Víkurfréttir - 02.04.2020, Qupperneq 38

38 // VÍKURFRÉTTIR Á SUÐURNESJUM Í 40 ÁR fimmtudagur 2. apríl 2020 // 14. tbl. // 41. árg.
Ásgeir Eiríksson, bæjarstjóri í Sveitarfélaginu Vogum var í orlofi á Spáni og þurfti því
að fara í sóttkví þegar hann kom heim. Hann segir að það gangi ágætlega að aðlaga sig
að aðstæðum á tímum Covid-19.
Hvernig ert þú að upplifa ástandið í
kringum COVID-19?
Upplifunin er einkennileg að öllu leyti,
enda hefur aldrei neitt sambærilegt
komið upp áður.
Hefurðu áhyggjur?
Ég er bæði áhyggjufullur og vongóður.
Það er full ástæða til að viðhafa ítrustu
varúð, en á sama tíma ber maður mikið
traust til yfirvalda sem virðast sem
betur fer vera með góð tök á stöðunni.
En ástandið er eigi að síður viðkvæmt.
Hvaða áhrif hefur faraldurinn á þitt
daglega líf? Hvernig eru dagarnir
hjá þér núna? Hefur þú gert miklar
breytingar í daglegu lífi?
Dagarnir eru sannarlega öðru vísi en
venjulega. Einkennast af fjarvinnslu,
bæði með aðstoð fjarfundabúnaðar og
síma. Eðli málsins samkvæmt er maður
lítið sem ekkert á ferðinni
Hefur þú þurft að gera miklar breyt-
ingar varðandi þína vinnu?
Starfsemin er á hægagangi, skert þjón-
usta á öllum sviðum sveitarfélagsins.
Allir fundir eru nú fjarfundir.
Ert þú eða þitt fólk í sóttkví?
Já, við hjónin vorum í orlofi á Spáni og
þurftum því að fara í 14 daga sóttkví
þegar við komum heim. Það er ekk-
ert annað í stöðunni en að laga sig að
þeim aðstæðum, og það gengur vonum
framar.
Hvenær fórstu að taka COVID-19
alvarlega?
Það var ekki fyrr en eftir fyrstu vikuna
í mars, að maður fór að átta sig á alvar-
leika málsins.
Hvað varð til þess?
Með auknum fréttaflutningi gerði
maður sér betur grein fyrir ástandinu,
sem og var það all sérstakt að upplifa
útgöngubann á eigin skinni.
Hvernig ert þú að fara varlega?
Með því að viðhafa þær varúðarráð-
stafanir sem mælt er með, þ.e. forðast
snertingu og halda fjarlægð
Hvernig finnst þér stjórnvöld standa
sig í sóttvörnum?
„Þríeykið“ stendur sig vel og eru traust-
vekjandi. Ég verð að viðurkenna að
ég varð fyrir vonbrigðum með tillögu
stjórnvalda þegar kemur að innspýtingu
í efnahagskerfið, lítið sem ekkert af
þeim fjármunum ratar inn á okkar
landshluta. Hér er þó þörfin brýn, ekki
síst hvað varðar uppbyggingu HSS.
Hvað finnst þér mikilvægast á þessum
tímum?
Að standa saman, fara að fyrirmælum
og sýna æðruleysi.
Finnst þér að sveitarfélagið þitt gæti
gert meira? Hvernig finnst þér sveitar-
félagið standa sig í þessum málum?
Það má án efa alltaf gera betur. Þessa
dagana er unnið að útfærslu á að-
gerðum, sem vonandi mæta þörfum
íbúa sveitarfélagsins sem og atvinnu-
starfseminni.
Er samkomubannið að hafa áhrif á þig?
Já, það er t.d. búið að fresta einni jarðar-
för sem ekki er unnt að hafa fyrr en
síðar.
Hvernig hagar þú innkaupum í dag.
Notar þú netið meira?
Ég nýti mér pöntunarþjónustu í auknu
mæli.
Hvað gerir þú ráð fyrir að ástandið
muni vara lengi?
Ég held að það muni líða langur tími
þar til allt verður eins og áður var. Ég
vona hins vegar að daglegt líf komist í
eðlilegar skorður fyrir lok maí.
Þegar faraldurinn er yfirstaðinn, gerir
þú ráð fyrir að ferðast innanlands
eða utan?
Að svo stöddu eru engin ferðaplön, það
bíður betri tíma að ákveða það.
Bæði áhyggjufullur og vongóður
ÁSGEIR EIRÍKSSON, BÆJARSTJÓRI Í SVEITARFÉLAGINU VOGUM
ÞURFTI AÐ FARA Í SÓTTKVÍ EFTIR AÐ HAFA VERIÐ Í FRÍI Á SPÁNI
Smelltu á myndskeiðið til að horfa og hlusta
Ásgeir er liðtækur með trompetið. Hér leikur hann þekkt lag. Þið verðið að smella á myndskeiðið til að sjá og heyra :)