Fréttablaðið - 06.08.2020, Side 14

KÖRFUBOLTI „Þetta eru ekki aðeins
frábær tíðindi fyrir Val heldur einn-
ig íslenskan körfubolta að fá að
njóta Jóns í eitt ár hið minnsta í við-
bót,“ sagði Svali Björgvinsson, for-
maður körfuboltadeildar Vals, um
leið og hann handsalaði samning
við Jón Arnór Stefánsson.
Jón þarf vart að kynna. Hann
er einn besti körfuboltamaður
sem Ísland hefur alið og var val-
inn íþróttamaður ársins árið 2014.
Hann hefur orðið Íslandsmeist-
ari fimm sinnum og einu sinni
bikarmeistari með KR. Á löngum
atvinnumannsferli vann hann Evr-
ópudeildina með rússneska liðinu
Dynamo St. Pétursborg og á Ítalíu
vann hann bikarmeistaratitil með
Napoli. Samkvæmt vefsíðu KKÍ
spilaði hann 459 leiki í atvinnu-
mennsku og skoraði 7,2 stig að
meðaltali í leik.
„Þegar svona ákvörðun er tekin
þá kvíðir maður svolítið fyrir aðeins
áður, en þegar hún hefur verið
tekin þá er þetta eins og þetta á að
vera,“ segir Jón Arnór. Ákvörðunin
að taka slaginn með Val fæddist í
sumar þegar Jón og einn af bestu
vinum hans, Pavel Ermolinskij,
tóku nokkrar æfingar í sumar. Í
ræðu Svala sagði að þá hefðu menn
farið að ræða saman og athugað
áhugann.
Hefur saknað bæði Finns og
Pavels og finnur þá í Val
„Ég tók mér góða pásu eftir tíma-
bilið og fór svo aðeins að skjóta
með Pavel. Þá fann ég að mig lang-
aði að spila. Ég spurði sjálfan mig
hvort ég væri tilbúinn að stoppa og
þetta kæmi aldrei aftur. Ég var ekki
tilbúinn til þess,“ segir Jón. Hann
segir að skrokkurinn sé enn í góðu
standi og hann geti varla beðið eftir
að byrja að æfa á nýjum stað en Jón
hefur verið alla sína tíð í KR.
„Það erfiðasta við þessa ákvörð-
un var að ímynda sér hvað fólk
myndi segja. Um leið og ég náði að
losna við þá hugsun, að ég væri að
gera þetta fyrir sjálfan mig og væri
ekki að gera það sem fólk ætlast til
af mér, þá var ég sáttur. Ég er ekkert
hræddur við umræðuna. Ég ætla
að njóta þess að spila og fá nýja
áskorun.
Ég er að fara að spila fyrir Finn
sem ég hef saknað mikið og við
höfum unnið saman með lands-
liðinu og KR. Ég elska líka að spila
með Pavel. Þetta er ekkert galin
ákvörðun þegar hún er skoðuð.
Það eru kynslóðaskipti í KR og
það er að þróast í rétta átt. Ég sá ekki
sjálfan mig í þeirri mynd núna. Ég
Hvalreki fyrir Val og körfuboltann
Jón Arnór Stefánsson, einn besti körfuboltamaður Íslands, samdi við Valsmenn í gær. Hann segir að skrokkurinn sé í góðu lagi og
hann útiloki það sem annað fólk segi um félagaskiptin. Finnur Freyr Stefánsson, þjálfari Vals, fagnar komu hans á Hlíðarenda.
Jón Arnór kominn í rauðan Valsbúning. Hér ásamt guttanum sínum Guðmundi Nóel sem mætti í Dallas-treyju merktri Luca Doncic. FRÉTTABLAÐIÐ/EYÞÓR
Meistaraflokksferill
2000–2002 KR
2002–2003 TBB Trier
2004–2005 Dynamo St. Petersburg
2005–2006 Carpisa Napoli
2006–2007 Pamesa Valencia
2007–2008 Lottomatica Roma
2008–2009 KR
2009 Benetton Treviso
2009–2011 CB Granada
2011–2014 CAI Zaragoza
2014–2015 Unicaja
2015–2016 Valencia
2016–2020 KR
2020– Valur
Landsliðsferill
2000– Ísland
✿ Jón Arnór Stefánsson
FÓTBOLTI Heildarvelta í veðmálum
hjá Coolbet um íslenska fótboltann
var nærri 300 milljónir króna frá 12.
júní og fram að COVID-hléi númer
tvö. Um 87 milljónir runnu á leiki
í efstu deild en fjórða deildin er
næststærst og fær 54 milljónir, sem
er tvisvar sinnum meira en fyrsta,
önnur og þriðja deild.
