Morgunblaðið - 21.03.2020, Qupperneq 28

28 MINNINGAR
MORGUNBLAÐIÐ LAUGARDAGUR 21. MARS 2020
✝ GuðmundurSigurhansson
fæddist 23. júlí 1953
í Reykjavík. Hann
lést á Landspít-
alanum við Hring-
braut 9. mars 2020.
Foreldrar Guð-
mundar: Sigurhans
Víglundur Hjart-
arson, f. 7. apríl
1929, d. 21. sept-
ember 1980, og
Helga Guðmundsdóttir, f. 10. jan-
úar 1931. Guðmundur var elstur
fimm systkina en þau eru: Sævar
Sigurhansson, f. 6. nóvember
1954, Helga Sigurhansdóttir, f.
11. janúar 1956, Sigurrós Sigur-
hansdóttir, f. 15. mars 1958, og
Hrund Sigurhansdóttir, f. 17.
apríl 1962.
Eiginkona Guðmundar er
Margrét Runólfsdóttir, f. 6. júní
1962. Börn þeirra
eru Bjarki Freyr, f.
3. febrúar 1993, og
Gunnhildur, f. 29.
desember 1996.
Fyrir átti
Guðmundur dóttur,
Jóhönnu Björgu, f.
1. október 1979, og
Margrét dóttur, Júl-
íu Dögg, f. 8. janúar
1986.
Barnabörn
þeirra eru sjö.
Guðmundur var lærður fram-
reiðslumeistari og starfaði við
það alla tíð. Lengst af við eigin
rekstur ásamt Margréti, en þau
keyptu Hótel Flúðir árið 2003 og
ráku saman fram á síðasta dag.
Útför Guðmundar fer fram frá
Skálholtskirkju í dag, 21. mars
2020, og hefst athöfnin klukkan
14.
Þú áttir skilið svo miklu lengri
tíma og við áttum skilið svo miklu
lengri tíma með þér, við vorum rétt
að byrja.
En ég vel að horfa á það sem ég
get verið þakklát fyrir. Það er svo
margt.
Síðasti mánuðurinn með þér var
svo dýrmætur. Fjölskylduferðin
okkar til Tenerife þar sem börnin
fengu að kynnast þér betur var
ómetanleg. Engan óraði fyrir því
hversu stutt var eftir, sem var gott
því ferðin var eintóm hamingja og
ekki lituð af sorg.
Síðustu dagana á sjúkrahúsinu
náðum við að bæta upp fyrir árin
sem við misstum af.
Það voru forréttindi að fá þann
tíma með þér og ná að segja allt
sem áður var ósagt, ná að faðmast
og ná að kveðja.
Þótt ég sé látinn, harmið mig ekki með
tárum, hugsið ekki um dauðann með
harmi eða ótta.
Ég er svo nærri, að hvert eitt tár ykkar
snertir mig og kvelur, þótt látinn mig
haldið. En þegar þið hlæið og syngið með
glöðum hug, lyftist sál mín upp í mót til
ljóssins.
Verið glöð og þakklát fyrir allt sem lífið
gefur og ég, þótt látinn sé, tek þátt í gleði
ykkar yfir lífinu.
(Höf. óþekktur)
Sjáumst síðar, elsku pabbi
Jóhanna Björg.
Elsku pabbi, ég á erfitt með að
trúa því að þú sért farinn frá okk-
ur. Þrautseigjan og baráttuviljinn
sem fylgdi þér var ótrúlegur. Eftir
þriggja ára baráttu heyrði maður
þig ekki einu sinni kvarta. Er
þakklát fyrir allan tímann sem við
áttum saman og minningarnar
okkar sem ég mun aldrei gleyma.
