Morgunblaðið - 22.01.2020, Blaðsíða 26

EM 2020
Kristján Jónsson
kris@mbl.is
Ekki tókst Íslendingum að stöðva
Norðmenn á EM karla í handknatt-
leik þegar liðin mættust í milliriðli II í
Malmö í gær. Noregur sigraði 31:28
og hefur liðið þá unnið alla sex leiki
sína á mótinu. Norska liðið er komið í
undanúrslit í fjórða skipti á síðustu
fimm stórmótum.
Möguleiki Íslands á að ná inn í
undankeppni Ólympíuleikanna er svo
gott sem úr sögunni. Síðasta
hálmstráið væri ef Slóvenía eða Ung-
verjaland fer alla leið og verður Evr-
ópumeistari en ljóst er að Ísland
hafnar alla vega fyrir neðan þessar
þjóðir í milliriðlinum. Ísland tapaði
innbyrðisviðureign gegn báðum þess-
um þjóðum.
Norðmönnum hefur gengið illa
gegn Íslendingum á stórmótum en
voru eldsnöggir að hrista af sér takið
sem Íslendingar hafa haft á þeim síð-
asta áratuginn. Þeir komust í 7:0 og
fyrsta mark Íslands kom ekki fyrr en
eftir liðlega níu mínútna leika. Lands-
liðsþjálfarinn Guðmundur Guð-
mundsson sagði í viðtölum að leikn-
um loknum að „byrjunin í leiknum
hefði verið þeim til skammar.“ Gefur
sú skoðun þjálfarans ef til vill best til
kynna hversu slakt íslenska liðið var í
vörn og sókn á upphafskaflanum.
Norðmenn voru miklu öflugri í
bæði vörn og sókn til að byrja með.
Sóknir íslenska liðsins voru hægar og
þar af leiðandi gekk ekkert að opna
vörn Noregs. Enduðu sóknirnar með
því að reynt var að troða boltanum
inn á línuna eða skotið var fyrir utan
punktalínu í millihæð á hinn snjalla
markvörð Norðmanna: Torbjörn
Bergerud. Nokkuð sem má einmitt
ekki gerast gegn liði eins og Noregi
sem getur keyrt hratt fram og skorað
mörg mörk á skömmum tíma. Ef Ís-
landi tókst hins vegar að stilla upp í
vörn þá tóku Norðmenn sér aftur á
móti góðan tíma í sóknaraðgerðir sín-
ar og reyndi þá á þolinmæði okkar
manna í vörninni.
7:0 fyrir Noreg
Að loknum fyrri hálfleik var staðan
19:12 fyrir Noreg og höfðu liðin því
skorað sitt hvor tólf mörkin eftir 7:0
upphafskaflann. „Þetta var full
rausnarleg forgjöf,“ sagði samstarfs-
maður minn á þeim tímapunkti. Aldr-
ei virðist vera hægt að sjá fyrir
hverju íslenska landsliðið tekur upp á
í leikjum á stórmótum. En yfirleitt
má treysta því að menn játi sig ekki
sigraða fyrr en flautað er af. Jafnvel
þótt illa gangi.
Íslendingar léku mun betur í síðari
hálfleik. Yngstu mennirnir í liðinu,
Viktor Gísli Hallgrímsson og Haukur
Þrastarson, léku um þrjá fjórðu hluta
leiksins og stóðu sig fyrir sínu. Viktor
varði frábærlega í upphafi síðari hálf-
leiks og kveikti von um að Ísland gæti
mögulega unnið muninn upp. Þegar
korter var liðið af leiknum kom
Haukur inn á miðjuna með Ólaf Guð-
munds og Viggó sitt hvorum megin
við sig. Léku þeir fyrir utan í sókninni
það sem eftir lifði leiks að lang-
stærstu leyti. Ólafur þrumaði knett-
inum nokkrum sinnum í netið fyrir
utan punktalínu og var bestur ís-
lensku útileikmannanna en Viktor
var valinn maður leiksins af móts-
höldurum. Í síðari hálfleik var vörnin
einnig miklu betri en í þeim fyrri en
þar stóðu Elvar Örn og Ýmir vaktina
sem fyrr.
