Fréttablaðið - 10.06.2020, Blaðsíða 52

Tó n l i s t a r m a ð u r i n n Ásgeir gaf út sína þriðju breiðskífu, Sátt, í febrúar og ætlaði hann að verja mestum hluta ársins á tónleika-
ferðalögum erlendis við að kynna
plötuna. Árið hófst með mánaðar-
löngu tónleikaferðalagi um Evrópu
í febrúar og þaðan var haldið til
Bandaríkjanna í byrjun mars þar
sem einnig var fram undan mán-
aðarlangt tónleikaferðalag.
Þegar um vika var liðin af túrnum
um Bandaríkin var kórónaveiran
farin að láta verulega á sér kræla þar
í landi, sem og í Evrópu, og að vand-
lega athuguðu máli var ákveðið að
aflýsa tónleikaferðalaginu og halda
heim á leið. Öllum öðrum ferðum
Ásgeirs út árið var einnig frestað,
þar á meðal tónleikum í Japan, Ástr-
alíu og fyrstu tónleikum Ásgeirs á
Nýja-Sjálandi.
Ásgeir varði næstu vikum hér
heima þar sem hann lék fyrir aðdá-
endur sína á streymistónleikum,
t.d. á vegum Rough Trade í New
York, ARTE, evrópsku menningar-
sjónvarpsstöðvarinnar og Hljóma-
hallarinnar í Reykjanesbæ.
Ekki er útlit fyrir að Ásgeir spili
utan landsteinanna fyrr en í fyrsta
lagi á næsta ári en tónlistin og
þörfin fyrir að leika fyrir annað fólk
kallar og því hefur Ásgeir ákveðið
að fara í tónleikaferð um Ísland í
júlí, þar sem hann leikur á 13 tón-
leikum á 17 dögum.
„Ég hef haft það alveg ágætt í
þessu ástandi. Planið fyrir árið gjör-
breyttist náttúrlega en það tók bara
annað við. Ég hef verið að nýta tím-
ann í að semja og taka upp og svo
er ég búinn að vera að hlaupa mikið
líka, Netflix er búið að vera góður
vinur en ég byrjaði líka að læra
þýsku og breytti aðeins til heima,“
segir Ásgeir.
Hann segir að það kalli á sig að
spila fyrir annað fólk og hlakkar til
að kíkja í kaffi til landsmanna. „Ég
held að þetta verði bara dásamlegt.
Bæði verður gaman að spila og hitta
alls kyns fólk en líka að geta keyrt
þetta í rólegheitunum og skoðað
landið í leiðinni. Ég hlakka mikið
til.“
Hann bætir við að að hann taki
aðeins meira með sér en gítarinn
í ferðalagið. Ljós og hljóðkerfi
og önnur hljóðfæri f ljóta með og
mögulega detta inn gestaspilarar.
„Við erum fljótlega að fara að byrja
að æfa fyrir túrinn og þá kemur
betur í ljós hvernig þetta verður
nákvæmlega.“
benediktboas@frettabladid.is
Hveragerði og Hrísey
í stað Sydney og Tókíó
Ásgeir ætlaði að vera á ferð og flugi úti um allan heim þetta árið til
að kynna nýja plötu. Kórónaveiran varð til þess að hann þurfti að
snúa heim frá Bandaríkjunum og aflýsa öllum tónleikum ársins.
Reynslan að
ferðast um
landið, njóta ís-
lenska sumars-
ins og leika fyrir
samlandana var
svo góð að Ás-
geir vildi ólmur
grípa tækifærið
og endurtaka
leikinn.
Fyrir tveimur árum fór Ásgeir í sams konar tónleikaferðalag. Þá prufukeyrði hann lög af plötu sem nú er komin út.
Ásgeir hefur ekki setið auðum höndum í heimsfaraldrinum. Hann byrjaði
að læra þýsku, breytti aðeins til heima hjá sér og skoðaði íslenska náttúru.
Tónleikar Ásgeirs í júlí
10. Bæjarbíó, Hafnarfirði
11. Skyrgerðin, Hveragerði
12. Miðgarður, Hvolsvelli
15. Havarí, Berufirði
16. Seyðisfjarðarkirkja
17. Kaffi Rauðka, Siglufirði
18. Sæborg, Hrísey
19. Græni hatturinn, Akureyri
22. Félagsheimilið Hvammstanga
23. Sauðárkrókskirkja
24. Hótel Laugarhóll, Bjarnarfirði
25. Edinborgarhúsið, Ísafirði
26. Frystiklefinn, Rifi
1 0 . J Ú N Í 2 0 2 0 M I Ð V I K U D A G U R24 L Í F I Ð ∙ F R É T T A B L A Ð I Ð
LÍFIÐ