Fréttablaðið - 22.10.2020, Blaðsíða 24

Hvað einkennir stíl búlg­arskra kvenna?Það er glæsilegur fatn­
aður, mikið af hátískumerkja­
vöru, háir hælar og stígvél, fall­
egar töskur, skart og feldir, og allt
er mjög kvenlegt.
Hver er þinn eftirlætis hönn­
uður í Búlgaríu?
Ég sæki í að sjá alla stórkost­
legu búlgörsku kjólahönnuðina
á tískuvikunni hér. Maður
dettur algjörlega inn í drauma­
heim þegar maður horfir á
þau meistaraverk. Svo ég nefni
búlgörsk nöfn má nefna Stoian
Radichev, Hristo Chuchev og
Sofiu Borisova, en það er ótúlega
mikið af klárum hönnuðum hér.
Hvað er Búlgaría þekktust fyrir
þegar kemur að tísku?
Glæsilega kjóla á rauða
dregilinn, galakjóla, brúðarkjóla
og svakalega klára kjólahönnuði.
Einnig glæsilega klæddar konur í
mjög háum hælum.
Kaupir þú þér búlgarskan tísku­
varning og hvað keyptirðu þér
síðast?
Já, mér finnst alltaf gaman að
kaupa eitthvað búlgarskt til að
styrkja þessa duglegu hönnuði.
Ég hef verið mjög slöpp í fata­
kaupum 2020, enda ekki mörg
tækifæri til að skarta glæsilegu
dressi í kófinu. Ég keypti mér
þó dress frá illumminee.com á
dögunum, sem er skemmtileg
búlgörsk hönnun.
Eru búlgarskar konur tískumeð­
vitaðar og vel til hafðar yfirhöfuð?
Já, mjög, þær eru alveg stór­
glæsilegar. Maður verður þó var
við kynslóðaskipti. Konur um og
yfir 50 ára lifa ekki né hrærast
eins mikið í tískuheiminum og
þær yngri; þær hafa minni aura­
ráð og voru aldar upp á árum
kommúnismans þegar lífsbar­
áttan var erfiðari. En eins og við
vitum er mjög dýrt að klæða sig
vel! Nýir Nike­skór kosta hálfan
handlegginn og hvað þá 66°Norð­
ur úlpa, sem allir á Íslandi vilja.
Eru Búlgarar á eftir eða á undan
Íslendingum þegar kemur að
tískunni?
Þeir eru töluvert á undan
Íslandi, en Ísland er nú ekki
komið mjög langt á tískukort­
unum, að mínu mati. Þó svo að til
séu margir f lottir og hæfileika­
ríkir íslenskir hönnuðir eru bara
örfá ár síðan alþjóðleg tískumerki
og ­keðjur komu til Íslands og
fyrir þann tíma var nú lítið í boði
fyrir utan 17 og nokkrar íslenskar
tuskubúðir sem stýrðu því sem
var í tísku á landinu síðustu tugi
ára.
Á Íslandi eru enn ófáanlegar
vörur frá hátískuhönnuðum sem
stjórna tískuheiminum, fyrir
utan kannski nokkur stykki
hér og þar í örfáum búðum, og
þá er ég að tala um heimsklassa
hönnuði og tískumerki eins og
Gucci, Louis Vuitton, Armani,
Chanel, Versace, Donna Karan,
Dior, Guess, Vivian Westwood,
Dolce & Gabbana, Fendi, Prada,
Balmain, Kenzo, Burberry,
Givenchy og get talið endalaust
upp. Svo er líka mikið af nýjum
og nýfrægum merkjum sem eru
geggjuð og poppa nú upp um
allan heim. Þekktustu keðjurnar
í ódýrari kantinum, og sem hafa
nokkrar poppað upp á Íslandi
undanfarin ár, eru til dæmis Zara,
New Yorker, Mango og H&M, en
það er bara smábrot af því sem er
til í öðrum löndum þótt þetta sé
að þróast heilmikið og vonandi
bætast miklu f leiri merki við
næstu árin.
