Morgunblaðið - 22.01.2020, Blaðsíða 22

22 MINNINGAR
MORGUNBLAÐIÐ MIÐVIKUDAGUR 22. JANÚAR 2020
Raðauglýsingar
Félagsstarf eldri borgara
Aflagrandi 40 Opin vinnustofa kl. 9.30-12.30, nóg pláss. Hreyfisalur-
inn er opinn milli kl. 9.30-11.30, líkamsræktartæki, lóð og teygjur.
Söngstund við píanóið með Helgu kl. 13.45. Kaffi kl. 14.30-15. Bóka-
spjall með Hrafni kl. 15. Nánari upplýsingar í síma 411-2702. Velkomin.
Árbæjarkirkja Kyrrðarstund í kirkjunni kl. 12 og léttur hádegisverður
á eftir gegn vægu gjaldi. Opið hús, félagsstarf fullorðinna, í safnaðar-
heimili kirkjunnar kl. 13 til 16. Að venju er boðið upp á stólaleikfimi en
jafnframt kemur Brynja Baldursdóttir í heimsókn og ræðir við okkur
um tilurð Íslendingasagna. Kaffi og með því á eftir í boði kirkjunnar.
Allir velkomnir
Árskógar Opin handavinnustofa kl. 9-12. Opin smíðastofa kl. 9-15.
Stóladans með Þóreyju kl. 10. Spænskukennsla kl. 10.45-11.30. Brids
kl. 12. Bónusbíllinn fer frá Árskógum 6-8 kl. 12.55. Innipútt Skógar-
manna kl. 13-14. Opið hús, t.d. vist og brids eða bíó. kl. 13-16.
Hádegismatur kl. 11.40-12.50. Kaffisala kl. 14.45-15.30. Heitt á könn-
unni. Allir velkomnir. S. 535-2700.
Boðinn Handavinna kl. 9-13.30. Bónusrútan kl. 13. Harmonikkuspil og
söngur kl. 13.30. Vatnsleikfimi kl. 14.30.
Bólstaðarhlíð 43 Opin handverksstofa kl. 9-16. Morgunkaffi kl. 10-
10.30. Slökun með Rás 1 kl. 9.45. Námskeið í tálgun kl. 9.30-12. Spila-
dagur, frjáls spilamennska kl. 12.30-15.50. Opið kaffihús 14.30-15.15.
Breiðholtskirkja Kyrrðarstund kl. 12, hádegisverður kl. 12.45,
félagsstarf kl. 13.45.
Bústaðakirkja Félagsstarfið á sínum stað kl. 13. Bókaumfjöllun og
myndasýning. Kaffið góða frá Sigurbjörgu og prestur verður með
hugleiðingu og bæn. Spil og handavinna eins og vant er. Hlökkum til
að sjá ykkur sem flest. Stundin er í umsjá Hólmfríðar djákna.
Dalbraut 18-20 Handavinna í vinnustofu.
Dalbraut 27 Bænastund í bókastofu. Botsía í parketsal. Bingó í
bókastofu.
Félagsmiðstöðin Hæðargarði 31 Við hringborðið kl. 8.50. Upp-
lestrarhópur Soffíu kl. 10-12. Línudans kl. 10. Hádegismatur kl. 11.30.
Salatbar kl. 11.30-12.15. Zumba kl. 13. Tálgun kl. 13.30-16. Síðdegis-
kaffi kl. 14.30. Komdu að púsla kl. 9-16. Allir velkomnir óháð aldri.
Nánari upplýsingar í síma 411-2790
Félagsmiðstöðin Vitatorgi Bókband kl. 90. Postulínsmálun kl. 9.
Minigolf kl. 10. Tölvu- og snjallsímaaðstoð kl. 10.30. Bókband kl. 13.
Myndlist kl. 13.30. Dans með Vitatorgsbandinu kl. 14. Frjáls spila-
mennska kl. 13-16.30. Hádegismatur frá kl. 11.30-12.30 alla daga vik-
unnar og kaffi frá kl. 14.30-15.30 alla virka daga. Verið öll hjartanlega
velkomin. Nánari upplýsingar í síma 411-9450.
Garðabær Gönguhópur fer frá Jónshúsi kl. 10. Brids í Jónshúsi kl.
13. Vatnsleikfimi kl. 7.10/7.50/15.15. Kvennaleikfimi Ásgarði kl. 9.30.
Kvennaleikfimi Sjálandi kl. 10.30. Stólajóga í Jónshúsi kl. 11. Leir
Smiðja Kirkjuhvoli kl. 13. Zumba salur Ísafold kl. 16.15.