Þrátt fyrir góðan vilja tókst ís-
lenska liðinu ekki að hleypa mikilli
spennu í leikinn því munurinn varð
aldrei minni en þrjú mörk. Alla vega
ekki svo mikilli að Norðmenn gætu
farið á taugum. En Íslendingar fengu
tækifæri til að minnka muninn niður í
tvö mörk þegar tíu mínútur voru
eftir. Vitaskuld hefði slík staða getað
orðið áhugaverð.
Leikið gegn Svíum í dag
Norðmenn eru fullir sjálfstrausts á
sinni sigurgöngu og það síðasta sem
mátti gerast var að þeir fengju óska-
byrjun í þessum leik. Sú varð því mið-
ur raunin og þeir hafa landað sigrum
gegn bæði Svíum og Íslendingum í
síðustu leikjum með því að verja for-
skot þótt þeir hafi lent í smá ströggli.
Keppni í milliriðlum lýkur í dag og
Íslandi mætir þá gestgjöfunum Sví-
um en liðin eru bæði með 2 stig. Nor-
egur mætir Slóveníu í rimmu um
efsta sætið. Þá skýrist hvort Ísland
muni leika um sæti í Stokkhólmi á
laugardag eða ekki en þangað fara
sex efstu liðin í mótinu. Líkurnar á
því eru litlar.
Forgjöfin
var full-
rausnarleg
 Íslendingar stöðvuðu ekki sigur-
göngu Norðmanna á EM í Malmö
26 ÍÞRÓTTIR
MORGUNBLAÐIÐ MIÐVIKUDAGUR 22. JANÚAR 2020
England
Everton – Newcastle............................... 2:2
 Gylfi Þór Sigurðsson lék ekki með Ever-
ton vegna meiðsla.
Bournemouth – Brighton ........................ 3:1
Aston Villa – Watford .............................. 2:1
Crystal Palace – Southampton ............... 0:2
Sheffield Utd – Manchester City............ 0:1
Chelsea – Arsenal..................................... 2:2
Staðan:
Liverpool 22 21 1 0 52:14 64
Manch.City 24 16 3 5 65:27 51
Leicester 23 14 3 6 48:23 45
Chelsea 24 12 4 8 41:32 40
Manch.Utd 23 9 7 7 36:27 34
Wolves 23 8 10 5 34:30 34
Sheffield Utd 24 8 9 7 25:23 33
Tottenham 23 8 7 8 36:31 31
Southampton 24 9 4 11 31:42 31
Arsenal 24 6 12 6 32:34 30
Crystal Palace 24 7 9 8 22:28 30
Everton 24 8 6 10 28:35 30
Newcastle 24 8 6 10 24:36 30
Burnley 23 8 3 12 26:38 27
Brighton 24 6 7 11 27:34 25
Aston Villa 24 7 4 13 31:45 25
West Ham 22 6 5 11 26:34 23
Bournemouth 24 6 5 13 23:37 23
Watford 24 5 8 11 21:36 23
Norwich 23 4 5 14 23:45 17
B-deild:
Barnsley – Preston................................... 0:3
Middlesbrough – Birmingham................ 1:1
Holland
Bikarkeppnin, 16-liða úrslit:
TOP Oss – AZ Alkmaar .......................... 0:2
 Albert Guðmundsson hjá AZ er frá
keppni vegna meiðsla.
Alþjóðlegt mót U17 karla
Leikið í Hvíta-Rússlandi:
Georgía – Ísland ...................................... 1:0
Ísland er án stiga eftir tvo leiki og mætir
Ísrael á morgun.
 EM karla 2020
MILLIRIÐILL I, Vín:
Staðan:
Spánn 4 4 0 0 131:105 8
Króatía 4 4 0 0 105:91 8
Þýskaland 4 2 0 2 115:103 4
Austurríki 4 1 0 3 103:120 2
Hvíta-Rússland 4 1 0 3 102:124 2
Tékkland 4 0 0 4 100:113 0
Lokaumferðin í dag:
15.00 Króatía – Spánn
17.15 Hvíta-Rússland – Austurríki
19.30 Tékkland – Þýskaland
MILLIRIÐILL II, Malmö:
Portúgal – Slóvenía .............................. 24:29
Noregur – Ísland .................................. 31:28
Ungverjaland – Svíþjóð ...................... 18:24
 Kristján Andrésson þjálfar Svíþjóð.
