Bændablaðið - 20.10.2016, Side 10

10 Bændablaðið | Fimmtudagur 20. október 2016
Fréttir
Landsvirkjun, Veðurstofa
Íslands, Háskóli Íslands og
Háskólinn í Reykjavík hafa gert
samning við fyrirtæki, háskóla
og stofnanir í Québec-fylki í
Kanada, um samstarf á sviði
rannsókna og þjálfunar á sviði
sjálfbærrar orku á norðurslóð-
um.
Philippe Couillard, forsætis -
ráðherra Québec, var við staddur
þegar fulltrúar samnings aðila
frá Québec og Íslandi skrifuðu
undir samninginn á Arctic Circle-
ráðstefnunni í Hörpu.
„Það er okkur hjá Landsvirkjun
mikil ánægja að fá að taka þátt í
þessu samstarfi með virtum stofn-
unum og fyrirtækjum í Québec og
hér heima,“ sagði Hörður Arnarson,
forstjóri Landsvirkjunar.
„Viðfangsefnin hér og þar
eru um margt hin sömu – nýting
endurnýjanlegra og sjálfbærra
orkugjafa og baráttan við loftslags-
breytingar, sem Québec-búar gera
sér grein fyrir, eins og við, að er
eitt af stærstu málum samtímans
og getur skipt sköpum fyrir framtíð
okkar allra.“
Frá Québec voru fulltúar eftir-
talinna fyrirtækja og stofnana við-
staddir undirritunina:
• INRS – Institut national de
la recherche scientifique –
Vísinda rannsóknaháskólann í
Québec
• Laval-háskólann í Québec
• Hydro-Québec – orkufyrirtæki
Québec-fylkis
• Ouranos – samsteypu-háskóla,
orkufyrirtækja og ríkisstofn-
ana í Kanada sem hefur með
höndum rannsóknir á loftslags-
breytingum og sjálf bærri orku-
nýtingu.
Frá Íslandi voru fulltúar eftirtalinna
fyrirtækja og stofnana viðstaddir
undirritunina:
• Landsvirkjun
• Veðurstofa Íslands
• Háskólinn í Reykjavík
• Háskóli Íslands.
Samkvæmt samningnum munu
aðilar stofna til sameiginlegra
rannsókna á sviði loftslagsmála og
sjálfbærrar nýtingar. Þá munu aðil-
ar einnig hafa samstarf um umsjón
háskólastúdenta og starf fræði-
manna og sérfræðinga og skipu-
leggja sameiginleg námskeið fyrir
fræðimenn og nemendur, svo eitt-
hvað sé nefnt. Auk þess munu þeir
skiptast á kennslugögnum, fræði-
greinum, líkönum og hugbúnaði og
hafa samstarf um að leita fjármögn-
unar á rannsóknastarfi, heima fyrir
og á alþjóðlegum vettvangi.
Fyrirtæki og stofnanir frá Íslandi og Québec:
Semja um rannsóknir á sjálfbærri
orkunýtingu á norðurslóðum
Yfir tvö þúsund fulltrúar frá 50
ríkjum tóku þátt í ráðstefnu Arctic
Circle sem haldin var í Hörpunni
í Reykjavík 7–9. október. Yfir 90
fundir voru haldnir á ráðstefnunni
þar sem flutt voru um 400 erindi
um öll möguleg mál er varða fram-
tíð norðurslóða m.a. í ljósi lofts-
lagsbreytinga.
Ólafur Ragnar Grímsson, fyrr-
verandi forseti Íslands, er frumkvöð-
ullinn að stofnun þessara samtaka,
eða viðræðuvettvangs, og er hann
jafnframt formaður Arctic Circle.
Er Arctic Circle ætlað að glíma við
þau vandamál sem steðja að norður-
slóðum. Er þetta þegar orðinn helsti
vettvangur umræðu og samstarfs um
framtíð norðurheimskautssvæðisins.
