Fréttablaðið - 30.07.2020, Qupperneq 20

Fimmti áratugurinn með til-heyrandi hnésíðum kjólum og pilsum verður fyrir-
ferðarmikill með haustinu. Margir
helstu tískuhönnuðir heimsins
boða dragtir, jafnt pils- sem
buxnadragtir og fallega, kvenlega,
hnésíða kjóla. Michael Kors, Prada,
Dior, Valentino, Givenchy og Saint
Lauren sýndu slíkan fatnað fyrir
haust- og vetrartískuna 2020-2021.
Tískan verður kvenleg og konur
geta farið að nota aftur hanska
sem ná upp að olnboga. Tískan
eftir stríðsárin á fimmta og í upp-
hafi sjötta áratugar er það sem
hönnuðirnir horfa til.
Tískan verður elegant og stíl-
hrein. Efnin vönduð og sniðin
falleg. Tískan höfðar til flestra
kvenna enda eru buxnadragtir
þægilegur fatnaður og praktískur.
Það má segja að nokkurs konar
stríð sé í gangi í heiminum, stríð
við COVID-19. Fólk bíður eftir betri
tíð, alveg eins og það gerði í stríðs-
lok seinni heimsstyrjaldarinnar. Á
meðan karlmennirnir voru á víg-
vellinum fóru konur í stórum stíl
út á vinnumarkaðinn, en við það
breyttist klæðnaður þeirra töluvert
og ný efni eins og viskós og jersey
urðu til í staðinn fyrir silki og ull,
sem voru dýr klæði. Ullin var þar
að auki notuð í hermannafatnað og
silki í fallhlífar.
Hvað sem því líður er gaman að
skoða myndir af þeirri tísku sem
mun birtast okkur í haust og til
samanburðar að kíkja á gamlar
myndir af Hollywoodstjörnunni
Katharine Hepburn sem var fædd
árið 1907 og lék í mörgum frægum
kvikmyndum.
Horft til baka í hausttískunni
Sumarið er fljótt að líða og bráðum verður komið haust með tilheyrandi hausttísku. Fimmti ára-
tugurinn snýr aftur með haustinu að minnsta kosti hvað tískuna áhrærir samkvæmt hönnuðum.
Buxnadragt frá Dior sem verður áberandi í
hausttískunni. Buxurnar eru víðar. Dragtin
var sýnd á tískuviku í París í lok febrúar,
stuttu áður en allt lokaði vegna COVID-19.
MYNDIR/GETTY
Katharine Hepburn í buxnadragt í kringum 1950. Dragtin er
ekki ósvipuð þeim sem koma á markað í haust. Þessi glæsilega
Hollywoodstjarna kom oft fram í tímaritum og hafði mikil áhrif á
kventískuna á sínum tíma, þegar hún var að breytast mjög mikið.
Pilsdragt frá Dior sem kynnt var
á tískuviku í París fyrir haust-og
vetrartískuna 2020-2021.
Katharine Hepburn árið 1955.
Þarna er hún í hnésíðum, köflóttum
kjól en marga líka þessum má sjá í
hausttískunni fram undan.
Þessi fallega og kvenlega dragt er
frá Altuzarra fyrir 2020-2021.
Glæsileg og kvenleg dragt frá Mic-
hael Kors fyrir haustið. Pilsin síkka.
Önnur dragt frá Michael Kors fyrir
haustið og veturinn, mjög flott snið.
Elín
Albertsdóttir
elin@frettabladid.is
4 KYNNINGARBLAÐ FÓLK 3 0 . J Ú L Í 2 0 2 0 F I M MT U DAG U R