Allar stundirnar sem við áttum á
morgunvöktunum á hótelinu þar
sem við vorum yfirleitt fullkomið
team þó svo að inni á milli gætum
við gert hvort annað geðveikt. Þú
náðir alltaf að plata mig með þér í
bíltúr og ekki skemmdi fyrir þegar
við fórum í bakaríið í leiðinni. Ég á
eftir sakna þess að fá ekki lengur
öll símtölin frá þér þar sem þú ert
annaðhvort að athuga hvenær ég
komi aftur á Flúðir, jafnvel þó að
ég hafi verið þar fyrir korteri eða
spyrja mig hvað þú eigir að hafa í
matinn. Þótti alltaf svo vænt um
það þegar þú hringdir í mig í skól-
anum til þess að láta mig vita að þú
værir í bænum og hvort þú mættir
ekki bjóða mér í eina pylsu í há-
deginu. Húmorinn hefur alltaf ver-
ið til staðar hjá okkur, skiptir ekki
máli hversu alvarlegar aðstæðurn-
ar voru þá gátum við alltaf gert
grín að þeim, alveg fram á seinasta
dag. Gleymi því ekki þegar þú
greindist fyrst með krabbamein og
það fyrsta sem við töluðum um var
hversu hræðilegt það væri ef þú
myndir missa hárið, s.s. búinn að
vera nánast sköllóttur síðan ég
fæddist. Það var aldrei hægt að
vera reið út í þig lengi þar sem þú
fékkst mann alltaf til hlæja sem
gat samt verið svo ógeðslega pirr-
andi stundum. Elsku pabbi, ég á
eftir að sakna þín svo mikið, hver á
t.d. að vera með mér í liði núna
þegar mamma byrjar að tuða. Ég
er svo þakklát fyrir allt sem þú hef-
ur gert fyrir mig og þykir svo vænt
um að þú hafir sagt rétt áður en þú
kvaddir að þú ætlaðir að vaka yfir
okkur systkinunum og sjá til þess
að við gerðum ekkert heimskulegt.
Ég mun minnast þín alla ævi og
trúi því að við munum hittast aftur.
Þín dóttir,
Gunnhildur.
Pabbi var rólegur og góður
maður. Hann var skemmtilegur og
það var erfitt að vera í vondu skapi
í kringum hann. Hann var einstak-
lega orðheppinn maður. Hann gat
stundum verið rosalega fyndinn.
Hann var lítið að æsa sig yfir hlut-
unum. Þegar við vorum í sveitinni
leiddist krökkunum ekki að fara
með afa sínum og ömmu í bíltúr,
oftast var farið að skoða traktora
og jafnvel keyptur ís. Hann var
mikill stuðningsmaður Arsenal í
fótbolta og bílaáhugamaður. Hann
hafði líka mjög gaman af því að
elda enda yfirleitt veislumatur
þegar við komum í heimsókn. Ég
er mjög þakklát fyrir að við fjöl-
skyldan náðum að fara öll saman
til Tenerife í febrúar. Ég á eftir að
geyma þær minningar til æviloka.
Núna er komið að kveðjustund.
Við eigum eftir að sakna þess að
hafa þig í sveitinni. Ég trúi því að
þú sért kominn á betri stað. Ég
kveð þig með þessari setningu: Ég
lifi og þér munuð lifa.
Hlýjar kveðjur:
Til þín ég hugsa,
staldra við.
Sendi ljós og kveðju hlýja.
Bjartar minningarnar lifa
ævina á enda.
Júlía Dögg.
Elsku bróðir, það er margs að
minnast.
Margar minningar höfum við
átt saman í gegnum lífið, bæði frá
því að við vorum börn og jafnvel
enn fleiri eftir að við urðum full-
orðin.
Hversu frábær mér þótti þú
vera elsku bróðir, enda leit ég mik-
ið upp til þín.
Þið Magga komuð með Júlíu
Dögg unga til Eyja og bjugguð hér
í stuttan tíma. Þú hjálpaðir okkur
þegar við hófum reksturinn á veit-
ingastaðnum Muninn. Þvílík unun
að horfa á þig vinna enda varstu
flottasti þjónn sem ég þekkti til. Þú
sagðir alltaf að þeir sem starfa sem
þjónar ættu að vera „elegant“ og
það varst þú svo sannarlega.
Þegar þú varðst sextugur kom-
uð þið Magga með Bjarka og
Gunnhildi og við héldum saman
upp á afmælið. Það var dásamleg
stund, allt svo látlaust en flott og
alveg í þínum anda. Þú vildir ekk-
ert óþarfa vesen.
