Feykir - 03.01.2018, Blaðsíða 3
Sérfræðikomur
í janúar 2018
www.hsn.is
3. JAN.
Sigurður Albertsson alm.skurðlæknir
12. JAN.
Orri Ingþórsson kvensjúkdómalæknir
17. JAN.
Valur Þór Marteinsson þvagfæraskurðlæknir
22. OG 23. JAN.
Haraldur Hauksson alm./æðaskurðlæknir
31. JAN.
Bjarki Karlsson bæklunarskurðlæknir
Tímapantanir í síma 455 4022.
Þrjár heppnar dregnar út
Jólakrossgáta Feykis
Það var ekkert verið að hugsa
um kynjahalla né kvóta þegar
dregið var úr innsendum
lausnum í jólakrossgátu
Feykis í gær. Þar fékk
kvenfólkið öll verðlaunin
þrenn.
Kristín Jósefsdóttir, Ásbjarn-
arstöðum Húnaþingi, fær eina
nótt í tveggja manna herbergi á
Puffins Palace Guesthouse á
Sauðárkróki. Strigaprent frá
Nýprenti kemur í hlut Elin-
borgar Hilmarsdóttur á Hrauni
í Sléttuhlíð og bókin Litagleði
fer í hendur Fanneyjar Magnús-
dóttur, Eyvindarstöðum í
Blöndudal.
Feykir þakkar öllum þeim
sem tóku þátt og óskar vinn-
ingshöfum til hamingju. /PF
Pálmi Ragnarsson frá Garðakoti er Maður ársins 2017 á Norðurlandi vestra
Aðalatriðið að vera nógu
léttlyndur og jákvæður
Eins og undanfarin ár stóð Feykir fyrir kjöri
á manni ársins og bárust blaðinu fimm
tilnefningar. Niðurstaðan var afgerandi og
var það Pálmi Ragnarsson frá Garðakoti
sem hampaði titlinum að þessu sinni. Í
tilnefningu sem blaðinu barst segir: „Hann
heldur lífsgleðinni og kraftinum hvernig sem
allt er. Það er það sem ég dáist að og við ættum
að hafa til fyrirmyndar,“ en jákvæðni Pálma
í baráttu hans við krabbamein undanfarin ár
hefur vakið athygli fólks.
Pálmi er er uppalinn í Garðakoti í Hjaltadal
þar sem hann átti heima í 60 ár, frá fæðingu
og þar til hann flutti á Sauðárkrók fyrir sléttu
ári síðan, um jólin árið 2016. Pálmi tók við
búskapnum í Garðakoti af foreldrum sínum
árið 1978 ásamt konu sinni, Ásu Sigurrós
Jakobsdóttur. Þar ráku þau blandaðan búskap
með ær og kýr til ársins 1985 þegar þau fóru
alfarið yfir í kúabúskap og byggðu þar róbótafjós
sem tekið var í notkun 2007 og var með fyrstu
nýbyggingum sinnar tegundar í firðinum. Jakob,
sonur þeirra hjóna, tók við búinu í Garðakoti
ásamt konu sinni. Pálmi og Ása eiga fjögur börn
og eru barnabörnin orðin átta talsins.
Árið 2012 greindist Pálmi með ristilkrabba-
mein og var skorinn upp við því þann 30. júní
það ár en meinið dreifði sér svo í eitla og lungu.
Pálmi fór svo í Proton geislameðferð í Þýska-
landi þar sem hann náði góðum bata og hefur
meinið ekki tekið sig upp aftur á þeim stöðum
sem þá voru meðhöndlaðir. Einn eitill varð þó
eftir eða sýktist eftir á og nú í október fór Pálmi í
annað sinn til Þýskalands.
