Feykir - 18.07.2018, Blaðsíða 2

Ég elska fjólublátt. Í gegnum tíðina hef ég átt fjölmarga
fjólubláa klúta og slæður, boli og peysur, handklæði og
teppi, kannski ekki margar buxur en þó minnist ég þess
að á þeim árum sem ég var myndarleg í höndunum
saumaði ég mér fjólubláar buxur og vesti í stíl.
Þrátt fyrir fjólubláa þráhyggju mína þá er eitt fjólublátt
fyrirbæri í umhverfi mínu sem ég þoli bara engan veginn.
Það nefnist lúpína. Reyndar
man ég þá tíð að mér þótti hún
bara nokkuð snotur en það var
fyrir rosalega mörgum árum,
líklega um sama leyti og ég
saumaði buxurnar og vestið.
Síðan hefur þessi umrædda
planta breyst frá því að vera
ósköp saklaust grey, sem klæddi
uppblásna mela og rofabörð, í
eina verstu ófreskju sem um
getur í íslenskri náttúru. Mó-
arnir sem áður iðuðu af fuglalífi
og ilmuðu af mosa og lyngi þar sem maður gat velt sér milli
þúfna og tínt sé bláber og krækiber eru nú orðin ill-
gresisbenda.
Á korti Náttúrufræðistofnunar yfir útbreiðslu lúpínunn-
ar (http://utgafa.ni.is/kort/lupina/Lupina2016_Landsyfirlit.
png) má sjá að á Norðurlandi vestra má finna þónokkra
lúpínufláka sem þekja 7,3 km2. Það er að vísu ekki mikið
miðað við suma aðra landshluta en nógu mikið samt og þar
sem kortið er unnið eftir loftmyndum frá árinu 2000 má
ætla að útbreiðslan hafi aukist til muna.
Á hverjum degi ek ég framhjá lúpínubreiðum sem ég hef
séð leggja undir sig æ stærri svæði ár frá ári. Á mínum
heimaslóðum, Hofsósi, stækka breiðurnar ört og þess er
ekki langt að bíða að kirkjugarðurinn verði fjólublár. Mér
sýnist svipað vera uppi á teningnum á Sauðárkróki. Bæði á
Hofsósi og Sauðárkróki og víðar hefur stórt svæði lyngmóa
orðið undan að láta. Svo mætti lengi telja.
Mig hefur lengi undrað að ekki hafi verið gripið til
aðgerða gegn lúpínu á fleiri svæðum en raun ber vitni. Eftir
því sem mér hefur skilist hefur sláttur á lúpínu gefið góða
raun þar sem hann hefur verið reyndur en það er í öðrum
sveitarfélögum. Hér um slóðir hafa einhverjir einstaklingar
reynt að grípa til vopna og hefta útbreiðsluna en mega sín
að sjálfsögðu lítils. Mig rekur minni til að eitthvert sumarið
sem mínar dætur voru í vinnuskóla hafi lúpína verið slegin
á Hofsósi, næsta ár var það bannað. Ekki veit ég hvað réði
því. Kannski er ástæðan bara sú sem ein kunningjakona
mín nefndi í Facebookfærslu sinni á dögunum og ég ætla
að leyfa mér að vitna í, þó ég voni svo sannarlega að sé ekki
raunin, en hún segir: „Nema hugsunarhátturinn sé bara
uppgjöf: "If you can't beat them, join them“.
Fríða Eyjólfsdóttir,
blaðamaður
LEIÐARI
Fjólublátt og fallegt?
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Lee Ann Maginnis, bladamadur@feykir.is & 867 3799, Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk.
Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Heildarafli síðustu viku á Norðurlandi
vestra var 822.943 kíló.