Auðvitað hefur ýmislegt gengið
á stöku sinnum en ég hef aldrei
verið þér reið nema örstutta stund
í einu. Þú varst einfaldlega svo
vænn og góður. Eitt skiptið þótti
mér stuðið fulllangt og strangt hjá
þér og sagð: „Gummi, þetta geng-
ur ekki lengur, nú er ég búin að fá
nóg.“ Þá leist þú á Neró, ferfæt-
linginn okkar, og sagðir hinn ró-
legasti: „Þú opnar bara fyrir mér,
því við erum vinir.“
Gumma bróður minn kveð ég
með söknuði og virðingu. Ég mun
horfa lengi á eftir honum.
Þér kæra sendi kveðju
með kvöldstjörnunni blá
það hjarta, sem þú átt,
en sem er svo langt þér frá.
Þar mætast okkar augu,
þótt ei oftar sjáumst hér.
Ó, Guð minn ávallt gæti þín,
ég gleymi aldrei þér.
(Bjarni Þorsteinsson.)
Möggu, Júlíu Dögg, Jóhönnu
Björk, Bjarka Frey, Gunnhildi og
mömmu sendum við Mummi inni-
legar samúðarkveðjur.
Þín systir
Sigurrós (Rósa).
Guðmundur
Sigurhansson
HJARTAVERND
Minningarkort
535 1800
www.hjarta.is
Virðing,
reynsla
& þjónusta
Allan
sólarhringinn
571 8222
Svafar:
82o 3939
Hermann:
82o 3938
Ingibjörg:
82o 3937
www.kvedja.is
svafar & hermann
Útför elskulegrar mömmu okkar,
SVANHILDAR TRAUSTADÓTTUR
frá Patreksfirði,
sem lést þann 10. mars á líknardeild LSH,
hefur farið fram í kyrrþey að hennar ósk.
Sérstakar þakkir til hjúkrunarþjónustunnar
Heru sem gerði henni kleift að vera heima sem lengst og
líknardeildarinnar fyrir alla umönnun. Þeim sem vildu minnast
mömmu er bent á að láta Heru og líknardeildina njóta þess.
Trausti og Sif
Maggý og Steini
Árni og Ásta
Silja og Valli
ömmubörn og fjölskyldur þeirra
Okkar ástkæra móðir, tengdamóðir, amma
og langamma,
HRAFNHILDUR LILLA
GUÐMUNDSDÓTTIR
Gröf 3, Grundarfirði,
andaðist á gjörgæsludeild Landspítalans
við Hringbraut 6. mars.
Í ljósi aðstæðna í samfélaginu mun útför hennar fara fram í
kyrrþey.
Sérstakar þakkir fá vinirnir í Vinahúsinu og allt það
heilbrigðisstarfsfólk sem um hana hugsaði í veikindum hennar.
Þeim sem vilja minnast hennar er bent á Fellaskjól.
Kristbjörn Rafnsson Oddný Gréta Eyjólfsdóttir
Bárður Rafnsson Dóra Aðalsteinsdóttir
Unnur María Rafnsdóttir Eiríkur Helgason
Héðinn Rafn Rafnsson Jóhanna Beck Ingibjargard.
barnabörn og barnabarnabörn
Elskuleg eiginkona mín, móðir okkar,
tengdamóðir, amma, langamma og
langalangamma,
DORIS AUDREY THORDARSON
lést aðfaranótt 14. mars á Hrafnistu í
Hafnarfirði.
Útförin fer fram í kyrrþey.
Björn Þórðarson
Janis Carol Walker Paul Morcom
Linda Christine Björnsdóttir
Susan Ann Björnsdóttir Guðlaugur G. Færseth
Jón Yngvi Björnsson María Richter
Helena Björnsdóttir Redding Friðrik Jakobsson
og fjölskyldur þeirra
Elskuleg móðir okkar, tengdamóðir,
amma og langamma,
ERLA GUÐRÚN SIGURÐARDÓTTIR
Fróðengi 11,
Reykjavík,
lést á hjúkrunarheimilinu Skjóli 15. mars.
