Fréttablaðið - 10.06.2020, Blaðsíða 14

Hreyfingin sem slík
og hreyfingar-
formið sem slíkt mun
klárlega lifa þetta af og
samfélagið líka.
Hrönn Sveinsdóttir
CROSSFIT „Við hættum ekkert að
gera æfingarnar. Hvort það verði
kallað CrossFit verður tíminn einn
að leiða í ljós. En hreyfingin sem slík
og hreyfingarformið sem slíkt mun
klárlega lifa þetta af og samfélagið
líka. CrossFit er ekki bara Greg
Glassman þó að hann eigi nafnið
og orðið,“ segir Hrönn Sveinsdóttir,
framkvæmdastjóri og stofnandi
CrossFit Reykjavík.
Stöðin er ein sú stærsta, ef ekki sú
stærsta, hér á landi í CrossFit-sam-
félaginu, en stöðin setti tilkynningu
um að hún myndi ekki vera áfram
hluti af CrossFit eins og það er, nema
gerðar verði afgerandi breytingar.
Ástæðan er hegðun eiganda og
stofnanda CrossFit, Gregs Glassm-
an. Rasískt tíst hans olli það mikl-
um skaða að erfitt er að sjá hvernig
íþróttin muni bera sitt barr á ný.
Hann hefur vissulega beðist afsök-
unar, en beiðnin dugar skammt til
að slökkva þá elda sem brenna í
CrossFit-heiminum.
Enginn má nota orðið CrossFit í
í nafni líkamsræktarstöðva sinna
nema borga Glassman og höfuð-
stöðvum CrossFit þrjú þúsund doll-
ara á ári. Samkvæmt The New York
Times borga 14 þúsund stöðvar um
allan heim upphæðina fyrir að fá að
nota nafnið CrossFit. Alls eru ellefu
CrossFit-stöðvar skráðar á Íslandi
á ja.is.
Fjölmargar stöðvar víðs vegar um
heim hafa aftengt sig nafninu, meðal
annars stöðin sem þjálfari Katrínar
Tönju Davíðsdóttur á og rekur og er
ein sú stærsta í heimi. Sú hét Cross-
Fit New England en heitir nú CFNE
þar sem CF stendur fyrir Commun-
ity Fit. Fæstir eigendur búast þó við
að það aftengja sig CrossFit-nafninu
muni breyta miklu.
Aumur eigandi en sterk íþrótt
CrossFit-heimurinn nötrar af reiði vegna orða eiganda og stofnanda CrossFit. The New York Times spyr
hvort íþróttin geti lifað þetta af. Flestir eru þó sammála um að íþróttin sé sterkari en veikur eigandi.
Sara Sigmundsdóttir, Katrín Tanja og Annie Mist, hafa tjáð sig um Glassman. „Sem betur fer þá er samfélagið okkar miklu sterkara en orð eins manns. Hann
talar ekki fyrir okkur og þið getið treyst því að ég mun standa upp og berjast fyrir því sem er rétt fyrir okkar samfélag,“ skrifaði Sara. FRÉTTABLAÐIÐ/EYÞÓR
Glassman ræðir við starfsmenn fyrir skemmstu. Hann hefur misst flesta
styrktaraðila frá íþróttinni og stöðvar víðs vegar um heiminn vilja ekki
lengur tengjast CrossFit og nota það ekki lengur í nafni sínu. MYND/GETTY
Framtíðin óljós hjá þeirri bestu
Greg Glassman svaraði tísti
Institute for Health Metrics and
Evaluation í Bandaríkjunum þar
sem rasismi var sagður lýð-
heilsuvandamál með því að
skrifa „It’s FLOYD-19“. Hann hellti
svo þvílíkum svívirðingum yfir
Alyssu Royse, starfsmann Rocket
Community Fitness stöðvarinnar
sem er með aðild að CrossFit, að
erfitt væri að hafa þau orð eftir
hér.
Katrín Tanja var ein fyrsta stór-
stjarna CrossFit til að gagnrýna
skrifin og birti skjáskot af sam-
skiptum Glassmans og Royse.
„Ég skammast mín, er vonsvikin
og reið vegna þess sem hefur
verið í gangi síðustu daga hjá
samtökum sem ég hef stutt, lagt
svo mikið á mig fyrir og verið svo
stolt af að keppa hjá,“ skrifaði
hún á Instagram.
Fjölmargir hafa tekið dýpra í ár-
inni en Katrín og Tia-Clair Toom-
ey, sem hefur unnið CrossFit-leik-
ana þrjú ár í röð, segist ekki vera
viss um að geta keppt aftur undir
merkjum CrossFit. Það fari eftir
hvaða stefnu CrossFit taki.
