Bændablaðið - 25.01.2018, Blaðsíða 22

22 Bændablaðið | Fimmtudagur 25. janúar 2018
Verið er að reisa kjúklingabú
í Kína sem hýsa mun 100
milljón hænsnfugla til
kjötframleiðslu. Gert er ráð
fyrir að ársframleiðslan verði
um 200.000 tonn á ári og verður
slátrun og fullvinnsla afurða í
tengslum við búið.
Framkvæmdir við búið eru
þegar hafnar og er það staðsett
skammt utan við borgina Hengshui
í Hebei í Norður-Kína. Í yfirlýsingu
frá borgaryfirvöldum í Hengshui
segir að búið verði mikil lyftistöng
bæði fyrir borgina og svæðið í heild
þar sem mörg störf skapist í og í
kringum kjúklingabúið.
Búið er reist í samvinnu við
stjórnvöld í Kína og sagt vera
hluti af áætlun stjórnvalda til að
draga úr fátækt í Kína og tryggja
fæðuöryggi.
Markaður fyrir kjúklingakjöt í
Kína er mikill og eykst ár frá ári.
Fyrirtækið sem stendur að baki
byggingu búsins heitir Charoen
Pokphand Food. Það er með
höfuðstöðvar í Taílandi og er
þetta annað stóra kjúklingabúið
sem það reisir í Kína. Auk
kjúklingaframleiðslu og vinnslu
hefur Charoen Pokphand ítök í
smásöluverslun, bankastarfsemi
og lyfjaframleiðslu í Kína og víðar
í Asíu.
Önnur stórtæk kjúklinga-
framleiðslufyrirtæki í Kína eru
Guangdong Wens Foodstuff Co
og Tongwei Group. /VH
Fljúgandi brennuvargar:
Fuglar kveikja elda
Rannsóknir á atferli fugla í
Ástralíu staðfesta að ákveðnar
tegundir ránfugla eru ábyrgar
fyrir útbreiðslu sinubruna og að
fuglarnir eigi það einnig til að
kveikja eldana sjálfir.
Safnað hefur verið fjölda frásagna
frá sjónarvottum sem segjast
annaðhvort hafa séð ránfugla, til
dæmis fálka, lækka flugið og grípa
með sér glóandi grein og sleppa
henni yfir svæði þar sem enginn
eldur logar. Sinubrunar af völdum
eldinga eru algengir í Ástralíu og af
frásögnunum að dæma hafa fuglarnir
lært að notfæra sér eldinn til að lokka
fram bráð úr felustað sínum þar sem
fuglarnir sitja fyrir henni.
Innfæddir Ástralíubúar hafa lengi
sagt að fuglarnir, sem þeir kalla
eldfálka, eigi það til að kveikja elda
með þessum hætti. Fram að þessu
hefur verið litið svo á að frásagnir
þeirra séu hluti af þjóðtrú en eigi
ekki við rök að styðjast.
Að söng ástralsks slökkviliðs-
manns kann atferli fuglanna að
skýra af hverju sinu- og kjarreldar
virðast stundum kvikna og breiðast
út af sjálfu sér í nágrenni og
stundum töluverðari fjarlægð, allt
að kílómetra, frá öðrum eldum. /VH
Vertu viðbúinn vetrinum
LÉTTAR – STERKAR – TRAUSTAR
SNJÓKEÐJUR
Hafðu samband og kynntu þér
vöruúrvalið og þjónustuna
UTAN ÚR HEIMI
Í kjúklingabúi sem er verið að reisa í Kína verða aldir 100 milljón fuglar á ári til kjötframleiðslu.
Risakjúklingabú í Kína:
100 milljónir fugla til
kjötframleiðslu
Ástralskur eldfálki.
Leirherinn Qin Shihuang Di, fyrrverandi keisara, í Xian er eitt þeirra undra
í Kína sem skoðað verður í ferðinni.
Kínaklúbbur Unnar:
Kínaferð Unnar á
ári hundsins
Unnur Guðjónsdóttir, sem
stendur fyrir Kínaklúbbi
Unnar, hefur staðið fyrir fjölda
áhugaverðra ferða til Kína
undanfarin ár. Að þessu sinni
býður Kínaklúbburinn upp á 19
daga fróðleiks- og skemmtiferð
til Kína á ári hundsins. Þetta
verður 39. hópferðin sem hún
skipuleggur og leiðir um Kína.
Unnur segðir að ferðin verði
farin dagana 25. maí til 12. júní
næstkomandi. „Þrátt fyrir að
dagskrá ferðarinnar sé digur er
ferðin ekki erfið. Fólk á öllum aldri
og einnig börn hafa bæði gagn og
gaman af þessari ferð. Kína breytist
óðfluga, svo ef fólk vill sjá eitthvað
af gamla Kína þá er um að gera að
bíða ekki með að fara þangað.“
Í ferðinni verða borgirnar
Shanghai, Suzhou, Tongli,
Guilin, Yangshuo, Xian og
Beijing heimsóttar. Farið verður í
skemmtisiglingu á Li-fljótinu og
gengið á Kínamúrinn. Að sögn Unnar
er heildarverð á mann 660 þúsund
krónur og er þá allt innifalið, það
er að segja full dagskrá samkvæmt
ferðaskrá, gisting í tvíbýli á 4 til
5 stjörnu hótelum, fullt fæði með
máltíðardrykkjum, skattar og gjöld,
staðarleiðsögumenn og fararstjórn
Unnar. Hún segir að 100 þúsund
krónur bætist við hótelkostnaðinn
kjósi fólk að vera í einbýli. /VH