Vegna aðstæðna í samfélaginu fer jarðarförin fram í kyrrþey.
Guðrún Þóra Magnúsdóttir Örn Ísleifsson
Þórður Axel Magnússon Sigríður Grímsdóttir
Guðni Karl Magnússon Guðbjörg Auður Benediktsd.
Ingibjörg Kr. Einarsdóttir
barnabörn og barnabarnabörn
Elskuleg dóttir okkar, systir og mágkona,
ANNA BJÖRK ÞORVARÐARDÓTTIR,
Laugarbraut 8, Akranesi,
lést á Sjúkrahúsi Akraness 16. mars í faðmi
fjölskyldunnar.
Þeim sem vilja minnast hennar er bent á
Hollvinasamtök HVE, reikningsnúmer 326-26-005100,
kennitala 510214-0560.
Þorvarður B. Magnússon
Linda Örlaugsdóttir
Íris Björg Þorvarðardóttir
Þórður Þórðarson
Elsku mamma okkar, tengdamamma,
amma og langamma,
HRAFNHILDUR HALLDÓRSDÓTTIR
heimilisfræðikennari,
Sóltúni 2,
áður Lindarflöt 8, Garðabæ,
sem lést laugardaginn 14. mars, verður
jarðsunginn frá Garðakirkju þriðjudaginn 24. mars kl. 13.
Nánasta fjölskylda verður við útförina en öðrum sem vilja fylgja
henni er bent á að fá upplýsingar um netstreymi hjá
aðstandendum.
Blóm og kransar vinsamlega afþakkað en þeim sem vilja
minnast hennar er bent á Drafnarhús, dagþjálfun fyrir fólk með
heilabilun. k.t: 490605-0450 banki: 0515-26-44906.
Hildur Jóhannesdóttir Jóakim Hlynur Reynisson
Þorleikur Jóhannesson Helga Melsteð
Halla Margrét Jóhannesd. Sólmundur Már Jónsson
Ólafía Ása Jóhannesdóttir Sigurður Garðar Kristinsson
barnabörn og barnabarnabörn
Elskuleg móðir okkar, tengdamóðir, amma
og langamma,
JARÞRÚÐUR LILJA DANÍELSDÓTTIR,
Norðurvangi 9, Hafnarfirði,
lést á líknardeild Landspítalans
miðvikudaginn 18. mars.
Útför fer fram frá Víðistaðakirkju þriðjudaginn 31. mars klukkan
13. Þar sem takmarka þarf fjölda kirkjugesta verður útförinni
streymt á netinu. Minningarathöfn verður haldin 29. september
og verður auglýst síðar.
Daníel Þór Ólason Guðlaug Þóra Tómasdóttir
Björn Viðar Ólason Hlynur Geir Ólason
Hilda Björk Daníelsdóttir Diego Yacaman Mendez
Sólveig Anna Daníelsdóttir Birkir Freyr Baldursson
Ásta Valgerður Björnsdóttir Erna Diljá Daníelsdóttir
Aníta Björt Birkisdóttir
Samkomubann og óvenjulegar aðstæður í þjóðfélaginu
hafa leitt til þess að útfarir eru nú með breyttu sniði.
Morgunblaðið hefur brugðist við með því að rýmka reglur
um birtingu á minningargreinum.
Minningagreinasíður blaðsins standa opnar öllum þeim
sem vilja minnast ástvina eða sýna aðstandendum samúð
og samhug.
Í ljósi aðstæðna hefur verið slakað á fyrri verklagsreglum
hvað varðar útfarir í kyrrþey. Ekkert er því til fyrirstöðu að
birta minningargreinar sama dag og útför einstaklings er
gerð hvort sem hún er háð fjöldatakmörkunum eða gerð í
kyrrþey.
Starfsfólk greinadeildar Morgunblaðsins er boðið og búið
að aðstoða þá sem hafa spurningar um ritun minningar-
greina eða hvernig skuli senda þær til blaðsins.
Ekkert gjald er tekið fyrir birtingu minningagreina.
Þær eru einnig birtar á www.mbl.is/minningar.
Birting minningagreina