Feykir - 03.01.2018, Blaðsíða 10
Litið við hjá Björgunarsveitinni Gretti
Byrjað að huga að sýningunni
með rúmlega árs fyrirvara
Gamla árið kvatt við brennu á Móhól ofan við Hofsós. MYNDIR: FE
Þegar landsmenn flykkjast
að áramótabrennum og
njóta þess að horfa á
glæsilegar flugeldasýningar
er óvíst að margir leiði
hugann að allri þeirri vinnu
sem að baki liggur en oftast
eru það björgunarsveitirnar
sem eiga heiðurinn að því
starfi sem er meiri en margan
grunar.
Blaðamaður leit við í bæki-
stöðvum Björgunarsveitarinnar
Grettis á Hofsósi um hádegisbil
á gamlársdag. Í flugeldasölunni
voru síðustu kúnnarnir að
birgja sig upp af skotfærum
fyrir áramótin en á kaffi-
stofunni beið flokkur vaskra
björgunarsveitarmanna þess að
geta farið að ganga frá skot-
hólkunum fyrir flugelda-ýn-
ingu kvöldsins. Sú vinna hefst
um leið og flugeldasölunni er
lokað en allir kúnnar þurfa að
vera farnir úr húsi áður en
byrjað er. Undirbúningurinn er
þó mikið lengri og að sögn
Ingvars Daða Jóhannssonar,
gjaldkera Grettis, þarf að panta
efni fyrir sýninguna í desem-
ber, rúmu ári fyrr og fyrir
flugeldasölu í febrúar. Ingvar
Daði segir að björgunarsveitar-
menn séu trúlega með hugann
við verkefnið meiri part ársins
en farið sé að taka til hólkana
sem sprengiefnið er sett í og
koma þeim í hús fyrir jólin en
sjálf vinnan í kringum flugelda-
sýninguna og brennuna hefjist
strax á annan í jólum. Grettir
sér um brennu og sýningu á
tveimur stöðum, bæði á
Hofsósi og Hólum. Tíminn
milli jóla og nýárs er svo að
miklu leyti helgaður þessari
vinnu hjá strákunum og allur
gamlársdagur fer í vinnu við
sýninguna.
Að sögn strákanna er
tæknin við sýninguna alltaf að
aukast þótt þeir hafi ekki yfir að
ráða því allra nýjasta á því sviði
sem geri það mögulegt að vera í
mikilli fjarlægð þegar kveikt er
í flugeldunum. Það er dýrt
fyrirbæri, segja þeir, sem langt
er frá að þeir hafi bolmagn til
að eignast. Haldin eru sérstök
námskeið fyrir skotmenn og nú
hafa níu meðlimir Grettis
fengið slík réttindi. Kostnað-
urinn við sýninguna er mikill
og fær björgunarsveitin styrk
frá sveitarfélaginu til að sjá um
hana og brennuna en það er
langt frá því að sá styrkur standi
undir kostnaði.
Í Björgunarsveitinni Gretti
eru um 30 manns en aðeins eru
8-14 manns virkir þó það sé
mismunandi eftir útköllum
sem eru afskaplega misjöfn
milli ára, bæði hvað varðar
fjölda og eðli þeirra. Elvar Már
Jóhannsson, formaður Grettis,
segir að útköllin hjá þeim séu
um 15 á ári, flest eru útköllin
vegna ferðamanna sem keyra
út af eða festa bíla sína, oft þar
sem ekki er ætlast til umferðar
ökutækja, en einnig er mörg
útköll vegna óveðurs. Þá eru
leitarútköll, sem oft eru utan
héraðs, algeng verkefni og var
leitin að Birnu Brjánsdóttur
fjölmennasta verkefnið sem
sveitin tók þátt í á árinu.
Hún er vissulega mikil og
óeigingjörn vinnan sem þessar
vösku sveitir leggja af mörkum
fyrir samfélagið okkar og full
ástæða til að hafa það hugfast
þegar þær afla fjár til að standa
straum af rekstri sínum.
UMFJÖLLUN
Fríða Eyjólfsdóttir
Ómar Jónsson, Birgir Ingvar Jóhannesson og bræðurnir Ævar og Bjarni Þórir Jóhanns-
synir tilbúnir í verkefni dagsins.
Bjarni Kristófer Kristjánsson með eina af hleðslunum sem fara í hólkana. Egill Yngvi Ragnarsson og Ingvar Daði Jóhannsson standa vaktina í flugeldasölunni.
10 01/2018