Jafn miklu er veðjað á leiki í efstu
deild kvenna og þriðju deild karla,
eða 21 milljón.
Kórdrengir, sem eru í öðru sæti 2.
deildarinnar, eiga tvo af sex vinsæl-
ustu leikjunum á vefsíðunni. Annars
vegar var bikarleikur liðsins gegn
Hamri vinsælasti bikarleikurinn og
hins vegar var vinsælasti leikurinn
í 2. deildinni útileikur liðsins gegn
Kára sem endaði 0-0 í Akraneshöll-
inni.
Vinsælasti leikurinn í efstu deild
var viðureign Breiðabliks og Gróttu
strax í fyrstu umferð en Íslendingar
fóru snemma af stað og voru önnur
af tveimur deildum í gangi þegar sá
leikur fór fram. Hin deildin var í Fær-
eyjum. Vinsælasti kvennaleikurinn
var viðureign Vals og Fylkis sem end-
aði með sigri Íslandsmeistaranna.
Vinsælasti leikurinn í beinni
útsendingu var viðureign Stjörn-
unnar og Fylkis í efstu deild karla.
Viðureign Kórdrengja og Skaga-
manna í bikarnum sló í gegn og
téður leikur Kórdrengja gegn Kára
var einnig sá vinsælasti í annarri
deildinni. Vinsælustu viðureignir í
kvennaboltanum var annars vegar
Stjörnunnar og KR í efstu deild og
hins vegar Hauka og Fjarðabyggðar
í bikarkeppninni.
Þorsteinn Gunnarsson, stjórnar-
maður KSÍ og núverandi borgar-
ritari, bendir á málið á fésbókar-
síðu sinni og segir áhugavert hvað
sé mikið veðjað á fjórðu deild. Einn
helsti sérfræðingur landsins um
neðri deildirnar, Magnús Valur
Böðvarsson, bendir á í athuga-
semdakerfi Þorsteins að hann hafi
nokkrum sinnum misst hökuna í
gólfið yfir úrslitum í fjórðu deild-
inni. – bb
Fjórða deildin á Íslandi mjög vinsæl í veðmálum
Mikið er veðjað á leiki Kórdrengja samkvæmt upplýsingum Coolbet. Hér í
fyrsta æfingaleik tímabilsins gegn Leiknismönnum. FRÉTTABLAÐIÐ/ERNIR
er búinn vera lengi og gera allt sem
mig langaði að gera og vinna allt.
Elska allt fólkið en það var bara
kominn tími á eitthvað nýtt.“
Verðum með gott lið
Hann segir að kappið megi ekki
bera fegurðina ofurliði nú þegar
hann er kominn í Val frá KR sem er
auðvitað stórveldi í körfuboltanum
eftir titlana undanfarin ár. „Mig
langar að vera upptekinn af því að
spila en ekki endilega að vinna. Ég
hef alveg brennt mig á því og prjón-
að yfir mig í því. Það er auðvelt að
gera það.
Ég er að koma í nýtt umhverfi,
Valur er ekki með 12 manna lands-
liðshóp og við verðum bara að tala
hreina íslensku hvað það varðar.
Við setjum okkur markmið hægt
og rólega. Við verðum með gott lið
og munum keppa við hin liðin og
frábæran mann í brúnni.
Það á eftir að finna nokkur púsl
en það er of snemmt að setja okkur
markmið. Það er ekki í umræðunni
núna.“
Finnur Freyr Stefánsson, þjálfari
Vals, segir það mikið fagnaðarefni
að Jón Arnór sé tilbúinn að taka
slaginn með Val. „Þær mínútur sem
hann mun spila, sem verða margar,
mun hann gefa liðinu helling. Ekki
síst á æfingagólfinu. Fyrir stráka
sem eru hérna fyrir þá er margt
hægt að læra af honum.“
benediktboas@frettabladid.is
Það erfiðasta við
þessa ákvörðun var
að ímynda sér hvað fólk
myndi segja. Um leið og ég
náði að losna við þá hugsun,
að ég væri að gera þetta fyrir
sjálfan mig og væri ekki að
gera það sem fólk ætlast til
af mér, þá var ég sáttur.
Jón Arnór Stefánsson
6 . Á G Ú S T 2 0 2 0 F I M M T U D A G U R14 S P O R T ∙ F R É T T A B L A Ð I Ð
SPORT