Feykir - 18.07.2018, Blaðsíða 5

F ÍÞRÓTTAFRÉTTIR Fleiri íþróttafréttir á Feykir.is
2. deild karla: Völsungur – Tindastóll 1-0
Húsvíkingar stálu öllum
stigunum í uppbótartíma
Lið Tindastóls skutlaðist til
Húsavíkur í síðustu viku og
spilaði þar við heimamenn
í Völsungi. Eftir hörkuleik
þar sem Stólarnir voru mun
sterkari aðilinn voru það
hins vegar heimamenn sem
potuðu inn eina marki leiksins
í uppbótartíma og svekkjandi
tap því staðreynd.
Það var Ólafur Jóhann
Steingrímsson, sem komið
hafði inn á sem varamaður
skömmu áður, sem gerði
markið á 91. mínútu. Þá höfðu
Stólarnir fengið aukaspyrnu
inni á vallarhelmingi Völsungs
en upp úr henni náðu heima-
menn skyndisókn sem þeir
nýttu til að næla í stigin þrjú.
Það var markmaður Völsunga
sem hélt þeim inni í leiknum en
hann varði oft og tíðum
snilldarlega í leiknum og
Stólarnir óheppnir að vinna
ekki leikinn.
Tindastólsliðið er sem
stendur í ellefta sæti, fyrir ofan
Huginn Seyðisfirði en stutt er í
lið Víðis í Garði.
Næsti leikur Tindastóls fer
fram laurgardaginn 21. júlí kl.
14, en þá koma Seltyrningarnir
í Gróttu í heimsókn á Krókinn.
Grótta er í fjórða sæti með 20
stig eftir fyrri umferðina. Fjöl-
mennum á völlinn og styðjum
Stólana til sigurs! /ÓAB
Bjarki Már Árnason þjálfari mfl. karla hjá Tindastóli
„Seinni umferðin mun gefa
okkur fleiri stig en sú fyrri“
Nú er keppni í 2. deild karla
í knattspyrnu hálfnuð,
fyrri umferðin að baki, og
lið Tindastóls með sjö stig
eftir fyrstu ellefu leikina.
Fyrirfram var búist við erfiðu
sumri hjá Stólunum og útlitið
var ansi svart eftir fyrstu
fimm umferðirnar, tap í öllum
leikjum og vörnin hriplek.
Síðan hefur liðið náð betra
jafnvægi í leik sinn og halað
inn nokkur stig.
Feykir hafði samband við
annan þjálfara Tindastóls,
Bjarka Má Árnason, sem
þjálfar liðið í félagi við Guðjón
Örn Jóhannsson, og lagði fyrir
hann nokkrar spurningar um
fótboltasumarið.
Hvert var markmið liðsins
fyrir sumarið? -Markmið
liðsins fyrir sumarið var og er
að að halda sér í deildinni. Það
er uppbygging í gangi hjá
liðinu þar sem margir ungir
óreyndir leikmenn eru að
stíga sín fyrstu spor í
boltanum. Við erum stað-
ráðnir í að ná markmiðinu og
má hrósa drengjunum í
hópnum fyrir hve mikið þeir
leggja á sig.
Var byrjunin á mótinu erfið-
ari en þið áttuð von á? -Við
byrjuðum mótið í raun skelfi-
lega og fyrstu 3-4 leikirnir
voru mjög slakir af okkar
hálfu. Við vorum bara alls
ekki að spila nógu vel. En eins
og sést þá er búið að vinna
mikið í að laga þá þætti sem
voru ekki nógu góðir.
Ertu ánægður með framfar-
irnar hjá liðinu upp á síð-
kastið? -Liðið okkar er að
bæta sig dag frá degi og við
höfum verið klaufar að hafa
ekki landað fleiri stigum í
síðustu leikjum. Við erum
orðnir þéttir varnarlega og
farnir að vera beittari í
sóknarleiknum, þurfum bara
að fara nýta færin okkar betur,
það kemur.
Er eitthvað sem hefur komið
þér á óvart í leik liðsins eða
heilt yfir í 2. deildinni í
sumar? -Það hefur í raun
ekkert komið mér á óvart,
þetta er svona klassískt hjá
Tindastóli, við byrjum rólega
en þegar liðið er búið að
slípast betur saman þá fer það
að sýna sitt rétta andlit. Mótið
er hálfnað þegar þetta er
skrifað og það er alveg klárt að
seinni umferðin mun gefa
okkur fleiri stig en sú fyrri.
