Morgunblaðið - 27.04.2020, Blaðsíða 4

KÓRÓNUVEIRUFARALDUR4
MORGUNBLAÐIÐ MÁNUDAGUR 27. APRÍL 2020
Suðurlandsbraut 26 Sími: 587 2700
Opið 11-18 virka daga, 11-16 laugardaga www.innlifun.is
Alexander Kristjánsson
Ragnhildur Þrastardóttir
Snorri Másson
Annar kafli kórónuveirufaraldursins
er að hefjast og má búast við nokkr-
um nýjum tilfellum af og til næstu
daga. Þetta sagði Þórólfur Guðnason
sóttvarnalæknir á blaðamannafundi
almannavarna í gær.
Slakað verður á samkomubanni 4.
maí og verða fjöldatakmarkanir þá
miðaðar við 50 manns í stað 20.
Þórólfur segir að tvær til þrjár vik-
ur þurfi að líða milli tilslakana, svo að
unnt sé að meta árangur þeirra.
Hann segir að ekki þurfi einungis að
meta þær út frá fjölda nýgreindra
smita heldur einnig eðli þeirra, svo
sem hvort um hópsýkingar er að
ræða. Má því gera ráð fyrir að næsta
tilslökun verði í fyrsta lagi í vikunni
18.-25. maí, en Þórólfur hefur lagt til
að þá verði samkomubann miðað við
100 manns. Ekki er þó útilokað að
viðmiðið verði hækkað ef niðurstöður
næstu vikur verða jákvæðar.
Virkum smitum fækkar enn
Tvö ný kórónuveirusmit greindust
í gær, bæði á veirufræðideild Land-
spítala. Hefur virkum smitum nú
fækkað dag frá degi undanfarnar
þrjár vikur, og eru nú 174.
Alls hafa 113 lagst inn á sjúkrahús
vegna veirunnar, en af þeim eru 100
útskrifaðir. Aðspurður segir Þórólf-
ur að læknar á Landspítala fylgist
með útskrifuðum einstaklingum í
samráði við heilsugæslu. Ótímabært
sé þó að segja til um langtímaáhrif
sjúkdómsins á þá sem hafa lagst inn
á spítala.
Ýmsar rannsóknir séu hins vegar í
gangi á sjúkdómnum, sem muni gefa
fólki betri yfirsýn yfir hann, segir
Þórólfur og nefnir sem dæmi rann-
sóknir Íslenskrar erfðagreiningar.
Færeyskir miðlar greina frá því að
sjö hafi greinst jákvæðir fyrir kór-
ónuveirunni í tvígang, en að ekki sé
vitað hvort þeir hafi losnað við veir-
una og síðan greinst á ný, eða verið
með hana allan tímann. Sóttvarna-
læknir segir engin slík tilfelli hafa
komið upp hérlendis, en upplýsingar
um að fólk geti sýkst aftur hafi komið
frá Kína og Japan.
Samfélagssáttmáli í sumar
Víðir Reynisson yfirlögregluþjónn
segir mikilvægt að einhvers konar
samfélagssáttmáli, sem gildi fram á
sumar, verði innleiddur í kjölfar til-
slökunar á samkomubanni. Hand-
þvottur, sótthreinsun,verndun við-
kvæmra hópa og möguleiki fólks á að
halda tveggja metra fjarlægð falli
þar undir.
Þá ætti sáttmálinn að innihalda
loforð um að sýni yrðu áfram tekin
hjá þeim sem eru með einkenni þann-
ig að allir sem eru veikir fari í ein-
angrun og þeir sem verða útsettir
fari í sóttkví.
„Við ætlum áfram að veita góða
heilbrigðisþjónustu fyrir alla þá sem
veikjast, miðla öllum upplýsingum
þannig að allt sé uppi á borði og allir
viti alltaf allt, og nota fréttir frá
traustum fréttamiðlum sem er rit-
stýrt og sýna okkur rétta mynd af
hlutunum. Nota það í umræðunni,
ekki eitthvað annað,“ sagði Víðir.
Sóttvarnalæknir var spurður að
því á fundinum hvenær fólk gæti far-
ið að huga að utanlandsferðum. Sagði
hann vonlaust að segja til um það
enda væri ákvörðunin ekki einungis á
forræði íslenskra heilbrigðisyfir-
valda. „Sjálfur ætla ég ekki að skipu-
leggja neinar utanlandsferðir í ár,“
sagði Þórólfur. Hann sagði þó mikil-
vægt að reynt væri að halda ferða-
takmörkunum þannig að þær yllu
sem minnstum efnahagslegum
skaða.
