Morgunblaðið - 17.03.2020, Side 24

Í fyrsta sæti Á skákmóti Æsis, fé-
lags eldri borgara, fyrir tæpu ári.
G
uðfinnur Rósinkranz
Kjartansson er fæddur
17. mars 1945 á Ísafirði
og ólst þar upp. Hann
gekk í barna- og gagn-
fræðaskóla Ísafjarðar og seinna í
Iðnskóla Ísafjarðar þar sem hann
nam ljósmyndun.
Guðfinnur flutti suður til Reykja-
víkur 19 ára gamall og starfaði sem
sölumaður þar til hann tók við fram-
kvæmdastjórastarfi Nestis hf. 1971-
1997. Hann hefur unnið við bókhald
og rekstur ýmissa húsfélaga frá
1997, auk þess að sinna ýmsum
félagsmálum og áhugamálum.
Guðfinnur var formaður Taflfélags
Reykjavíkur 1974-1976 og 1980-1981
og·sat í stjórn Skáksambands Ís-
lands 1975-1976. Hann hefur verið
varaformaður Skákdeildar KR frá
2000 og varaformaður og skákstjóri
Riddarans, skákklúbbs eldri borgara
í Hafnarfjarðarkirkju frá 2005. Guð-
finnur var varaformaður, gjaldkeri
og framkvæmdastjóri Ísfirðinga-
félagið í Reykjavík 1988-2006 og
fyrrverandi rit- og útgáfustjóri Vest-
anpóstsins, blaði félagsins.
Eitt áhugamála Guðfinns er skák,
en hann hefur unnið til fjölda verð-
launa á skákmótum eldri borgara.
Hann hefur einnig áhuga á trjárækt,
en þau hjónin eiga land við Selvatn
þar sem þau eiga bústað og vinnu-
stofuna Listasel en Erla, kona Guð-
finns er myndlistarmaður. Í Listaseli
eru haldnar sýningar, skákmót og
mannamót ýmiss konar. Guðfinnur
fæst við sköpun í landi þeirra hjóna
en hann hefur búið til verk í skóg-
inum sem byggjast á orðagríni eins
og Sleggjudómur, Að hugsa út fyrir
rammann og Sest í helgan stein.
Guðfinnur hefur einnig áhuga á þjóð-
félagsmálum, tæknimálum og mynd-
bandavinnslu, en hann hefur gert
myndbandið Í skjóli trjánna yfir verk
sín við Selvatn, og það má finna á
Youtube.
Fjölskylda
Kona Guðfinns er Erla B. Axels-
dóttir, f. 12.4. 1948, myndlistar-
maður. Þau eru búsett í Reykjavík.
Foreldrar Erlu voru hjónin Axel
Helgason, f. 12.4. 1913, d. 17.7. 1959,
lögreglumaður, listamaður, stofn-
andi og forstjóri Nestis hf., og Sonja
B. Helgason, f. 16.11. 1918, d. 13.7.
2010, íþróttakennari og forstjóri
Nestis hf. Þau voru búsett í Kópa-
vogi, en eftir lát Axels bjó Sonja í
Reykjavík.
Dætur Erlu og Guðfinns eru: 1)
Sonja Björg, f. 1.2. 1971, lyfjafræð-
ingur í Kópavogi, gift Erlendi S. Þor-
steinssyni reiknifræðingi. Börn
þeirra eru: Birkir Örn, f. 2000, Þor-
steinn Hilmir, f. 2004, og Þórunn
Erla, f. 2006; 2) Anna Lára, f. 30.10.
1975, mannauðsstjóri í Reykjavík, í
sambúð með Steinari Karli Hlíf-
arssyni, deildarstjóra og viðskipta-
lögfræðingi. Dætur Önnu Láru eru
Erla Guðfinna, f. 2000, Emilía Stef-
anía, f. 2006, og Elíana Júlía, f. 2009;
3) Jónína Rós, f. 23.7. 1985, fjármála-
hagfræðingur í Reykjavík, gift
Trausta Birni Ríkharðssyni, íþrótta-
fræðingi, bifvélavirkja og þjónustu-
Guðfinnur R. Kjartansson, fyrrverandi framkvæmdastjóri – 75 ára
Á æskuslóðum Guðfinnur með eiginkonu, dætrum og hluta af barnabörnum á Ísafirði sl. sumar.
Skákað í skjóli trjánna
Sest í helgan stein Guðfinnur situr á einu verka sinna við Selvatn.
24 DÆGRADVÖL
MORGUNBLAÐIÐ ÞRIÐJUDAGUR 17. MARS 2020
60 ára Þorsteinn er
fæddur og uppalinn í
Reykjavík en býr á Ísa-
firði. Hann er mat-
reiðslumaður að mennt
en vinnur hjá Hampiðj-
unni við skoðun á björg-
unarbátum.
Maki: Sigurrós Eva Friðþjófsdóttir, f. 1958,
danskennari við Grunnskólann á Ísafirði.
Synir: Friðþjófur, f. 1984, og Sigurður
Gunnar, f. 1988. Barnabarn er Úlfur Ás
Sigurðsson.
Foreldrar: Þráinn Sigurjónsson, f. 1940,
endurskoðandi, og Ruth Fjeldsted, f. 1939,
vann síðast í Seljahlíð. Þau eru búsett í
Kópavogi.
Þorsteinn Fjalar
Þráinsson
Stjörnuspá
21. mars - 19. apríl 
Hrútur Þú hefur mjög ákveðnar skoðanir
á viðkvæmu vandamáli. Leyfðu öðrum að
fylgjast með hvað þú ert að bardúsa –
fólki finnst það skemmtilegt.
20. apríl - 20. maí 
Naut Notaðu daginn til þess að styðja
samtök sem hjálpa þeim sem minna
mega sín. Samband syngur sitt síðasta.
21. maí - 20. júní 
Tvíburar Þér er heitt í hamsi og þarft að
gæta þess að það bitni ekki á þeim sem
síst skyldi. Skemmtileg samvera er allt
sem þú þarft núna.
21. júní - 22. júlí 
Krabbi Þótt þér sé ekki mikið gefið um
mannamót, kemstu ekki hjá því að sækja
sum þeirra. Reyndu að hafa ekki áhyggj-
ur, þær bæta ekkert.
23. júlí - 22. ágúst 
Ljón Öllu gríni fylgir einhver alvara svo
þú skalt gæta orða þinna og hafa aðgát í
nærveru sálar. Erfiðleikar sem hafa fyllt
tilveru þína undanfarið hverfa fljótlega.
23. ágúst - 22. sept. 
Meyja Hlustaðu á þá sem vilja leiðbeina
þér og gefa þér góð ráð, því þeir tala af
reynslu. Forðastu að umgangast nei-
kvætt fólk.
23. sept. - 22. okt. 
Vog Þú mátt eiga von á því að vinur þinn
leiti til þín í vandræðum sínum. Leiddu
deilur hjá þér.
23. okt. - 21. nóv.
Sporðdreki Passaðu að samningar séu
skriflegir. Vertu til staðar fyrir þá sem
skipta þig máli og hlúðu að eigin ham-
ingju og heill.
22. nóv. - 21. des.