Gerðuberg 3-5 Opin Handavinnustofan kl. 8.30-16. Útskurður með
leiðbeinanda kl. 9-16. Qigong kl. 10-11. Leikfimi Helgu Ben kl. 11-11.30.
Útskurður / pappamódel með leiðbeinanda kl. 13-16. Félagsvist kl. 13-
16. Döff félag heyrnarlausra kl. 12.30-15. Allir velkomnir.
Gjábakki Kl. 9 handavinna, kl. 9 botsía, opinn tími, kl. 13 félagsvist,
kl. 13 postulínsmálun.
Guðríðarkirkja. Félagsstarf eldri borgara kl. 13.10. Helgistund í
kirkjunni og söngur. Hall dór Val ur Páls son fang els is stjóri á Hólms-
heiði kemur í heimsókn og segir frá starfi sínu þar. Kaffi og meðlæti
700 kr. Hlökkum til að sjá ykkur, sr. Leifur Ragnar, Hrönn og Lovísa.
Gullsmári Myndlist kl. 9, botsía kl. 9.30, gönguhópur kl. 10.30, postu-
línsmálun, kvennabrids og silfursmíði kl. 13, línudans fyrir lengra
komna kl. 16 og 17, línudans fyrir byrjendur kl. 18.
Hraunbær 105 Kaffiklúbbur og spjall, allir velkomnir í frítt kaffi kl. 9.
Útskurður og tálgun með leiðbeinanda frá kl. 9-12, 500 kr. dagurinn
og allir velkomnir. Botsía kl. 10-11. Hádegismatur kl. 11.30-12.30.
Hraunsel Ganga alla daga í Kaplakrika kl. 8-12. Línudans kl. 11, bingó
kl. 13, handverk kl. 13, Gaflarakórinnn kl. 16, pútt Hraunkoti 10-11.30.
Hvassaleiti Morgunkaffi og spjall frá kl. 8.30-10.30. Útvarpsleikfimi
kl. 9.45. Framhaldssaga kl. 10.30. Frjáls spilamennska kl. 13. Handa-
vinnuhópur kl. 13-16.
Korpúlfar Ganga kl. 10, gengið frá Borgum og í Egilshöll. Keila í
Egilshöll kl. 10. Hópsöngur undir stjórn Jóhanns Helgasonar kl. 13 í
Borgum og dansað í lok söngstundar, vonumst til að sjá ykkur sem
flest. Qigong með Þóru kl. 16.30 í Borgum.
Norðurbrún 1 Morgunkaffi kl. 8.30, trésmiðja kl. 9-12, opin lista-
smiðja, morgunleikfimi kl. 9.45, viðtalstími hjúkrunarfræðings kl.
10.30-12, upplestur kl. 11, félagsvist kl. 13.30, heimildarmyndasýning
kl. 16. Uppl. í s. 4112760.
Seltjarnarnes Gler og bræðsla kl. 9 og 13. Leir Skólabraut kl. 10.
Botsía Skólabraut kl. 10. Kaffispjall í króknum kl. 10.30. Kyrrðarstund í
kirkjunni kl. 12. Timburmenn Valhúsaskóla kl. 13. Handavinna með
leiðbeinanda kl. 13. Vatnsleikfimi í sundlauginni kl. 18.30. Munið
skráninguna í þorramatinn í kirkjunni þriðjudaginn 28. janúar kl.
12.30. Skráningarblöð í kirkjunni, Skólabraut og Eiðismýri.
Sléttuvegur 11-13 Selið á Sléttuvegi er opið frá kl. 10-16. Heitt á
könnunni frá kl. 10-11 og hægt er að líta í blöðin. Hádegismatur er frá
kl. 11.30-12.15 og panta þarf matinn daginn áður. Handavinnuhópur
hittist kl. 13. Kaffi og meðlæti er til sölu frá kl. 14.30-15.30. Allir vel-
komnir. Síminn í Selinu er 568-2586.
Stangarhylur 4 Göngu-Hrólfar ganga frá Ásgarði Stangarhyl 4 kl. 10,
kaffi og rúnnstykki eftir göngu. Söngfélag FEB kóræfing kl. 16.30,
stjórnandi Gylfi Gunnarsson.
Smáauglýsingar
Sumarhús
Sumarhús – Gestahús –
Breytingar
 Framleiðum stórglæsileg sumarhús
í ýmsum stærðum.
 Tökum að okkur stækkun og
breytingar á eldri húsum.