Staðan:
Noregur 4 4 0 0 124:105 8
Slóvenía 4 3 0 1 108:99 6
Ungverjaland 4 2 0 2 100:106 4
Portúgal 4 1 0 3 112:116 2
Ísland 4 1 0 3 101:110 2
Svíþjóð 4 1 0 3 88:97 2
Lokaumferðin í dag:
15.00 Portúgal – Ungverjaland
17.15 Noregur – Slóvenía
19.30 Ísland – Svíþjóð
Asíumót karla
Leikið í Kúveit:
8-liða úrslit, riðlakeppni:
Barein – Japan..................................... 23:25
 Aron Kristjánsson þjálfar Barein.
 Dagur Sigurðsson þjálfar Japan.
 Japan 4, Barein 2 stig, Sameinuðu fursta-
dæmin 2, Sádi-Arabía 0.


 Geysisbikar karla
8-liða úrslit:
Tindastóll – Þór Ak .............................. 99:69
 Tindastóll mætir Stjörnunni í undanúr-
slitum keppninnar.
Meistaradeild Evrópu
Dijon – Zaragoza............................... 73:105
 Tryggvi Snær Hlinason skoraði 5 stig
fyrir Zaragoza og tók 3 fráköst en hann lék
í níu mínútur.
NBA-deildin
Miami – Sacramento................ (frl.) 118:113
Milwaukee – Chicago ......................... 111:98
Houston – Oklahoma City ............... 107:112
Charlotte – Orlando ........................... 83:106
Memphis – New Orleans ................. 116:126
Cleveland – New York ....................... 86:106
Washington – Detroit....................... 106:100
Atlanta – Toronto ............................. 117:122
Brooklyn – Philadelphia .................. 111:117
Boston – LA Lakers......................... 139:107
Minnesota – Denver ......................... 100:107
Utah – Indiana.................................... 118:88
Phoenix – San Antonio..................... 118:120
Portland – Golden State.......... (frl.) 129:124
 
 Víðir Sigurðsson
vs@mbl.is
Tíu leikmenn Arsenal sýndu mikla
seiglu í gærkvöld þegar þeir jöfn-
uðu metin tvívegis, einum manni
færri, og gerðu jafntefli, 2:2, við
Chelsea í bráðskemmtilegum leik
á Stamford Bridge í ensku úrvals-
deildinni í knattspyrnu.
David Luiz, miðvörður Arsenal
og fyrrverandi leikmaður Chelsea,
fékk rauða spjaldið eftir tæpan
hálftíma og Chelsea fékk víta-
spyrnu sem Jorginho skoraði úr.
Gabriel Martinelli jafnaði fyrir
Arsenal eftir glæsilegan sprett
upp völlinn á 63. mínútu. Chelsea
virtist vera með sigurinn í hendi
sér eftir að César Azpilicueta
skoraði á 84. mínútu en Héctor
Bellerín jafnaði fyrir Arsenal
þremur mínútum síðar og þar við
sat.
 Sergio Agüero tryggði Man-
chester City útisigur á Sheffield
United, 1:0, með marki á 73. mín-
útu, nýkominn inn á sem varamað-
ur. City náði þar með að minnka
forskot Liverpool niður í 13 stig
en Liverpool á hinsvegar tvo leiki
til góða.
 Gylfi Þór Sigurðsson var
fjarri góðu gamni vegna meiðsla
þegar lið hans Everton missti sig-
ur úr höndunum á sér á ótrúlegan
hátt gegn Newcastle. Everton var
í þægilegri stöðu eftir mörk frá
Moise Kean og Dominic Calvert-
Lewin en í uppbótartímanum
skoraði Florian Lejeune tvívegis
fyrir Newcastle og jafnaði, 2:2.
 Ezri Konsa kom Aston Villa
úr fallsæti með því að skora sig-
urmark gegn Watford, 2:1, í upp-
bótartíma. Þar með féll Watford
aftur niður í fallsæti eftir mikla
siglingu í síðustu leikjum.
Seigla í Arsenal á Stamford
AFP
Undrandi Stuart Atwell dómari sýnir David Luiz, varnarmanni Arsenal, rauða spjaldið á Stamford Bridge.
 Jafnaði metin í
tvígang eftir að
David Luiz fékk
rauða spjaldið