The New York Times spurði
hreinlega í grein sinni hvort íþrótt-
in myndi lifa þetta hneyksli af, en
blaðið greindi frá því að 50 þeldökk-
ir eigendur CrossFit-stöðva hefðu
hitt Glassman á Zoom-fundi. Einn
þeirra, Maillard Howell, sem á og
rekur Dean CrossFit Gym í Brook-
lyn, segir við blaðið að íþróttin sé
ekkert minna en stórkostleg en
það sé galli í kerfinu. Glassman eigi
þetta allt 100 prósent og sé algjör
einræðisherra. Margar ákvarðanir
hans undanfarin tvö ár hafi lítið
gert til að styrkja íþróttina, heldur
aðeins grafið undan henni.
Forbes fjallaði um málið á mánu-
dag og sagði að tíst Glassmans hefðu
aðeins skaðað íþróttina sem hann
bjó til. Blaðið bendir á að það sé enn
tími fyrir Glassman og fyrirtæki
hans að snúa við og koma CrossFit
í gegnum þennan storm. En fyrir
íþrótt sem byggir á styrk, væri það
aumt að þegja.
„Við verðum að bíða og sjá. Það
sem hann hefur gert og sagt breytir
ekki því sem við höfum verið að
gera undanfarin tíu ár. Það stendur,
og við höldum áfram að gera það
sem við höfum verið að gera, sem
er að hér eru allir velkomnir og það
er eitthvað sem við höfum talað um
frá upphafi. CrossFit Reykjavík er
fyrir alla,“ segir Hrönn.
benediktboas@frettabladid.is
ÍÞRÓTTIR Jón Finnbogason, for-
maður íþróttanefndar Kópavogs og
lykilstarfsmaður Arion banka, segir
að skemmtilegur misskilningur hafi
orðið til þess að hann hafi ekki tjáð
sig um málefni körfubolta í Kópa-
vogi.
Fréttablaðið fjallaði um pistil
fyrrverandi formanns körfubolta-
deildarinnar í ársskýrslu félagsins í
síðustu viku, þar sem fjallað var um
stúkuna og að viðræður við bæjar-
yfirvöld hefðu verið fyrir daufum
eyrum. Þegar Fréttablaðið sló á
þráðinn til Jóns var svar hans ein-
falt við kynningu blaðamanns: „Ég
spjalla ekki við blaða menn,“ án þess
að erindið hefði verið borið upp.
Þetta segir Jón vera kostulegan
misskilning.
„Það sem olli ruglingi í okkar
samtali er að í störfum mínum sem
útlánastjóri hjá Arion banka hf.,
gilda strangar starfsreglur um að
mér er óheimilt að ræða við blaða-
menn eða tjá mig fyrir hönd bank-
ans. Þannig er að ítrekað kemur
fyrir að blaðamenn hafa samband
við mig. Þar sem hringt var í mig á
vinnutíma og í símanúmer sem afar
fáir hafa aðgang að, þá taldi ég næsta
víst að um væri að ræða blaðamann
að skrifa viðskiptafréttir,“ útskýrir
Jón sem kveður mistökin vera sín.
„Með þessu er ég ekki að velta
ábyrgð á þessum misskilningi yfir
á blaðamann. Ég er að sjálfsögðu
reiðubúinn til þess að fjalla um
íþróttir í Kópavogi, eftir því sem
ég best get í því tilviki sem hér um
ræðir, enda óviðkomandi mínum
störfum fyrir Arion banka,“ segir
Jón, sem hefur skrifað ótal greinar
um íþróttir í Kópavogi og átt fjöl-
mörg samtöl við blaðamenn. „Sam-
skipti mín við blaðamenn hafa
verið góð og vona ég að svo verði
áfram enda ber ég mikla virðingu
fyrir þeirra störfum.“ – bb
Jón talar víst
við blaðamenn
Jón Finnbogason.
FÓTBOLTI Guðmundur Steinn Haf-
steinsson samdi við KA í gær og
skrifaði undir samning út sumarið.
Guðmundur kemur frá RW Koblenz
í Þýskalandi en hann verður 31 árs
síðar í mánuðinum. Hann hóf feril
sinn með Val en hann hefur einn-
ig leikið með HK, Víkingi Ólafsvík,
Fram, ÍBV og Stjörnunni hér á landi.
Þá lék hann eitt ár með norska lið-
inu Notodden.
Sumarið 2017 skoraði Guð-
mundur átta mörk í efstu deild
með Víkingi Ólafsvík og árið eftir
skoraði hann sjö mörk með Stjörn-
unni. Alls hefur hann leikið 200
deildar- og bikarleiki á Íslandi og
skorað í þeim 56 mörk. „Það er ljóst
að koma Guðmundar mun styrkja
sóknarlínu okkar liðs, en fyrsti
leikur sumarsins er á sunnudaginn
þegar strákarnir sækja lið ÍA heim.
Við bjóðum Guðmund velkominn
í KA og hlökkum til að sjá hann í
gula búningnum í sumar,“ segir í
tilkynningu frá KA. – bb
Guðmundur
Steinn í KA
1 0 . J Ú N Í 2 0 2 0 M I Ð V I K U D A G U R14 S P O R T ∙ F R É T T A B L A Ð I Ð
SPORT