 Smíðum gestahús – margar
útfærslur.
 Sjáum um almennt viðhald á
sumarhúsum og sólpöllum.
 Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Vantar þig
fagmann?
FINNA.is
Ertu að leita að
STARFS-
FÓLKI?
75 til 90 þúsund
manns, 18 ára og
eldri, lesa blöð
Morgunblaðsins með
atvinnuauglýsingum
í hverri viku*
Þrjár birtingar á verði einnar
Birt í atvinnublaði
Morgunblaðsins í
aldreifingu á fimmtudögum
Birt í atvinnublaði
Morgunblaðsins á laugardegi.
Birt á mbl.is
Sölufulltrúi Richard Richardsson,
atvinna@mbl.is, 569 1391
* samkvæmt Gallup jan.-mars 2019
Hver skilur lífsins hulda
heljardóm
er haustsins nepja deyðir fegurst blóm,
að báturinn sem berst um reiðan sjá
brotna fyrst í lendingunni má.
Að einn má hlýða á óma af gleðisöng,
annar sorgarinnar líkaböng.
(Guðrún Jóhannsdóttir)
Ein af okkar traustu systrum í
Soroptimistaklúbbi Akraness er
fallin frá eftir harða en stutta bar-
áttu við krabbamein. Ósk kom í
klúbbinn okkar 2. febrúar 2007 og
var hún fljótlega valin til embætt-
isverka innan klúbbsins, sem rit-
ari, verkefnastjóri, fulltrúi og nú
síðast innan landssambandsins
sem 2. varaforseti og var þar á
sínu öðru ári er hún lést. Hún tók
virkan þátt í öllum verkefnum
með jákvæðu hugarfari, var dug-
leg að mæta á hina ýmsu viðburði
innan klúbbsins og samtakanna
og nutum við góðrar nærveru
hennar á þessum stundum.
Það er okkur systrum dýrmætt
að hafa hlustað á hana síðastliðið
haust segja frá uppruna sínum og
lífshlaupi og var frásögn hennar
lifandi og stórskemmtileg.
Hún hafði meðal annars lokið
prófi sem loftskeytamaður og
stundað sjósókn á fiskiskipi.
Hún bjó yfir miklum viljastyrk
og lífsorku. Ósk elskaði fjölskyldu
sína ofar öllu, eiginmann, dreng-
ina sína, tengdadætur og ekki má
gleyma gullmolunum hennar,
barnabörnunum tveim.
Við söknum Óskar og þökkum
fyrir að hafa notið starfskrafta
hennar og góðrar vináttu og vott-
um fjölskyldu hennar innilega
samúð.
F.h. Soroptimistaklúbbs Akra-
ness,
Aðalheiður Ása Jónsdóttir,
Ingveldur Sverrisdóttir,
Lilja Guðlaugsdóttir.
Mig langar að minnast minnar
góðu mágkonu, Óskar Bergþórs-
dóttur, með nokkrum orðum. Mín
fyrstu kynni af Ósk voru á Akra-
nesi á heimili verðandi tengdafor-
eldra minna á Skólabraut 31 vorið
1965. Ég var þá búin að kynnast
bróður hennar og mínum verðandi
eiginmanni, Guðjóni. Hún kom til
mín og bauðst til að laga á mér
hárið. Þetta var hennar aðferð til
að sýna vinsemd og áhuga á því að
kynnast mér. Með okkur tókst þá
mjög góð vinátta sem aldrei bar
skugga á. Ósk fór sautján ára
gömul til náms í Húsmæðraskól-
anum á Ísafirði stuttu seinna og
kom þá stundum á heimili foreldra
minna í Fjarðarstræti 7 á Ísafirði.
Ósk var yfirleitt hress í viðmóti,
glaðleg og dugleg við allt sem hún
tók sér fyrir hendur og góður
kokkur. Eftir að Ósk kom heim af
húsmæðraskólanum vorið 1965
réð Guðjón skipstjóri hana um
borð í Sigurfara AK-95 sem kokk
og stóð hún sig mjög vel á síldveið-
unum við Jan Mayen á 100 tonna
báti og með litla aðstöðu um borð.
Nokkru seinna fór hún til Dan-
merkur og vann á hóteli og líkaði
vel. Hún var mjög dugleg að skrifa
okkur sem heima vorum og sagði
frá lífinu úti í Danmörku. Hún
hafði góða frásagnargáfu og var
alltaf gaman að heyra hana segja
frá því þegar hún var á sjónum
ásamt manninum mínum, Guð-
jóni, á síldveiðum. Það var ætíð
gaman þegar Ósk kom í heimsókn
á heimilið mitt því frá henni staf-
aði mikill kraftur og gleði. Við sem
þekktum hana tókum eftir því.