Á Hofsósi lönduðu þrír bátar þremur og
hálfu tonni og á Sauðárkróki lönduðu tólf
skip og bátar rúmum 435 tonnum. Til
Skagastrandar bárust rúm 384 tonn með 30
skipum og bátum. /FE
Aflatölur 8. – 14. júlí 2018 á Norðurlandi vestra
Arnar með 312 tonn
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
SKAGASTRÖND
Arnar HU 1 Botnvarpa 312.336
Arndís HU 42 Handfæri 812
Auður HU 94 Handfæri 3.552
Bjartur í Vík HU 11 Handfæri 854
Blíðfari HU 52 Handfæri 779
Bogga í Vík HU 6 Handfæri 1.579
Dísa HU 91 Handfæri 690
Dóra ST 225 Handfæri 2.971
Elín ÞH 82 Handfæri 793
Garpur HU 58 Handfæri 139
Geiri HU 69 Handfæri 900
Guðbjörg GK 666 Lína 33.369
Gyðjan HU 44 Handfæri 596
Hafdís HU 85 Handfæri 1.002
Hafrún HU 12 Dragnót 8.100
Jenný HU 40 Handfæri 772
Kambur HU 24 Handfæri 816
Katrín GK 266 Landbeitt lína 4.227
Kópur HU 118 Handfæri 1.001
Loftur HU 717 Handfæri 828
Lukka EA 777 Handfæri 829
Már HU 545 Handfæri 790
Rán GK 91 Handfæri 878
Rúnar AK 77 Handfæri 104
Smári HU 7 Handfæri 805
Svalur HU 124 Handfæri 442
Sæfari HU 212 Landbeitt lína 1.800
Sæunn HU 30 Handfæri 786
Víðir EA 423 Handfæri 802
Víðir ÞH 210 Handfæri 832
Alls á Skagaströnd 384.184
SAUÐÁRKRÓKUR
Dagur SK 17 Rækjuvarpa 16.880
Drangey SK 2 Botnvarpa 153.532
Hafborg EA 152 Dragnót 27.489
Kaldi SK 121 Þorskfiskinet 1.157
Kristín SK 77 Handfæri 590
Maró SK 33 Handfæri 851
Málmey SK 1 Botnvarpa 203.318
Már SK 90 Handfæri 3.834
Óskar SK 13 Handfæri 891
Sigurborg SH 12 Rækjuvarpa 25.262
Steini G SK 14 Handfæri 632
Vinur SK 22 Handfæri 768
Alls á Sauðárkróki 435.204
HOFSÓS
Skáley SK 32 Handfæri 1.578
Skotta SK 138 Handfæri 302
Þorgrímur SK 27 Handfæri 1.675
Alls á Hofsósi 3.555
Húnaþing vestra
Styrkvegir í Húnaþingi vestra fá
1,8 milljón króna frá Vegagerðinni
Á fundi landbúnaðarráðs Húnaþings vestra sl.
miðvikudag var lagt fram bréf frá Vegagerðinni
þar sem fram kemur að samþykkt hafi verið að
úthluta 1,8 milljónum króna til styrkvega árið
2018.
Skv. vegalögum nr. 80/2007 er heimilt að
ákveða fjárveitingu í vegáætlun til að styrkja
tilteknar samgönguleiðir sem ekki falla undir
skilgreiningar vega skv. lögunum. Hér er um að
ræða malarvegi sem taka við þar sem þjónustu
Vegagerðarinnar lýkur, s.s. vegi yfir fjöll og heiðar
sem ekki teljast þjóðvegir; vegi að ferðamanna-
stöðum, vegi að jörðum sem farnar eru í eyði
o.m.fl. Í fjárhagsáætlun Húnaþings vestra fyrir
árið 2018 er samþykkt að veita þremur milljónum
króna til styrkvega og er því heildarfjárhæðin til
viðhalds styrkvega á árinu kr. 4.800.000.
Eftirfarandi tillaga um skiptingu styrkvega-
fjárins var samþykkt samhljóða:
Til afréttarvegar á Víðidalstunguheiði kr. 2.500.000
Til afréttavega í Miðfirði kr. 1.500.000
Til afréttavega í Hrútafirði kr. 270.000
Til vegar yfir Brandagilsháls kr. 265.000
Til vegar upp á Vatnsnesfjall kr. 265.000

/FE
Norðurland vestra
Færri umferðarbrot en
fleiri hraðakstursbrot
Mikil fjölgun hefur orðið á
hraðakstursbrotum í umdæmi
Lögreglunnar á Norðurlandi
vestra það sem ef er ári.
Þannig voru útgefnar kærur
það sem af er þessu ári orðnar
3.689 talsins sl. fimmtudag
samanborið við 1.417 á sama
tíma í fyrra og 602 árið
2016. Þetta kemur fram í
Morgunblaðinu á föstudag þar
sem rætt var við Stefán Vagn
Stefánsson, yfirlögregluþjón
hjá Lögreglunni á Norðurlandi
vestra.
Stefán Vagn segir í samtalinu að
meirihluti þeirra sem stöðvaðir
eru séu útlendingar sem ekki
geri sér grein fyrir því hverjar
sektirnar séu en Íslendingar fari
sér hægar en áður eftir að sektir
voru hækkaðar síðastliðið vor.
Stefán segir að marviss fræðsla
fyrir erlenda ökumenn um það
hvaða reglur gilda í umferðinni
hér á landi sé nauðsynleg.
Umferðareftirlit hefur alltaf
verið áherslumál hjá lögregl-
unni á Norðurlandi vestra og
viljað brenna við á þessum
slóðum sé farið hratt yfir og
umferðaróhöppin því mörg.
Umferðarslysin á svæðinu öllu
eru nú orðin 55 en voru 63 á
sama tíma í fyrra og er það um
14% fækkun. Árið 2016 voru
sambærilegar tölur 82 slys og
fækkunin síðan þá miðað við
daginn í dag 33% að því er segir
í Morgunblaðinu.
Stefán segir að nú sé
embættið með tvo menn sem
eingöngu sinni umferðaeftirliti
á varðsvæðinu og séu þeir
gerðir út frá Sauðárkróki en
einnig taki almenna löggæslan
þátt í eftirlitinu. „Auðvitað má
nálgast tölur á ýmsa vegu og fá
alls konar niðurstöður. En færri
slys eru auðvitað sú niðurstaða
sem mestu skiptir fyrir alla,“
segir Stefán Vagn í Morgun-
blaðinu á föstudag. /FE
2 28/2018