Pálmi hefur alltaf tekið veikindum sínum
á sérlega jákvæðan hátt. „Ég hef alltaf gert það,
ég hef aldrei pælt í því að ég væri með krabba,
ekki hugsað út í það, ég er alltof kærulaus til
þess. Þetta er bara verkefni, að vera bara nógu
léttlyndur og jákvæður, það er númer eitt tvö
og þrjú, ég er alveg klár á því,“ segir Pálmi sem
alltaf hefur verið glaðlyndur og er bjartsýnn
að eðlisfari. „Ég vil koma á framfæri kærum
þökkum til þeirra sem hugsuðu til mín og
fyrir hvað allir hafa sýnt mér mikinn hlýhug og
hjálpsemi,“ segir Pálmi. „Maður getur eiginlega
ekki lýst því. Þessi samstaða meðal fólksins, vina
og ættingja og hvað þetta er rosastór vinahópur
sem er svo sem ekki sjálfgefið,“ segir Pálmi að
lokum. /FE
Maður ársins, Pálmi Ragnarsson ásamt konu sinni, Ásu Sigurrós Jakobsdóttur.
MYND: FE
Eva Pandora nýr starfsmaður
Þróunarsvið Byggðastofnunar
Eva Pandora Baldursdóttir
hefur verið ráðin í starf
sérfræðings á þróunarsviði
Byggðastofnunar. Starfið var
auglýst í október
síðastliðnum og
bárust alls 29
umsóknir, 10 frá
konum og 19 frá
körlum.
Á heimasíðu
Byggðastofnunar
segir að Eva, sem
er með BSc gráðu í
viðskiptafræði frá
Háskóla Íslands,
sé að ljúka
diplómanámi í
opinberri stjórnsýslu frá Hás-
kóla Íslands og er langt komin
með MA nám í menningar-
stjórnun frá Háskólanum á
Bifröst. Þá hefur hún einnig
lokið starfsnámi hjá Höfuð-
borgarstofu í viðburðastjórnun.
Eva Pandora hefur, þrátt fyrir
ungan aldur, fjölbreytta starfs-
reynslu. Meðal annars sat hún
á Alþingi fyrir Pírata fyrir
Norðvesturkjördæmi 2016-2017
og átti þar sæti í atvinnu-
veganefnd og
efnahags- og við-
skiptanefnd. Þar
áður starfaði hún
m.a. hjá Iceland
Travel þar sem hún
bar ábyrgð á mót-
töku erlendra
ferðamannahópa
frá föstum við-
skiptavinum. Hún
hefur einnig
starfað við reikn-
ingsskil og endur-
skoðun hjá KPMG og Sveitar-
félaginu Skagafirði.
Meginverkefni Evu verða við
verkefnið brothættar byggðir
auk umsjónar með landsskrif-
stofu Norræna Atlantssamstarfs-
ins (NORA) sem er á hendi
Byggðastofnunar. Hún hóf störf
2. janúar síðastliðinn. /PF
Tillögur um framtíðarskipan
Skólamál í Húnaþingi vestra
Tillaga frá starfshópi um framtíðarsýn
skólamála í Húnaþingi vestra er nú til
kynningar á vef sveitarfélagsins. Tillaga þessi
er niðurstaða íbúafundar og verður höfð að
leiðarljósi varðandi vinnu og hönnun á
framtíðarskólahúsnæði í sveitarfélaginu.
Frá því í vor hefur starfshópur, skipaður af
byggðarráði Húnaþings vestra, unnið að því að
gera tillögur um framtíðarskipan skólamála í
Húnaþingi, mat á húsnæðisþörf skólans til næstu
30 ára og í hvaða skrefum hægt verði að uppfylla þá
þörf. Afraksturinn af vinnu hópsins var svo
kynntur á íbúafundi þar sem hann var tekinn til
umræðu og rætt hvort eitthvað vantaði í
hugmyndirnar og hvaða skoðun íbúar hefðu á
forgangsröðun þeirri sem reiknað var með að höfð
yrði við framkvæmdir við húsnæði skólans.
Niðurstöðu þeirrar vinnu er að finna í tillögum
starfshópsins sem nú eru til kynningar og sjá má á
vef sveitarfélagsins.
Íbúar eru beðnir að kynna sér tillögurnar. Hafi
einhver athugasemdir eða ábendingar varðandi
þær skal þeim skilað skriflegum fyrir kl. 15:00
þann 15. janúar 2018 á skrifstofu Ráðhússins eða á
netfangið gudny@hunathing.is /FE
01/2018 3