Hvar kaupirðu þín föt og fylgi­
hluti?
Undafarin tuttugu ár hef ég að
mestu keypt fatnað utan land­
steinanna. Ég á persónulega
mjög erfitt með að finna á mig
föt á Íslandi; það er allt svo vítt
og stórt og mikið til sami stíll í
öllum búðum, sem er of þungur
fyrir mig. Ég verslaði mikið í
Karen Millen áður en þeirri búð
var lokað heima á Íslandi en
þar fékkst f lottur og kvenlegur
klæðnaður.
Áttu þér uppáhalds búð í höfuð­
borginni Sófíu?
Það eru svo margar búðir og
Kringlur hér í Sófíu að það er
erfitt að velja sínar uppáhalds.
Ég vil heldur ekki að nafn á búð
ákvarði minn stíl; mér finnst
gaman að versla úti um allt og
púsla saman, og svo er æðislega
gaman að fara í litlar „bouti­
que“­ og hönnunarbúðir sem eru
gjarnan rétt við helstu versl­
unargöturnar. Þar finnur maður
oft hina glæsilegustu fjársjóði.
Hver er helsti tískuáhrifa­
valdurinn í Búlgaríu?
Ég hreinlega veit það ekki,
þær eru svo margar og skipta
ef laust þúsundum þessar tísku­
stjörnur sem eru mjög vinsælar
hér í landi, en ég man bara ekki
hvað heita. Ég er lítið að pæla
í hverju aðrir klæðast, ég hef
alltaf haft minn eigin stíl og
klæðist því sem mér finnst fal­
legt og fer mér vel, burt séð frá
tískustraumum. Það gæti verið
f lík fyrir 3.000 krónur eða 100
þúsund krónur.
Hefur þú tileinkað þér eitt­
hvað frá Búlgaríu þegar kemur
að útliti og stíl?
Ég hef alltaf fittað frekar vel
inn hér í Búlgaríu þar sem stíll­
inn minn er bæði glyskenndur
og kvenlegur. Því má segja að
ég sé frekar undir áhrifum frá
Balkanlöndunum og Rússlandi,
frekar en Norðurlöndunum.
Hvað hefur Búlgaría kennt þér
í sambandi við tísku og útlit?
Að njóta þess að klæða mig
upp á oftar! Það er mikið um
það hér að konur klæði sig upp
á, fari í fallega kjóla, háa hæla og
allan pakkann til að undirstrika
kvenleika sinn.
Meistaraverk kvenlegs yndisþokka
Fyrirsætan, athafnakonan og þyrluflugmaðurinn Ásdís Rán býr í búlgörsku tískuborginni Sófíu. Hún
segir kvenlegan þokka þar í hávegum hafðan og að það hafi kennt sér að klæða sig oftar upp á.
Ásdís Rán Gunn-
arsdóttir segir
sinn stíl bæði
kvenlega og
glyskenndan og
því fitti hún vel
inn í búlgarska
stílinn, sem og
þann rússneska
og Balkanland-
anna. MYNDIR AF
ÁSDÍSI/AÐSENDAR
Ásdís Rán nýtur þess að versla
í litlum boutique og hönnunar-
búðum í höfuðborginni Sófíu.
Himinháir hælar er eitt af því sem búlgarskar konur
klæðast dagsdaglega, og við þá fallegar töskur og skart.
Ásdís Rán kaupir flest sín föt ytra
enda finni hún fátt heima á Íslandi.
Ásdís keypti nýlega búlgarska hönnun frá Illumminee.
Þórdís Lilja
Gunnarsdóttir
thordisg@frettabladid.is
4 KYNNINGARBLAÐ FÓLK 2 2 . O K TÓ B E R 2 0 2 0 F I M MT U DAG U R