Fréttablaðið - 06.08.2020, Side 11

Á Ströndum er aragrúi spennandi fjallstinda sem margir bera óvenjuleg nöfn eins og Glyssa, Örkin, Bursta fjall og Pottfjall. Nafngiftin á hæsta fjalli Stranda, Lambatindur (854 m), er ekki jafn frumleg og varla lýsandi fyrir tind
sem helst minnir á risapíramída, sérstaklega séður
frá Gjögri og Veiðileysufirði. Það er aðeins suðaust-
urhliðin sem ekki er snarbrött og gengur frá henni
hryggur sem hægt er að þræða upp á tindinn. Síðasti
hluti göngunnar er töluvert klöngur og Lamba tindur
því alls ekkert lamb að leika sér við. Vant göngu-
fólk ætti þó að ráða við þessa dagslöngu göngu og
á sumrin þarf ekki jöklabúnað. Lagt er til atlögu úr
Veiðileysufirði en þangað er 65 kílómetra keyrsla
frá Hólmavík. Bílum er lagt austan megin Seljaár og
síðan gengið með fram ánni suður Seljadal. Í Seljá
eru fallegir fossar sem gaman er að skoða, en innar
tekur grjót við af gróðri. Er þá sveigt til austurs inn
svokallaðan Þverdal fyrir suðurhlíðar Lambatinds.
Í botni hans eru stöllóttar brekkur sem leiða upp á
fjallið Skræling og er gengið af honum eftir áður-
nefndum hrygg, upp á Lambatind. Oft eru skaflar
efst sem auðvelda gönguna en annars er undirlagið
bæði stórgrýtt og laust í sér.
Af tindinum sést ofan í nálæga jökulskorna dali,
en einnig sést vel í Reykjafjarðarkamb vestur af
Gjögri, Drangajökul og jafnvel Hornbjarg. Í austur
blasa síðan Kaldbakshorn og Húnaflói við. Þarna
hefði sennilega verið stúkusæti yfir Flóabardaga
sem háður var 25. júní árið 1244. Þar börðust
Sturlungurinn Þórður kakali Sighvatsson með
vestfirskan liðsafnað og sex hundruð Ásbirningar,
undir stjórn Kolbeins unga Arnórssonar, sem var
þrefalt fjölmennari her en Þórðar. Þrátt fyrir liðs-
muninn tókst Þórði kakala að verjast ofureflinu
framan af, en valdi síðan að flýja á land á Ströndum.
Tókst Kolbeini unga ekki að ná í skottið á Þórði en
fór í staðinn ránshendi um Strandir. Kolbeinn lést
ári síðar og stuttu síðar náði Þórður kakali fram
hefndum og sigraði Ásbirninga í einum
mannskæðasta bardaga Íslandssögunnar,
á Dalsáreyrum í Skagafirði. Að lokinni
upprifjun á Flóabardaga er haldið niður
sömu leið, en í Norðurfirði bíður heit
Krossneslaug í f læðarmálinu.
Fjallalamb á
Ströndum
Lambatindur er með fallegri tindum landsins, enda píramídalaga. Í forgrunni sjást Seljadalur og Þverdalur en í baksýn Húnaflói. MYNDIR/TG
Af Lambatindi
er gríðarlegt
útsýni en víða
blasa snar-
brattir kletta-
veggir við.
Lambatindur séður úr Seljadal en í Seljá er fjöldi fallegra fossa.
Tómas
Guðbjartsson
hjartaskurð-
læknir og
náttúruunnandi
og Ólafur Már
Björnsson
augnlæknir og
ljósmyndari
F R É T T I R ∙ F R É T T A B L A Ð I Ð 11F I M M T U D A G U R 6 . Á G Ú S T 2 0 2 0