Stofnað 2013
Stofnfundur Arctic Circle var haldinn
í Reykjavík 2013 þar sem mættir voru
1.200 fulltrúar frá 35 löndum. Yfir
1.500 fulltrúar frá 40 ríkjum mættu
á ráðstefnu samtakanna í Reykjavík
2014 þar sem Sauli Niinistö, forseti
Finnlands, var aðal ræðumaður. Á
ráðstefnu sem haldin var í Hörpu í
október 2015 mættu yfir 2.000 full-
trúar frá 50 ríkjum og var François
Hollande, forseti Frakklands, aðal
ræðumaður.
Á ráðstefnunni 2016, sem fram
fór í Reykjavík 7.–9. október sl.,
voru mættir yfir 2.000 fulltrúar frá
um 50 löndum. Aðal ræðumaður við
setningu ráðstefnunnar var Nicola
Sturgeon, fyrsti ráðherra Skotlands,
eða „First Minister“, eins og emb-
ættið heitir innan breska samveld-
isins.
Ban Ki-moon veitt verðlaun
Arctic Circle
Á meðal þátttakenda var Ban
Ki-moon, aðalritari Sameinuðu þjóð-
anna. Veitti Ólafur Ragnar Grímsson
Ban Ki-moon Arctic Circle-verðlaun
samtakanna í fyrsta sinn og fyrir þá
forystu sem hann hefur tekið í lofts-
lagsmálum. Var viðurkenningarskjal-
ið sem aðalritarinn fékk bundið inn í
kápu sem klædd var laxaroði.
Ólafur Ragnar sagði í yfirlýsingu
að Ban hafi sýnt ótrúlega stjórnvisku,
hugrekki og framtíðarsýn, þrátt fyrir
þá miklu andstöðu sem loftslags-
málin hafi mætt þegar hann tók við
framkvæmdastjórastöðu SÞ á sínum
tíma. Sagði hann einnig að tilefnið
fyrir afhendingu þessara verðlauna
hafi verið að heiðra Ban Ki-moon
fyrir framlag hans til Parísar-
samkomulagsins svokallaða. Fékk
aðalritarinn einnig afhent glerlista-
verk eftir Sigrúnu Ólöfu Einarsdóttur.
Sagði Ban Ki-moon í ræðu sinni
að þjóðarleiðtogar ættu skilið að deila
þessum verðlaunum með honum.
Parísar-samkomulagið hefði verið
bylting en nú væri það stjórnmála-
mannanna að efna þau loforð sem
þar voru gefin og styðja við bakið
á þróunarríkjunum til að takmarka
losun gróðurhúsalofttegunda.
Mikilvæg samtök á alþjóðavísu
Athygli vekur hversu ótrúlega vel
hefur tekist til að skapa Arctic
Circle virðingarsess í alþjóða-
samfélaginu ef marka má alla
þá háttsettu fulltrúa fyrirtækja,
háskóla, ríkja og alþjóðastofnana
sem sóttu ráðstefnuna í Reykjavík
að þessu sinni. Vöktu ræðumenn
m.a. athygli á mikilvægi Arctic
Circle sem alþjóðlegs vettvangs
til að fylgja eftir málum eins og
samþykktum sem gerðar voru á
COP21 loftslagsráðstefnunni í
París.
Umræðufundir um norðurslóðir
Á vegum Arctic Circle hafa verið
haldnir þrír umræðufundir um
málefni norðurslóða. Fyrstu fund-
irnir voru í Alaska og Singapúr
2015. Aðallega var þar rætt um
flutninga og hafnir á norður-
slóðum og aðkomu Asíuríkja að
Norðurheimskautssvæðunum og
hafsvæðum er því tengjast. Þriðji
fundurinn var haldinn í Nuuk á
Grænlandi þar sem var fjallað um
efnahagsleg áhrif þróunarinnar
fyrir fólk á heimskautssvæðinu.
Fjórði umræðufundur Arctic
Circle verður svo haldinn í Québec
í Kanada í desember næstkomandi.
Þar verður fjallað um sjálfbæra
þróun á norðurslóðum. /HKr.
