Morgunblaðið - 21.03.2020, Blaðsíða 11

Álfheimum 74, 104 Rvk, sími 568 5170
Verið velkomin
Vesti nokkrir litir
Túnikur • Bolir • Peysur • Buxur
Kjólar • Töskur • Slæður
Póstsendum
NÝ SENDING
Vinsælu
Velúrgallarnir
Alltaf til í mörgum litum
og í stærðum S-4xl
FRÉTTIR 11Innlent
MORGUNBLAÐIÐ LAUGARDAGUR 21. MARS 2020
BAKSVIÐ
Margrét Þóra Þórsdóttir
Akureyri
„Það er ekki hægt að segja neitt ann-
að en það að staðan er grafalvarleg,“
segir Arnheiður Jóhannsdóttir,
framkvæmdastjóri Markaðsskrif-
stofu Norðurlands, en fólk í ferða-
þjónustu ræddi þá erfiðu stöðu sem
við blasir nú í kjölfar heimsfaraldurs
vegna kórónuveirunnar.
Hún segir menn gera ráð fyrir 40
til 50% samdrætti í veltu miðað við
fyrri ár og dekksta sviðsmyndin sem
upp er dregin geri ráð fyrir allt að
80% samdrætti. Þá er miðað við að
áætlanir varðandi komandi sumar
gangi ekki upp.
„Ef næsta sumar verður ferða-
þjónustunni á Norðurlandi óhag-
stætt má búast við miklum sam-
drætti, en um það vitum við auðvitað
ekki strax,“ segir hún.
1.200 manna samkoma blásin af
Nærtækt dæmi sem kórónuveiran
og ferða- og samkomubann hafa í för
með sér er að 1.200 manna ráðstefna
um málefni norðurslóða sem halda
átti á Akureyri um komandi mánaða-
mót, mars og apríl, hefur verið blásin
af. Hún verður þess í stað haldin sem
fjarfundur, en ferðaþjónustufólk á
svæðinu gerði ráð fyrir að hafa um-
talsverðar tekjur vegna ráðstefnunn-
ar og einmitt á tíma sem alla jafna er
fremur rólegur.
Arnheiður segir að ferðaþjónusta á
Norðurlandi hafi á liðnum árum
byggst vel upp en margt hafi undan-
farin misseri gerst sem sett hafi strik
í reikninginn. Þar megi nefna fall
Wow Air og gjaldþrot breska flug-
félagsins Super Break sem stóð fyrir
beinu flugi með breska ferðamenn
inn á svæðið, en veðurfarið í vetur
hafi einnig verið afleitt og samgöngur
iðulega farið úr skorðum. Þá sé krón-
an frekar sterk, sem geri að verkum
að ferðamenn sem þó hafi komið staldri skemur við en áður og fari síð-
ur út af svæðinu syðra.
„Það einhvern veginn leggst allt á
eitt og hefur gert að verkum að ferða-
þjónustufyrirtækin hér norðan heiða
eru ekki eins vel í stakk búin að mæta
þeim áföllum sem nú ríða yfir í kjöl-
far heimsfaraldursins,“ segir hún.
Vænta þess að fá gjaldfresti
Eigendur ferðaþjónustufyrirtækja
hafi nú uppi vonir um að hið opin-
bera, ríki og sveitarfélög sem og
stærri og stöndug fyrirtæki veiti að-
stoð og svigrúm á þessum erfiðu tím-
um og komi til móts við félögin.
„Langflest félög í ferðaþjónustu á
norðanverðu landinu eru lítil, um
80% þeirra eru með örfáa starfsmenn
og mega ekki við miklu sveiflum. Eig-
endur þeirra horfa nú til þess að fá
t.d. gjaldfresti á ýmsum gjöldum,
fasteignagjöldum, orkugjöldum og
tryggingagreiðslum sem dæmi því
lausafjárstaða flestra er ekki upp á
marga fiska um þessar mundir,“
segir Arnheiður. Nú væru menn í óða
önn að taka við afbókunum og endur-
greiða, þannig að allt sem létt gæti
greiðslubyrði kæmi sér vel.
