Fréttablaðið - 10.06.2020, Blaðsíða 34

Nám:
Ég hóf grunnskólanám í Was-
hingtin DC. fyrstu tvö árin. Gékk
eftir það í skóla í Reykjavík og
útskrifaðist úr Menntaskólanum
við Sund árið 2001. Þaðan lág
leiðin til Kaupmannahafnar þar
sem ég lærði tannsmíði og vann
þar sem slíkur í nokkur ár. Ferða-
þjónustan hafði þó alltaf heillað
mig og eftir að heim kom breytti
ég alveg um stefnu. Bætti þá við
mig BA-gráðu í ferðamálafræði frá
Háskólan um á Hólum og nú síðast
stjórnendanámi í HR.
Störf:
Sem barn og unglingur varði ég
öllum sumrum í sveit í Skagafirði.
Þar var gengið í öll sveitastörf
bæði innandyra og utan. Síðar
sinnti ég ýmsum verslunarstörf-
um og störfum í ferðaþjónustu.
Sem fyrr segir starfaði ég sem
tannsmiður í Kaupmannahöfn
áður en ég hóf störf hjá hug-
búnaðarfyrirtækinu Godo árið
2015. Þar hef ég starfað sem
rekstrarstjóri og tekið þátt í mjög
skemmtilegum og lærdómsríkum
árum uppbyggingar. Nýlega tók
ég við sem framkvæmdarstjóri
félagsins þannig að það eru
spennandi tímar framundan.
Fjölskylduhagir:
Einhleyp og á 7 ára dóttur, Rún
Ingvarsdóttir sem við barnsfarðir
minn ölum upp saman.
Katrín Magnúsdóttir tók nýlega við sem framkvæmdastjóri íslensk a hugbú n-aða r f y r i r t æk isins Godo, sem sérhæfir
sig í lausnum fyrir ferðaþjónustuna
og er með 40 starfsmenn í þremur
löndum. Katrín segir hröðum vexti
fylgja áskoranir og óhjákvæmilegt
sé að bæði mistakast og þurfa að
læra hratt.
Hvernig finnst þér best að verja
frístundum þínum?
Ég á mikið af góðum vinum
og góða fjölskyldu og finnst fátt
skemmtilegra en að ferðast hér
heima með þeim. Ég hef gaman af
f lestu sem hleypir adrenalíninu af
stað, hvort sem það eru skíði, brölt á
fjöllum, rússíbanar eða hvað annað.
Viðurkenni að kaffihúsin eru líka
oft heimsótt með vinkonunum.
Nærðu að halda jafnvægi milli
vinnu og fjölskyldulífs?
Já, dóttir mín passar upp á skjá-
tímann hjá mér og ég hjá henni. Þar
er enginn afsláttur gefinn. Sveigjan-
legur vinnutími gerir mér kleift að
vinna stundum styttri vinnudaga,
en aðra daga lengri. Það hentar mér
prýðilega. Ég held að síðustu vikur
hafi staðfest það hjá mörgum að það
virkar vel að geta unnið heima og
afköstin verða jafnvel meiri.
Hver er mesta áskorun í starfinu?
Godo hefur stækkað hratt síð-
ustu ár og hefur starfsumhverfið
því verið líflegt og skemmtilegt. Nú
eru starfsmenn 40 talsins í þremur
löndum. Hröðum vexti fylgja vissu-
lega áskoranir og óhjákvæmilegt
að bæði mistakast og þurfa að læra
hratt.
Áður gat maður haft puttana í
öllu og ákvarðanir voru teknar yfir
borðið, þar sem allir starfsmenn
sátu saman á lítilli skrifstofu. Með
fleira starfsfólk, flóknari verkefnum
og sumum alþjóðlegum, breytist
þetta auðvitað og meiri skipulagn-
ing er nauðsynleg. Um leið verða til
ný og stærri tækifæri sem við höfum
verið dugleg að grípa.
Hvernig er rekstrarumhverfið að
breytast og hvaða tækifæri felast í
breytingunum?
Okkar lausnir og þjónusta hafa
verið þróaðar fyrir ferðaþjón-
ustuaðila, aðallega hótel, gististaði
og ferðaskrifstofur, þar sem við
bjóðum upp á ýmsan hugbúnað,
s.s hótelbókunarkerfi, markaðs-
torg fyrir ferðaskrifstofur en einnig
rekstrarþjónustu á borð við verð-
stýringu. Það er því ljóst að úrlausn-
arefnin eru fjölmörg og breytingar
þar á eru gríðarlegar þessa dagana.