Ferðamálastofa og ferðamálaráð Skotlands:
Í samstarf um miðlun
upplýsinga
Skrifað hefur verið undir sam-
starfs samning milli Ferðamála-
stofu og ferðamála ráðs Skot-
lands, VisitScotland. Felst
hann í því að deila þekkingu og
upplýsingum varðandi ýmsa þætti
í uppbyggingu ferðaþjónustu.
Ferðamálastofa hefur á liðnum
árum átt í góðu samstarfi við
VisitScotland, m.a. í tengslum við
uppbyggingu Vakans, en áhugi var
hjá báðum aðilum að ganga frá því
með formlegri hætti.
Markmið samstarfsins er að deila
þekkingu og auka skilning beggja á
uppbyggingu, eðli og þróun atvinnu-
greinarinnar. Er einkum horft til
nokkurra sviða, eins og gæðamála,
rannsókna, upplýsingagjafar til
ferðamanna, þróunar og sjálfbærni
í ferðaþjónustu, þjónustu við kvik-
myndaiðnað, stafrænna lausna og
regluverk, að því er fram kemur í
kynningu Ferðamálastofu. Þar segir
einnig að ánægja ríki með að þetta
skref hafi verið stigið.
„Mörg lönd hafa einmitt horft
til Skotlands sem ákveðinnar
fyrirmyndar í þróun og uppbyggingu
ferðaþjónustu og því viðurkenning
fyrir Ísland að Skotar skuli leita
eftir samstarfi hingað,“ segir í frétt
Ferðamálastofu.
Fyrsti ráðherra Skota, Nicola
Sturgeon, sagði við undirritun
samningsins að Ísland og Skotland
væru heimsþekktir áfangastaðir og
vildu bæði löndin þróa sjálfbæra
ferðaþjónustu sem viðhéldi áhuga
og laðaði að gesti. Nýjum, beinum
flugtengingum milli þjóðanna var
komið á fyrr á þessu ári og það er
því vel við hæfi að VisitScotland og
Ferðamálastofa dýpki samstarf sitt,
aðilar læri meira hvor af öðrum og
styrki upplifun ferðamanna í báðum
löndunum á komandi árum.“
Ólöf Ýrr Atladóttir ferðamála-
stjóri sagði ferðaþjónustu hér á landi
hafa vaxið gífurlega undanfarin ár,
sá vöxtur hefði óhjákvæmilega í för
með sér ögranir og verkefni sem tak-
ast þurfi á við. Fyrir væri hjá skoskri
ferðaþjónustu og VisitScotland
reynslubrunnur sem hægt væri nú
að sækja í.
Ragnheiður Elín Árnadóttir,
iðnaðar- og viðskiptaráðherra, lýsti
yfir ánægju með samkomulag milli
nágranna- og vinaþjóða. Mikilvægt
væri hverju sinni að horfa til þeirra
sem best standa sig og í þessu til-
felli væri óþarfi að leita langt yfir
skammt.
„Ferðaþjónustan er einn af lykil-
þáttum efnahagslífs bæði í Skotlandi
og á Íslandi, greinin hefur verið efna-
hagsleg líflína fyrir þjóðir okkar á
erfiðum tímum. VisitScotland og
Ferðamálastofa hafa byggt upp sterk
og mikilvæg tengsl á undanförnum
þremur árum og það er spennandi
að færa samstarfið á næsta stig
með undirritun þessa samnings,“
sagði Malcolm Roughead, forstjóri
VisitScotland. /MÞÞ
Ólafur Ragnar Grímsson veitti Ban Ki-moon Arctic Circle-verðlaun samtakanna í fyrsta sinn, fyrir þá forystu sem
hann hefur tekið í loftslagsmálum. Myndir / Arctic Circle
Sköpun vettvangs Arctic Circle undir forystu Ólafs Ragnars Grímssonar nýtur mikillar virðingar alþjóðasamfélagsins:
Ísland orðið leiðandi í alþjóða-
umræðunni um norðurslóðir
Nicola Sturgeon, fyrsti ráðherra
Skotlands.