Bændablaðið - 20.10.2016, Qupperneq 26

26 Bændablaðið | Fimmtudagur 20. október 2016
hættulegs ástands vegarins um
Almenninga frá Strákagöngum í
Fljót.
„Göngin eru frumskilyrði til
þess að ungt fólk með börn hér í
Fljótum geti komið börnunum í
skóla í Fjarðabyggð. Gangamunninn
Siglufjarðarmegin yrði rétt hjá skíða-
svæðinu, en hjá Hraunum í Fljótum
að vestanverðu. Það myndi spara
mikla vegagerð miðað við aðrar
hugmyndir um jarðgöng hér á milli.“
Fleiri hafa nefnt þetta mál, eins
og alþingismaðurinn Kristján Möller,
en hann og Trausti elduðu einmitt
grátt silfur saman út af jarðgangahug-
myndum Trausta, áður en ráðist var
í gerð Héðinsfjarðarganga. Líklega
geta þeir nú loks sameinað krafta sína
í þessu baráttumáli.
„Fyrst þingmenn Norð austur-
kjördæmis völdu það að gera tvenn
göng með Héðinsfjarðarleiðinni, þá
verða menn að standa við að klára
málið með jarðgöngum yfir í Fljót,“
segir Trausti. Þau tíðindi gerðust svo
13. október, rétt fyrir þinglok, að
Alþingi samþykkti tillögu Kristjáns
Möller og tólf annarra þingmanna að
veita fé til rannsókna vegna frum-
hönnunar nýrra jarðganga milli Fljóta
og Siglufjarðar. Gert er ráð fyrir að
ráðherra samgöngumála skili niður-
stöðu um málið fyrir árslok 2018.
Annað stórmál er uppbygging 30
km vetrarfærs hringvegar um Fljótin.
Uppbygging hafnaraðstöðu fyrir
smábáta í Haganesvík er þriðja málið.
Þar væri að sögn Trausta hægt að gera
út smábáta til sjósóknar sem og koma
upp aðstöðu fyrir stangveiðisport,
enda örstutt á miðin.
Vilja að jarðgöng
verði sett á dagskrá
Ef heimamönnum auðnast að sam-
einast um tillögu um ný jarðgöng á
milli Fljóta og Siglufjarðar, virðist
samt ljóst að langur tími geti verið
í þá framkvæmd. Samkvæmt fyrir-
liggjandi verkefnum í samgöngumál-
um á Íslandi verða næstu jarðgöng
á eftir Norðfjarðargöngum gerð á
milli Arnarfjarðar og Dýrafjarðar.
Þá er frekari vegagerð nauðsynleg í
tengslum við það á Vestfjörðum, m.a.
gerð nýrra jarðganga til að leysa af
hættulegan veg um Súðavíkurhlíð.
Samþykkt var tillaga Ólínar Kjerúlf
Þorvarðardóttur undir þinglok á
dögunum að veita fé til rannsókna á
því verkefni. Þar á eftir er krafa um
að tengja Seyðisfjörð við Hérað með
jarðgöngum.
Þarf að gera svæðið áhugavert til
búsetu
„Í dag er allt of lítill íbúafjöldi til að
hægt sé að halda uppi menningar-
lífi í sveitinni. Öflugt menningarlíf,
góðir innviðir og samskipti fólks eru
forsendan fyrir því að fólk vilji búa á
svona stöðum,“ segir Trausti.
Draumasvæði fyrir skíðaiðkendur
og útivistarfólk
Trausti sér mikla möguleika í
að nýta aðstöðu í fjallinu ofan við
Bjarnargil fyrir ferðamenn. Það sé
jafnvel mun betra fyrir þyrluskíða-
menn en á Deplum. Hann segir ekkert
því til fyrirstöðu að viðlíka aðstöðu
verði komið upp þar.
Þá fannst snjóöruggt svæði á
Klaufabrekknadal, sem liggur í suð-
austur af Lágheiðinni. Þetta svæði gæti
orðið draumur skíðagöngumannsins.
„Þarna er hægt að leggja allt að
17 km langar brautir í 700 m hæð
fyrir æfingar og keppni í skíðagöngu,
meðfram fögrum klettabeltum,“ segir
Trausti. Fjallsbrúnirnar umhverfis
dalinn eru í allt að 1.200 metra hæð
og þar eru góðir möguleikar fyrir
fjallaskíðamenn.“
Útsýnið mikilvægt
Íbúðarhúsið á Bjarnargili stendur hátt
í landareigninni og þaðan er fallegt
útsýni yfir sveitina. Trausti segir að
útlendingum sem þarna komi finnist
mikilvægt fyrir Íslendinga að passa
upp á að halda í útsýnið. Því verði
að fara að huga að því hvar menn
planti trjám sem nú er mjög í tísku. Í
Noregi sé t.d. litið á þetta sem mikið
vandamál.
Byggir upp þrek og stefnir á
Vasagöngu í Svíþjóð
Þrátt fyrir að hafa slasast illa í bílveltu
í janúar 2013, sem hann er enn að
berjast við afleiðingarnar af, þá er
þessi gamli skíðagöngukappi hvergi
banginn. Hann er nú farinn að stunda
æfingar á Akureyri til að byggja upp
þrek og stefnir að því að verða hraust-
ari áttræður, en hann er nú 73 ára.
Þá hefur hann einnig sett stefnuna
á þátttöku í Vasagöngunni í Svíþjóð
áður en langt um líður.
/HKr.
Þ ingmenn Norðaustur-kjördæmis lögðu fram fyrr á þessu ári tillögu
til þingsályktunar um jarðgöng
milli Siglufjarðar og Fljóta.
Flutningsmenn voru: Kristján L.
Möller, Össur Skarphéðinsson,
Höskuldur Þórhallsson, Valgerður
Gunnarsdóttir, Steingrímur J.
Sigfússon, Brynhildur Pétursdóttir,
Helgi Hrafn Gunnarsson,
Valgerður Bjarnadóttir, Hjálmar
Bogi Hafliðason, Katrín
Júlíusdóttir, Þórunn Egilsdóttir,
Bjarkey Olsen Gunnarsdóttir og
Líneik Anna Sævarsdóttir.
Tillagan miðast annars vegar
við gerð 4,7 km langra jarðganga
frá Hólsdal í Siglufirði yfir í
Nautadal í Fljótum. Samhliða því
gerð u.þ.b. 5 km langs vegar til
að tengjast núverandi vegakerfi.
Hins vegar lögðu þingmennirn-
ir til að 6,1 km löng göng yrðu
lögð frá Skarðsdal yfir að Hrauni
í Fljótum. Með hvorri leið mundi
vegurinn frá Ketilási í Fljótum til
Siglufjarðar styttast um rúmlega
helming, eða um 15 km.
Trausti Sveinsson telur seinni
kostinn mun farsælli. Þótt göngin
yrðu lengri yrði slík vegalagning
hagkvæmari í rekstri vegna minna
viðhalds og snjómoksturs og vega-
gerð við gangamunna beggja
vegna mun viðaminni.
Möguleg staðsetning nýrra jarðganga á milli Siglufjarðar og Fljóta
samkvæmt tillögu þingmanna Norðausturkjördæmis.
„Göngin eru frumskilyrði til þess að ungt fólk með börn hér í Fljótum geti komið börnunum í skóla í Fjarðabyggð.“
Vegurinn um Almenninga á milli Fljóta og Siglufjarðar er orðin hættulegur
vegna stöðugs landsigs.
Gangamunni Strákaganga að vestanverðu.
Bjarnargil að vetrarlagi.