Bogmaður Láttu þínar þarfir ganga fyrir
núna til tilbreytingar. Stundum finnst þér
best að fljóta með straumnum.
22. des. - 19. janúar 
Steingeit Þú lærir aftur að meta það að
njóta hins smáa. Kannski þú ættir að
skrá þig á námskeið til að sinna áhuga-
máli þínu betur.
20. jan. - 18. febr. 
Vatnsberi Forðastu allar skyndiákvarð-
anir í fjármálum og gættu þess að hafa
þá með í ráðum sem máli skipta. Haltu
þínu striki, þú ert alveg að ná markmiði
þínu.
19. feb. - 20. mars

Fiskar Þú virðist hafa talað einhvers
staðar af þér og verður því að taka af-
leiðingum orða þinna. Ekki kaupa köttinn
í sekknum.
40 ára Heiðdís fædd-
ist á Akureyri, ólst upp
í Gerðunum í Reykja-
vík en býr í Kópavogi.
Hún er viðskiptafræð-
ingur að mennt frá
Háskóla Íslands og er
sérfræðingur í mann-
auðsmálum hjá Ölgerðinni.
Maki: Þorvaldur Gísli Kristinsson, f.
1973, sölumaður hjá Öskju.
Synir: Dagur Jarl, f. 2003, og Heiðar
Logi, f. 2005.
Foreldrar: Steinunn Guðjónsdóttir, f.
1947, vann síðast hjá Sýslumanni, hún er
búsett í Garðabæ, og Björn Eiríksson, f.
1948, d. 2018, bókaútgefandi.
Heiðdís
Björnsdóttir
Til hamingju með daginn
Börn og brúðhjón
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Allir þeir sem senda blaðinu mynd af nýjum
borgara eða mynd af brúðhjónum fá fría
áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is
ÞJÓNUSTA FYRIR
ÁSKRIFENDUR
HLJÓÐMOGGI FYRIR
FÓLK Á FERÐ