Ósk Gabríella
Bergþórsdóttir
✝ Ósk GabríellaBergþórsdóttir
fæddist á Akranesi
1. september 1948.
Hún lést 11. janúar
2020.
Útför Óskar
Gabríellu fór fram
20. janúar 2020.
Hún var lánsöm í líf-
inu því hún eignaðist
góðan mann og þrjá
syni sem hún var
mjög stolt af og tvö
barnabörn síðar.
Fyrstu búskaparár-
in bjuggu þau Óli
Jón í Reykjavík og á
Akureyri. Þau fluttu
síðar í Borgarnes og
bjuggu þar í mörg
ár. Í Borgarnesi
vann hún utan heimilis í Skalla-
grímsgarði og einnig kenndi hún
matreiðslu við grunnskólanum í
bænum með góðum árangri. Ósk
var einstaklega hjálpleg og góð.
Ef einhver þurfti aðstoð var hún
alltaf fljót að bjóða fram sína að-
stoð. Í nokkur ár bjó fjölskyldan í
Stykkishólmi, þar sem Óli Jón var
bæjarstjóri og undi hag sínum vel.
Þar eignuðust þau góða vini og
keyptu sér lítið hús sem þau gerðu
mjög fallegt og þar kom myndar-
skapur þeirra hjóna vel í ljós. Ósk
var félagslynd og starfaði í Lions-
klúbbnum og undafarin ár með
Soroptimistum á Akranesi. Hún
var okkur öllum í fjölskyldunni
mjög góð og fyrir það erum við
þakklát. Við vorum ætíð í góðu
sambandi og hringdum oft hvor til
annarrar. Fjölskyldan hennar
Óskar var eins samhent og hægt
er. Eftir að fjölskyldan flutti á
Akranes var gott að koma í heim-
sókn og alltaf tók Ósk á móti okk-
ur með bros á vör og fallega heim-
ilið þeirra stóð öllum opið sem
þangað komu. Við sem eftir lifum
eigum góðar minningar um góða
konu sem hvorki mölur né ryð fær
grandað. Ég bið góðan guð að
styrkja Óla Jón, Bergþór, Jóhann
Gunnar og Rúnar í þeirra miklu
sorg. Að lokum vil ég kveðja með
erindi eftir móðurömmu mína
Guðrúnu Halldórsdóttur.
Þegar húmar og hallar að degi
heimur hverfur og eilífðin rís.
Sjáumst aftur á sólfögrum ströndum
þar sem sælan er ástvinum vís.
(Guðrún Halldórsdóttir.)
Salóme Guðmundsdóttir.
Á kveðjustund þökkum við
góðri Soroptimistasystur sam-
fylgdina með ljóði Vigdísar Ein-
arsdóttur:
Við leggjum blómsveig á beðinn þinn
og blessum þær liðnu stundir
er lífið fagurt lék um sinn
og ljúfir vinanna fundir
en sorgin með tregatár á kinn
hún tekur í hjartans undir.
Við þökkum samfylgd á lífsins leið
þar lýsandi stjörnur skína
og birtan himneska björt og heið
hún boðar náðina sína
en Alfaðir blessar hvert ævinnar skeið
og að eilífu minningu þína.
Það var okkur þungbært að
frétta að Ósk G. Bergþórsdóttir,
annar varaforseti Landssam-
bands Soroptimista, væri látin eft-
ir afar stutta sjúkrahúslegu. Hún
hafði kennt sér meins en ekki
grunaði okkur hve alvarlegt það
væri, því alltaf bar hún sig vel.
Ósk var alla tíð mjög virk, bæði
innan síns klúbbs á Akranesi og
nú í stjórn Landssambands
Soroptimista. Hún var sterk fé-
lagsvera og hafði mikla ábyrgðar-
tilfinningu. Nærvera hennar ein-
kenndist af háttvísi, einlægri hlýju
og leiftrandi húmor. Hún vildi
horfa fram á við og var full til-
hlökkunar að takast á við verkefni
þau sem biðu handan við hornið.
Við munum vinna þau í hennar
anda.
Við minnumst hennar, söknum
og þökkum henni samstarfið.
Hugur okkar er með þeim sem
stóðu henni næst.
Með innilegri samúð,
Ingibjörg Jónasdóttir,
forseti Soroptimista-
sambands Íslands.