Ætla sér í gegnum skaflinn
Hún segir óvissu ríkjandi enn þá
um hver þróun hugsanlega verður en
enn geti menn gælt við að sumarið
verði þokkalegt. Það standi þannig til
að hvetja landsmenn til að ferðast
innanlands og eins vænta menn þess
að útlendingar fari að sjást þegar
fram kemur á sumar.
„Það ætla sér allir að vera tilbúnir í
slaginn þegar sá tími rennur upp, en
það sem við okkur blasir nú er að
komast í gegnum þennan skafl sem
framundan er,“ segir Arnheiður.
„Við finnum að það er hugur í fólki,
það ætlar sér að komast í gegnum
þessa erfiðleika og hafa bjartsýni að
vopni og fullvissu um að það birti á
ný.“
Samdráttur gæti orðið 80%
 Grafalvarleg staða uppi í ferðaþjónustunni  Búist við 40-50% samdrætti í veltu
á Norðurlandi vegna veirunnar  Dekksta sviðsmyndin gerir ráð fyrir 80%
Morgunblaðið/Margrét Þóra
Ferðamenn Norðlensk ferðaþjónustufyrirtæki búa sig undir að samdráttur verði á árinu, líkast til allt að 50% en
verði sumarið af einhverjum ástæðum ekki gott gera svörtustu spár ráð fyrir allt að 80% samdrætti.
Morgunblaðið/Sigurður Bogi
Norðurland Arnheiður Jóhanns-
dóttir er yfir markaðsmálunum.
Skipholti 29b • S. 551 4422
Fylgið okkur á facebook
FISLÉTTIR DÚN
OG VATTJAKKAR
MARGIR LITIR
FRÁ KR.
19.900
Persónuleg Símaþjónusta
FRÍ HEIMSENDING
hjá Laxdal /gætum við
fyllsta öryggis
Engjateigi 5 // 581 2141 // hjahrafnhildi.is
Engjateigi 5 // 581 2141 // hjahrafnhildi.is
20% AFSLÁTTUR
af öllum vörum
frá dönsku merkjunum
í vefverslun hjahrafnhildi.is
„Ég vissi nú alveg að þetta væri gott
stöff en viðtökurnar hafa samt komið
á óvart, þær hafa verið frábærar,“
segir Sturlaugur Jón Björnsson,
bruggmeistari hjá Öglu gosgerð.
Fyrsti drykkur Öglu var settur í sölu
fyrir viku og hefur vakið talsverða
athygli þrátt fyrir fremur takmark-
aða útbreiðslu enn sem komið er.
Um er að ræða gerjað engiferöl sem
kallast Djöflarót og er lýst sem engi-
ferdrykk frá helvíti. Djöflarót er nú
til sölu í hinum rótgrónu verslunum
Melabúðinni og Versluninni Rangá
auk veitingastaðanna Yuzu, Kore,
Dill og Hipstur í Mathöllinni á
Höfða.
„Við náðum smá kynningu í Mela-
búðinni kortéri áður en samkomu-
bannið tók gildi. Fólk tók vel í það að
smakka og Pétur kaupmaður er bú-
inn að panta aðra sendingu hjá
okkur. Við eigum reyndar bara sex
kassa eftir inni á lager en vonumst til
að geta framleitt meira í næstu
viku,“ segir Sturlaugur.
Morgunblaðið greindi frá stofnun
Öglu gosgerðar síðasta haust og þar
kom fram að hugmyndin að baki
henni væri að vanda til verka og nota
hágæða hráefni. Jafnframt væri að-
standendum hennar annt um leið-
réttingu skammtastærða og því er
slagorð gosgerðarinnar: Það er
bannað að þamba!
Fleiri gosdrykkir eru á teikniborð-
inu að sögn Sturlaugs. „Við erum að
fara að setja tilraunalögun af Yuzu-
límonaði á flöskur.“ hdm@mbl.is
Melabúðin Pétur Guðmundsson
kaupmaður og Sturlaugur handsala
samning um sölu á Djöflarót.
Íslenskt
engiferöl
vekur lukku
 Djöflarót seld í
rótgrónum búðum