Feykir - 03.01.2018, Blaðsíða 12
Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
01
TBL
3. janúar 2018 38. árgangur
Frétta- og dægurmálablað á Norðurlandi vestra : Stofnað 1981
Þorgils á báðum stöðum
Sameinast um byggingar- og skipulagsfulltrúa
Blönduósbær og Húnavatnshreppur hafa tekið upp
samstarf um byggingar- og skipulagsfulltrúa en Þorgils
Magnússon, byggingarfræðingur, varð starfsmaður
beggja sveitarfélaganna frá og með 1. janúar 2018.
Á vef Blönduósbæjar kemur fram að starfsstöð hans
verði á skrifstofum Blönduósbæjar og er íbúum Blöndu-
óss og Húnavatnshrepps bent á að snúa sér til hans með
erindi vegna byggingar- og skipulagsmála. /FE
Meðfylgjandi myndir voru teknar á Hlíðarhúsinu á
fimmtudagskvöldið var. /FE
Spáð í spilin á Hlíðarhúsinu
Jólaspilavist Neista
Ungmennafélagið Neisti hélt sína árlegu spilavist á
Hlíðarhúsinu í Óslandshlíð á milli jóla og nýárs.
Jólaspilavistin hefur verið fastur liður, næstum svo
lengi sem elstu menn muna, og oftast verið afar vel
sótt, jafnvel svo að stundum hefur þurft að spila á
báðum hæðum hússins.
Það er alltaf ákveðin stemning sem fylgir spila-
mennskunni í þessu gamla húsi sem reist var sem
barnaskóli árið 1925 en er nú í umsjón Neista. Þar
sannast jafnan hið fornkveðna að þröngt mega sáttir
sitja og nauðsynlegt er að sýna biðlund og tillitssemi
þegar kemur að því að færa sig milli borða. Að
spilamennsku lokinni býður Neisti upp á glæsilegt
kaffihlaðborð með kræsingum sem félagsmenn leggja
til og kvöldinu lýkur svo með bögglauppboði sem
Kristján Jónsson stýrir jafnan af mikilli röggsemi.
www.skagafjordur.is
Álagning fasteignagjalda
í Sveitarfélaginu Skagafirði árið 2018
Fasteignagjaldakröfur Sveitarfélagsins Skagafjarðar birtast í öllum heimabönkum.
Fasteignaeigendum er bent á að notfæra sér beingreiðslur
hjá öllum bankastofnunum eða boðgreiðslur af greiðslukortum.
Í Íbúagátt á heimasíðu sveitarfélagsins geta fasteignaeigendur:
• Skoðað álagningarseðil fasteignagjalda fyrir árið 2018, eftir að álagning hefur farið fram.
• Óskað eftir að fá sendan álagningarseðil.
• Óskað eftir að greiða fasteignagjöldin með boðgreiðslu.
• Óskað eftir að greiða öll fasteignagjöldin á einum gjalddaga.
• Tilkynnt um breytingar er varða greiðslur og greiðendur á fasteignagjöldum.
Álagning – breytingar – innheimta
Þess er óskað að ábendingar um breytingar og leiðréttingar á álagningu eða innheimtu berist til sveitarfélagsins eftir
einhverri eftirtalinna leiða; í gegnum Íbúagáttina, símleiðis í síma 455 6000
eða með tölvupósti á netfangið innheimta@skagafjordur.is
Álagningarseðlar
Álagningarseðlar fasteignagjalda verða ekki sendir bréfleiðis nema þess sé óskað. Vinsamlegast tilkynnið það sem fyrst.
Allir gjaldendur, lögaðilar og einstaklingar, geta nálgast rafræna útgáfu álagningarseðilsins í Íbúagáttinni og á
vefsíðu island.is undir „Mínar síður“.
Gjalddagar
Gjalddagar fasteignagjaldanna verða níu frá 1. febrúar til og með 1. október 2018.
Hægt er að fá að greiða öll gjöldin á einum gjalddaga 1. maí 2018 eða fyrr séu þau jöfn eða umfram 24. 500 kr.
Sækja verður um það fyrir 20. janúar 2018.
Greiðslumátar
• Beingreiðslur
Innheimtur greiddar með beingreiðslum af bankareikningum greiðenda. Vinsamlegast hafið samband við þjónustufulltrúa í viðkomandi banka til að virkja þennan kost.
• Boðgreiðslur
Tilkynna þarf til sveitarfélagsins ef óskað er eftir að greiða fasteignagjöld með kreditkorti.
Þetta á einungis við þá sem eru í fyrsta sinn að óska eftir þessum greiðslumáta fasteignagjalda.
Óska þarf eftir breytingu á greiðslumáta fyrir 20. janúar 2018.
• Greiðsluseðlar í tölvupósti.
Greiðsluseðill sendur í tölvupósti og birtist einnig í heimabönkum. Vinsamlegast sendið okkur tölvupóst
á netfangið innheimta@skagafjordur.is sé þess óskað fyrir 20. janúar 2018.
• Greiðsluseðlar
Innheimtur greiddar með heimsendum greiðsluseðlum. Hvatt er til þess að aðrir greiðslukostir séu notaðir.
Elli- og örorkulífeyrisþegar
Lækkun fasteignaskatts á íbúðum tekjulágra elli- og örorkulífeyrisþega eru reiknuð við álagningu til bráðabirgða og er
stuðst við tekjur samkvæmt skattframtölum 2017 vegna tekna ársins 2016. Endanlegur útreikningur fer fram þegar
álagningu 2018, vegna tekna ársins 2017 er lokið. Afslátturinn er hlutfallslegur að teknu tilliti til allra skattskyldra
tekna skv. skattframtali 2018. Ekki er þörf á að sækja um þennan afslátt.
Frekari upplýsingar
Frekari upplýsingar eru veittar á heimasíðu sveitarfélagsins www.skagafjordur.is. Einnig er hægt að senda fyrirspurn
á netfangið innheimta@skagafjordur.is eða hringja í síma 455 6000.
Sauðárkróki 4. janúar 2018
SveitastjóriErt þú búinn
að kíkja til okkar?
Feykir.is