Á að styrkja hópinn fyrir
síðari umferðina? -Fyrir mót
þá var ákveðið að keyra þetta
á heimamönnunum og sú
stefna hefur ekki breyst. Við
höfum enn tröllatrú á þeim
strákum sem eru í hópnum,
sérstaklega í ljósi þess að
leikur liðsins er að verða betri
og þeir að bæta sinn leik.
Nú ert þú búinn að eiga ansi
langan feril, hvað finnst þér
helst hafa breyst í boltanum
frá því að þú varst að stíga
þín fyrstu spor í meistara-
flokki? -Það er ansi margt
búið að breystast frá því að ég
var að byrja, leikmenn í dag
eru flestir miklu tæknilega
betri en áður. Þjálfunin er
orðin miklu markvissari og
einstaklingsmiðarari. Leik-
irnir fyrir fáeinum árum síðan
voru miklu meiri bardagar en
þeir eru í dag. Sakna t.d. að
spila við leikmenn eins og
Ragga Hauks frá KS, þar sem
var sko tekist á án þess að
kasta sér niður við minnstu
snertingu, leikaraskapur er
eitt af því sem er ekki hjálpa
leiknum. Annars er eitt sem
breytist ekki, en það er hve
ofsalega gaman er að keppa og
erfitt að lýsa því hve gaman er
að takast á við erfiðan mót-
herja og jafnframt skemmti-
legra að vinna með sam-
herjunum í að leggja
andstæðinginn að velli.
Bjarki Már í baráttunni fyrr í sumar. MYND: ÓAB
4. deild karla D-riðill
Heimaleikur á
Blönduósvelli
Sameiginlegt lið Kormáks/Hvatar tekur á móti Vatnaliljum á
Blönduósvelli á föstudaginn kl. 20. Sem stendur er lið Kormáks/
Hvatar í 3. sæti riðilsins með 9 stig.
Búast má við mikilli stemmningu á vellinum en Húnavaka fer
fram um helgina á Blönduósi og búast má við fjölda gesta í bænum.
Meistaraflokksráð mun grilla og selja hamborgara í hálfleik. Heiðruð
verður minning Kristjáns Blöndal Jónssonar sem lék í fjölmörg ár
undir merkjum Knattspyrnudeildar Hvatar.
Enginn aðgangseyrir verður á völlinn en leikurinn verður í boði
Vilkó. /LAM
VIÐTAL
Óli Arnar Brynjarsson
2. deild kvenna: Hvíti riddarinn – Tindastóll 1-3
Hvíti riddarinn lagður
að velli í Mosfellsbæ
Stelpurnar í Tindastól
mættu Hvíta riddaranum
á svampblautum velli
Tungubakka í Mosfellsbæ sl.
miðvikudagskvöld og kræktu
sér í þrjú stig. Stólar voru mun
betri aðilinn í leiknum en náðu
ekki að skora nema þrjú mörk
á móti einu heimamanna. Með
sigrinum styrktu þær stöðu
sína á toppnum með 18 stig,
þremur fleiri en Augnablik sem
á einn leik til góða.
Það var Murielle Tiernan
sem opnaði markareikning
Tindastóls á 21. mínútu og
skoraði fyrra mark sitt í
leiknum en hún hefur verið
drjúg í markaskoruninni fyrir
sitt lið. Stuttu síðar bætti
Guðrún Jenný Ágústsdóttir
marki við fyrir stólana en hún
hefur einnig verið að hlaða inn
mörkum í sumar. Á 27. mínútu
minnkaði Sigrún Erla
Lárusdóttir muninn fyrir Hvíta
riddarann og staðan 1-2 Stólum
í vil en þannig var staðan í
hálfleik.
Þegar tvær mínútur voru
liðnar af seinni hálfleik jók
Murielle Tiernan forskotið á ný
þegar hún smellti boltanum í
net andstæðinganna – ellefta
mark hennar fyrir Stólana í
sumar staðreynd. Ekki var
skorað meira þrátt fyrir dauða-
færi og yfirburði gestanna.
Næsti leikur Stóla er annað
kvöld, 19. júlí, á Króknum og
þá er um að gera að drífa sig á
völlinn og hvetja stelpurnar til
sigurs gegn Völsungi Húsavík.
/PF
28/2018 5