Bændablaðið - 25.01.2018, Blaðsíða 12

12 Bændablaðið | Fimmtudagur 25. janúar 2018
Mikil umræða var á síðastliðnu
hausti um umframbirgðir á
kindakjöti í landinu. Samkvæmt
tölum Matvælastofnunar hefur þó
orðið gjörbreyting á stöðunni og
birgðir um árslok hafa ekki verið
minni síðan 2011. Skýrist það
bæði af aukinni innanlandssölu,
en þó aðallega af stórauknum
útflutningi.
Framleiðsla á kindakjöti jókst
í heildina um 244 tonn árið 2017
miðað við árið á undan, samkvæmt
tölum Matvælastofnunar. Þetta er
2,4% aukning. Mestu munar um að
þriðjungi meira var slátrað af ám
og veturgömlu síðasta haust en árið
2016. Framleiðsla á lambakjöti dróst
hins vegar saman um 77 tonn, eða
0,8%.
Birgðir þær minnstu síðan 2011
Birgðir kindakjöts um áramót hafa
ekki verið minni síðan í árslok 2011.
Voru birgðirnar nú 14,8% minni en
áramótin 2016. Fóru þær úr því að
vera 6.754 tonn 31. desember 2016
í að vera 5.751 tonn 31. desember
2017. Þarna munar 1.003 tonnum
sem birgðirnar voru minni en árið
á undan.
Framleiðsla á kindakjöti jókst
í heildina um 244 tonn árið 2017
miðað við árið á undan samkvæmt
tölum Matvælastofnunar. Þetta er
2,4% aukning.
Mestu munar um að þriðjungi
meira var slátrað af ám og
veturgömlu síðasta haust en árið
2016. Framleiðsla á lambakjöti dróst
hins vegar saman um 77 tonn, eða
0,8%.
Um 13% minni dilkakjötsbirgðir
Sé eingöngu horft á dilkakjötið voru
birgðirnar um síðustu áramót 5.292
tonn en áramótin á undan voru þær
6.077 tonn. Þarna munar 785 tonnum
sem þýðir að dilkakjötsbirgðirnar
voru 12,9% minni.
Áframhaldandi söluaukning
innanlands
Eftir samdrátt í sölu á kindakjöti
innanlands jókst salan um 4,3% 2016
og um 3,5% árið 2017. Samanlagt
þýðir þetta að sala ársins 2017 var
um 514 tonnum meiri en árið 2015.
Sé eingöngu horft á dilkakjötið
jókst salan um 4,3% árið 2016 og
um 2,1% árið 2017. Það þýðir að
sala ársins 2017 á dilkakjöti var 333
tonnum meiri en hún var árið 2015.
Útflutningur hefur
aldrei verið meiri
Útflutningur á kindakjöti jókst
verulega árið 2017 miðað við árið
á undan og hefur aldrei verið jafn
mikill. Salan var 4.122 tonn, sem
er 47,4% söluaukning miðað við
árið 2016. Þá var útflutningur á
kindakjöti 2.796 tonn. Aukningin
er 1.326 tonn. Munar þar mestu
um ný verkefni í Japan og víðar
með aðkomu Icelandic lamb og
sérstakt átaksverkefni í samvinnu
sláturleyfishafa og Markaðsráðs
kindakjöts. Mestur hafði útflutningur
á kindakjöti áður verið 3.571 tonn
árið árið 2010.
Ferðamenn vilja íslenskt
lambakjöt
Í nýlegri könnun sem Gallup gerði
fyrir markaðsstofuna Icelandic
lamb kom í ljós að 54% erlendra
ferðamanna borða íslenskt
lambakjöt á meðan þeir heimsækja
landið. 40% borða lamb eingöngu
á veitingastöðum, 4% eingöngu
það sem keypt er í búð en 10%
hvorutveggja.
Markaðsstofan rekur öfluga
verðlauna herferð gagnvart erlend-
um ferðamönnum á netinu og á
í samvinnu við um 150 aðila í
veitingarekstri, smásölu, framleiðslu
og hönnun. Í könnun Gallup var
einnig spurt hvort ferðamennirnir
þekki merki Icelandic lamb sem hóf
formlega starfsemi í ársbyrjun 2017.
Í ljós kom að 27% þekkja merkið
og af þeim hópi hafa 73% mjög eða
nokkuð jákvæða mynd af því. Um
fjórðungur er hlutlaus en neikvætt
viðhorf mældist ekki. /HKr./SH
Sjóðstýringarfyrirtækið GAMMA
hefur verið í sambandi við
sveitarstjórnina í Dalabyggð
vegna áhuga á að koma að
rafmagnsframleiðslu með
vindorku í byggðarlaginu. Á
bak við þessi áform stendur
m.a. fyrirtækið Stormorka.
Þegar er búið að setja í gang
vinnu við breytingar á skipulagi
Dalabyggðar og var málið rætt
á íbúafundi í Dalabúð í gær,
miðvikudaginn 24. janúar.