Tímabundið hefur ferðaþjónustan
nánast lagst í dvala og róðurinn er
því þungur hjá mörgum, eins og
allir þekkja.
Til lengri tíma litið sjáum við
mörg tækifæri til að bæta okkar
þjónustu því það mun reyna á hjá
rekstraraðilum að aðlaga sig breytt-
um tímum. Nú er mikilvægt að
Ísland skapi sterka markaðsstöðu
og að ferðaþjónustufyrirtæki séu
vel undirbúin þegar heimurinn fer
að ferðast á ný. Hér skiptir sköpum
að ferðaþjónustufyrirtæki nýti
tæknilausnir sem auka sjálfvirkni
og hjálpa til við að mæta breyttu
mynstri í ferðamennsku.
Við sjáum mikil tækifæri í
nýsköpun fyrir innlendan og
erlendan markað. Við höfum verið
að teygja anga okkar erlendis og
munum gera það í enn meira mæli
þó aðaláherslan hafi og muni vera
hér heima. Við höfum skapað okkur
algera sérstöðu í hugbúnaðar-
lausnum fyrir ferðaþjónustuna og
lagt mikla áherslu á góða þjónustu.
Ég er fullviss um að það hefur fleytt
okkur áfram og viðskiptavinirnir
kunna að meta það. Þú getur verið
með góðan hugbúnað en ef þjónust-
an er léleg þá verður upplifun not-
endans í takt við það. Þar munum
við ekki slaka á þrátt fyrir meiri
umsvif.
Hvernig stjórnunarstíl hefurðu
tileinkað þér?
Ætli það megi ekki segja að hann
sé mjög afslappaður og innan Godo
ríkir frekar flatt skipurit og frjálsleg
stemmning. Við höfum lagt áherslu
á sjálfstæði starfsmanna, sveigjan-
leika, að fólk fái tækifæri til að koma
sínum hugmyndum á framfæri og
að innan hópsins ríki traust.
Það hefur alltaf verið mér mjög
mikilvægt að starfsandinn sé góður
og að fólki líði vel í vinnunni. Það
má og á að vera gaman í vinnunni
þó dagarnir séu vissulega mis-
jafnir. Ánægður starfsmaður skilar
góðu verki og góðri þjónustu og ég
er viss um að við þrífumst öll best í
jákvæðu starfsumhverfi.
Ef þú þyrfti að velja annan starfs-
frama, hvað yrði fyrir valinu?
Mjög erfið spurning þar sem að
ég sé mig hvergi annars staðar en
þar sem ég akkúrat núna, en ætli
ég myndi ekki fara enn meira í
mannauðsmál. Fólk vekur áhuga
minn því það er svo margbreyti-
legt að upplagi og uppruna sem ég
hef gaman að. Þeir sem vinna að
mannauðsmálum verða að vera
næmir á fólk, getu þess í starfi og
einnig vandamál sem allir glíma
við. Nú, eða kannski myndi ég bara
snúa mér aftur að tannsmíðinni og
rifja upp gamla takta þar.
Úr tannsmíðum í hugbúnaðarlausnir
Nú er mikilvægt að
Ísland skapi sterka
markaðsstöðu og að ferða-
þjónustufyrirtæki séu vel
undirbúin þegar heimurinn
fer að ferðast á ný.
Katrín Magnúsdóttir segist hafa áhuga á flestu sem hleypir adrenalíninu af stað. FRÉTTABLAÐIÐ/ANTON BRINK
Svipmynd
Katrín Magnúsdóttir
100% rafmagn
nú í langtímaleigu
Kynntu þér kosti langtímaleigu á
sixtlangtímaleiga.is – hafðu samband
við viðskiptastjóra Sixt í síma 540 2222
eða á vidskiptastjori@sixt.is
Verð á Ampera-e Premium:
119.900 kr. mán.
Innifalið í langtímaleigu:
Þjónustuskoðanir
Tryggingar og gjöld
Hefðbundið viðhald
Dekk og dekkjaskipti sixtlangtímaleiga.is
423 km. drægni samkvæmt WLTP staðli
1 0 . J Ú N Í 2 0 2 0 M I Ð V I K U D A G U R10 MARKAÐURINN