Bjóst allt eins við
alvarlegri faraldri
Viðbragðsáætlun sem miðar við
heimsfaraldur inflúensu hefur verið í
gildi hér á landi í 15 ár og er uppfærð
reglulega. Er hún helsta fyrirmyndin
að viðbrögðum við kórónuveirunni,
að sögn Þórólfs. Spurður hvort áhrif
faraldursins á Íslandi séu í samræmi
við áætlanir hans, segir Þórólfur að
hann hafi í raun ekki búist við neinu
sérstöku nema að þetta gæti orðið al-
varlegt. Sé miðað við tölur frá Hubei-
héraði hefði mátt gera ráð fyrir um
15 dauðsföllum og 300 smitum.
Tekur 2-3 vikur að meta árangurinn
 Tvö ný smit í gær  Virk smit nú 174  Sjö Færeyingar eru sagðir hafa smitast aftur af veirunni
 Þórólfur fer ekki til útlanda í ár  Mögulegt að miðað verði við fleiri en 100 í næstu fjöldatakmörkun
Ljósmynd/Lögreglan
Fundur Fámennt en góðmennt á blaðamannafundi almannavarna í gær. Alma var fjarri góðu gamni.
Fjöldi eftir landshlutum
Óstaðsett 2 51
Útlönd 1 0
Austurland 8 14
Höfuðborgarsvæði 1.308 421
Suðurnes 77 24
Norðurland vestra 35 10
Norðurland eystra 46 17
Suðurland 178 54
Vestfirðir 95 81
Vesturland 42 23
Smit
Sóttkví
Uppruni smits
Innanlands
Óþekktur
Erlendis
46.352 sýni hafa verið tekin
10 einstaklingar eru látnir
13 eru á sjúkrahúsi 3 á gjör-gæslu
174 eru í einangrun
174 eru með virkt smit
Fjöldi smita frá 28. febrúar til 25. apríl
Heimild: covid.is
1.792 smit voru staðfest
í gær kl. 13.00
1.792
174
apríl
1.750
1.500
1.250
1.000
750
500
250
þeirra sem
hafa greinst
voru í sóttkví
81%
55%
9,4% sýna tekin hjá LSH voru jákvæð og 0,6% sýna tekin hjá ÍE
18.800 hafa lokið sóttkví695 manns eru í sóttkví
Staðfest smit
Virk smit
feb. mars
1.608
einstaklingar
hafa náð bata
Fram kom í máli Þórólfs Guðnasonar
sóttvarnalæknis á upplýsingafundi al-
mannavarna í gær að af þeim 113 ein-
staklingum sem hafa þurft að leggj-
ast inn á sjúkrahús eru 60%
karlmenn og meðalaldur þeirra sem
leggjast inn er 60 ár.
Eins kom fram að sýkingar hjá
börnum hefðu verið mjög fátíðar en
þó hefði barn þurft að leggjast inn
vegna veikinda af kórónaveirunni.
Sá elsti sem hefur þurft sjúkra-
húsvistun er 96 ára gamall.
Þá sagði Þórólfur jafnframt að fleiri
konur hefðu farið í sýnatöku en karlar
en að kynjahlutfall þeirra sem greinst
hafa væri jafnt. Hins vegar eru karl-
menn gjarnari á að lenda á gjörgæslu
og eru þeir 70% þeirra sem endað hafa
þar. Kynjahlutfall þeirra sem fallið
hafa frá vegna faraldursins er jafnt en
sá yngsti sem féll frá var 36 ára.
Barn var
lagt inn
 Mun fleiri karlar
fara á gjörgæslu
Reykjavíkur-
borg hefur í
hyggju að
bjóða rekstr-
araðilum í
miðborginni
að færa
starfsemi
sína út í
borgarlandið
í meira mæli
en áður til að
auðvelda þeim að halda opnu en
framfylgja um leið tveggja metra
reglunni.
Dagur B. Eggertsson borgar-
stjóri segir í samtali við mbl.is að
borgaryfirvöld stefni að því að
einfalda leyfisveitingar í þeim
efnum, en að ákvarðanir verði í
höndum matsölustaðanna
sjálfra. Í einhverjum tilfellum
kynni að þurfa að loka götum
fyrir bílaumferð.
Dagur fundaði í gær með Þór-
ólfi Guðnasyni sóttvarnalækni. Á
blaðamannafundi almannavarna
í gær voru Þórólfur og Víðir
Reynisson yfirlögregluþjónn
spurðir út í mögulegar lokanir.
Kvaðst Þórólfur ekki hafa sér-
staka skoðun á því hvort göngu-
götur dragi almennt úr eða auki
smithættu. Undir það tók Víðir,
en sagðist fagna öllu sem gerði
það að verkum að betur mætti
njóta lífsins og gerði samfélagið
skemmtilegra. „Ef menn koma
með hugmyndir sem létta fólki
lífið, þá hljóta þær að vera góðar
ef þær falla innan þessarar hugs-
unar sem við erum með varðandi
sóttvarnirnar.“
Matsölustaðir
breiði úr sér
GÖTULOKANIR Í MIÐ-
BÆNUM TIL UMRÆÐU
Dagur B.
Eggertsson