Mjög skiptar skoðanir eru um
uppbyggingu á vindmyllum í
héraðinu. Samkvæmt heimildum
Bændablaðsins eru m.a. eigendur
jarða á svæðinu ekki allir sáttir við
að verið sé að breyta ósnortinni
náttúru í raforkuframleiðslusvæði
með verulegri sjónmengun af
gríðarmiklum vindmylluskógi. Þá
hefur verið gagnrýnt að gengið hafi
verið framhjá fulltrúum í umhverfis-
og skipulagsnefnd sveitarfélagsins
við undirbúning að breyttu
aðalskipulagi.
Fyrsta skrefið er að auglýsa
lýsingu á fyrirhuguðum
skipulagsbreytingum
Sveinn Pálsson, sveitarstjóri
Dala byggðar, sagði í samtali við
Bændablaðið að sveitarstjórn hafi
samþykkt að hefja þessa umræðu og
þar sé málið statt í dag.
„Til að að hefja umræðuna var
ákveðið að að skoða breytingarferli
á aðalskipulagi. Fyrsta skrefið er
að auglýsa lýsingu á fyrirhuguðum
breytingum eða áform um að fara í
þessar breytingar og þessa stundina
er verið að taka við umsögnum
og athugasemdum um lýsinguna
á breytingunum. Í því ferli er
ætlunin að gefa hagsmunaaðilum
færi á að koma að umsögnum og
athugasemdum í upphafi máls áður
en búið er að leggja í of mikla vinnu.
Síðan er næsta skref hjá umhverfis-
og skipulagsnefnd og sveitarstjórn
að yfirfara umsagnirnar og taka
ákvörðun um hvort málið sé hæft í
að halda áfram eða hvort við verðum
að staldra við og afla frekari gagna
eða hvort lengra verði ekki haldið.“
Sveinn segir að viðbrögð íbúa
sveitarfélagsins við áformunum séu
eins og við megi búast. „Margir sjá
í þessu tækifæri fyrir sveitarfélag
sem hefur átt við atvinnuleysi
og fólksfækkun að stríða en aðrir
leggjast gegn áformunum.“
Stormorka keypti land undir
vindmyllugarð
Þrjú félög munu hafa áhuga á að reisa
vindmyllur í Dalabyggð. Þar er félagið
Stormorka komið lengst og áformar
félagið að reisa 30 til 40 vindmyllur.
Það fyrirtæki er í eigu bræðranna
Magnúsar og Sigurðar Jóhannessona.
Hefur fyrirtækið fest kaup á 1.700
hektara jörð á Hróðnýjarstöðum þar
sem áformað er að reisa 30 til 40
vindmyllur. Munu þær hver um sig
verða með 3 til 5 megawatta (MW)
framleiðslugetu í uppsettu afli og eiga
þær samtals að geta framleitt 130 MW
af raforku. Verða þessar vindmyllur
talsvert stærri en tvær vindmyllur
Landsvirkjunar ofan við Búrfell sem
eru hvor um sig með 0,9 MW uppsett
afl og eru 77 metra háar miðað við
spaða í efstu stöðu.
Sveinn Pálsson segir að
samkvæmt þeim gögnum sem
hann hafi geti hæð turna hverrar
vindmyllu í Dalabyggð verið allt
að 120 metrar og 180 metrar með
spaðablöðum í efstu stöðu, en að
hæðin verði endanlega ákveðin eftir
vindmælingum.
Í haust undirrituðu fulltrúar
fyrirtækisins og sveitarfélagsins
vilja- og samstarfsyfirlýsingu
vegna áformanna. Búið er að
auglýsa skipulags- og matlýsingu
að breytingu á aðalskipulagi
Dalabyggðar þar sem gert er ráð fyrir
vindorkugarði.
Samkvæmt frétt RÚV hafa
bræðurnir verið að ræða við
mögulega kaupendur á raforkunni
en ekkert mun þó vera frágengið í
þeim efnum.
/HKr. /VH
Skiptar skoðanir um vindmyllugarð í Dalabyggð
– Hugmynd Stormorku gerir ráð fyrir 30–40 vindmyllum upp á 3 til 5 megawött sem framleiði samtals allt að 130 megavött
FRÉTTIR

www.VBL.is REYKJAVÍK
Krókháls 5F
110 Reykjavík
Sími: 414-0000
AKUREYRI
Baldursnes 2
603 Akureyri
Sími: 464-8600
VARAHLUTIR Í DRÁTTARVÉLAR
John Deere New Holland
Steyr Case IH
Fiat
EIGUM Á LAGER OG GETUM ÚTVEGAÐ
VARAHLUTI Í FLESTAR TEGUNDIR DRÁTTARVÉLA
Útvegum einnig
varahluti í gömlu
dráttarvélarnar
Framleiðsla á kindakjöti jókst töluvert á síðasta ári og innanlandssalan jókst einnig:
Birgðir af kindakjöti um áramótin voru
þúsund tonnum minni en árið á undan
– Hafa ekki verið minni kindakjötsbirgðir í landinu í 6 ár og útflutningur hefur heldur aldrei verið meiri