft sjávarsalt
Aðferð: Skelin skrúbbuð og
skoluð. Olían og smjörið hitað í
stórum potti og skalotlaukur og
lárviðarlauf steikt við meðalhita
þar til laukurinn verður glær að
lit, þá er hvítlauknum bætt saman
við og látið malla í 1-2 mínútur.
Fennel, gulrótum, fáfnisgrasi og
steinselju bætt út í og steikt í
nokkrar mínútur en passað að
það brenni ekki. Kryddað með
pipar og salti og látið malla í 3-4
mín. Hvítvíninu er þá hellt yfir,
suðan látin koma upp og soðið
niður í u.þ.b. 5 mín. Bætið
MATGÆÐINGAR VIKUNNAR
frida@feykir.is
rjómanum og fiskiteningnum
saman við og látið allt malla í
u.þ.b. 10 mínútur. Þá er hitinn
hækkaður að suðu og bláskelin
sett saman við og látið malla í 3-5
mínútur, eftir stærð. Gott er að
hræra tvisvar í pottinum á meðan.
Góð regla er að borða ekki
kræklingaskel sem opnast ekki
við suðu. Berist strax fram með
snittubrauði.
- - - - -
„Ég fékk forláta pottjárnspott að
gjöf og ég hægelda ýmislegt í
honum sem alltaf heppnast
ótrúlega vel og þar á meðal er
þessi réttur sem á að innihalda
lambaskanka en ég nota alls lags
fituhreinsaða súpukjötsbita og
eflaust er hægt að nota hvaða part
af lambinu sem er, svo lengi sem
það er örugglega lamb.“
AÐALRÉTTUR
Hægeldað lambakjöt
1 kg lambakjöt
olía til að steikja upp úr
2-3 laukar,saxaðir
4 gulrætur, skornar í bita
4 sellerístangir, skornar í bita
6 hvítlauksgeirar, hakkaðir
½ lítri vatn og kjötkraftur
eða rauðvín
2 dósir hakkaðir tómatar
1 lítil dós tómatpúrra
4 tsk þurrkað timian eða
nokkrar greinar af fersku (gott
að binda þær saman með
spotta svo auðveldara verði
að veiða þær upp úr)
4 lárviðarlauf
salt og pipar

Aðferð: Hitið ofn í 180°. Fitu-
hreinsið kjötið og þerrið vel.
Setjið olíu í pottinn og brúnið það
vel á háum hita og á öllum hliðum
(gott að gera það í nokkrum
skömmtum). Takið kjötið til
hliðar, hellið afgangsvökva úr
pottinum ef er. Lækkið hitann og
bætið smá olíu í pottinn og steikið
lauk, gulrætur, hvítlauk og sellerý
við lágan hita í 10 mínútur eða
þar til laukurinn er orðinn glær.
Setjið restina af hráefninu í
pottinn, hrærið upp í botninum
og látið malla rólega saman í
nokkrar mínútur, kryddið með
salti og pipar og þrýstið
kjötbitunum ofan í vökvann
þannig að þeir séu næstum á kafi
(hægt að bæta smá soði við ef
þarf). Lokið pottinum. Látið
suðuna koma rólega upp, setjið
pottinn í ofninn og látið malla á
lágum hita í 2 tíma. Takið þá
kjötið, snúið því við og látið aftur
í ofninn í 30 mínútur. Veiðið
kjötið upp úr sósunni, fleytið fitu
af og maukið. Þykkið ef þarf eða
bætið heitu vatni í til að þynna og
bragðbætið með salti og pipar.
Mjög gott er að bera þetta
fram með blómkálsmús eða
kartöflumús.
Blómkálsmús
Blómkál soðið og maukað, bragð-
bætt með salti og pipar og smjör-
klípu.
- - - - -
„Eftirrétturinn er ótrúlega
einfaldur en öðruvísi. Flottur
matarboðseftirréttur þar sem
hægt er að útbúa allt fyrirfram.“
EFTIRRÉTTUR
Frost og Funi
1 svampbotn
1 dós niðursoðnar perur (eða
aðrir ávextir sem henta)
1 lítri vanilluís
Ofan á:
5 eggjahvítur
3 dl flórsykur (rúmlega)
50 g möndluflögur
Aðferð: Svampbotninn bleyttur
með ávaxtasafanum og ávextirnir
lagðir ofan á. Eggjahvíturnar
stífþeyttar, flórsykri bætt í og
þeytt áfram í 10 mínútur (má gera
fyrirfram). Ísinn spændur yfir
ávexti og botn, marengskremið
sett yfir og passað að það hylji
ísinn vel. Möndlunum stráð yfir.
Sett í 250-275° heitan ofn í 2-3
mínútur eða þar til marengsinn
tekur lit.
Verði ykkur að góðu.
- - - - -
Við skorum á Þórunni Þorvalds-
dóttur og Jóhann Böðvarsson á
Akurbrekku að koma með næstu
veislu.
„Mig langar í
körfuboltabúðir í
Danmörku.“
Inga Sólveig Sigurðardóttir
„Peninga og fartölvu.“
Þórður Ari Sigurðsson
„Veit það ekki,
utanlandsferð og
körfuboltaskóla.“
Eva Rún Dagsdóttir
„Myndavél og
utanlandsferð.“
Kristín Björg Emanúelsdóttir
„Mig langar í utanlands-
ferð og hest.“
Kristín María Snorradóttir
Feykir spyr...
Hvað
langar þig í í
fermingargjöf?
[ Fermingarbörn
á forsíðunni spurð í
Sauðárkrókskirkju ]
UMSJÓN palli@feykir.is
Jean Adele og Guðmundur. MYND: ÚR EINKASAFNI