Fréttablaðið - 22.10.2020, Blaðsíða 30

Það er engin til-
viljun að hugmynd-
ir þessara stóru félaga í
Evrópu eru að koma upp á
þessum tímapunkti.
Björn Berg Gunn-
arsson, sérfræð-
ingur um fjármál
í íþróttum
2 2 . O K T Ó B E R 2 0 2 0 F I M M T U D A G U R22 S P O R T ∙ F R É T T A B L A Ð I Ð
FÓTBOLTI Viku eftir að forráða-
menn ensku knattspyrnufélaganna
Liverpool og Manchester United
voru gerðir afturreka með tillögur
sínar um róttækar breytingar á
fyrirkomulaginu í kringum ensku
deildarkeppnina hafa sprottið fram
á sjónarsviðið vangaveltur þeirra, í
slagtogi við kollega þeirra í stærstu
félagsliðum Evrópu, um að setja
á laggirnar eins konar Ofurdeild
félagsliða í álfunni. Þar myndu 18 af
sterkustu félögum heims taka þátt
í keppni sem stofnaðilar hennar
væru eigendur að. Spilað yrði eftir
því fyrirkomulagi að lið falli ekki
úr keppni á milli keppnistímabila
heldur myndu stofnendur sjá um að
velja þau lið sem keppa hverju sinni
án aðkomu sérsambanda.
Fréttablaðið leitaði til Björns Berg
Gunnarssonar, deildarstjóra Grein-
ingar Íslandsbanka og sérfræðings í
fjármálum í íþróttum, um rót þess-
ara tillagna, áhrif þeirra og líklegt
lokamarkmið sem þær eiga að hafa
í för með sér.
„Það er ljóst að mínu mati að
stóru félögin í Evrópu eru með
afgerandi hætti að krefjast meiri
tekna. Þau skapi í raun stærstan
hluta tekna Evrópuboltans en stór
hluti þeirra verðmæta renni svo
til annarra félagsliða og það sé til-
raunarinnar virði að freista þess að
stórauka hlut þeirra. Í þeirra huga
er ein leið til þess að hala inn meiri
tekjur sú að fara í það módel að þau
keppi innbyrðis og tekjurnar renni
óskertar til þeirra,“ segir Björn Berg
í samtali við Fréttablaðið.
„Inn í þetta blandast svo deilur
milli alþjóða knattspyrnusam-
bandsins, FIFA, og evrópska knatt-
spyrnusambandsins, UEFA. FIFA
kom nýlega með þá hugmynd að
búa til sams konar keppni og félög-
in eru nú að bollaleggja um að setja
laggirnar. Sú keppni átti að koma í
stað heimsmeistaramóts félagsliða
og þar áttu sterkustu félagslið heims
að spila. Sú hugmynd fékk ekki mik-
inn hljómgrunn þegar það kom upp
úr krafsinu, þrátt fyrir tilraunir til
að leyna þeim upplýsingum, að
keppnina átti að fjármagna með
fé frá Sádí-Arabíu,“ segir Björn um
stöðu mála.
Hugmyndin kemur stuttu eftir
að hugmynd Manchester United
og Liverpool um breytingu á ensku
úrvalsdeildinni var felld.
„Það er engin tilviljun að hug-
myndir þessara stóru félaga í Evr-
ópu séu að koma upp á yfirborðið
á þessum tímapunkti. Þetta er
ekki eitthvað kaffispjall forráða-
manna félaga á vinalegum nótum
um framtíðarplön þeirra. Það er
mikill þungi í þessum sjónarmiðum
þeirra og þau eru að setja gríðarlega
pressu á UEFA og deildirnar heima
fyrir að viðkomandi félög fái stærri
sneið af kökunni í deildum og Evr-
ópukeppnum. Þeim þykir ekki
sanngjarnt að sjónvarpsréttur sem
er keyptur út á aðdráttarafl þeirra
renni til annarra félaga,“ segir Björn.
„Núverandi fyrirkomulag UEFA
varðandi Evrópukeppnir gildir
til 2024 og stendur endurskoðun
þeirra væntanlega yfir. Sterkustu
félögin í Evrópu eru nú byrjuð að
ota sínum tota í þeim hugleið-
ingum. Þau eru í raun að segja þau
muni ekki sætta sig við núverandi
fyrirkomulag og hóta því óbeint að
taka félögin úr Meistaradeild Evr-
ópu. Þau eru með gríðarlega góða
samningsstöðu í ljósi þess hversu
veikar keppnirnar yrðu án þeirra.
Þá verður athyglisvert að fylgjast
með því hvernig störukeppnin milli
FIFA og UEFA um hverjir munu fá
tekjur af keppnum í framtíðinni
mun þróast.
Hingað til hefur það verið
þegjandi samkomulag að FIFA fái
lungann af sínum tekjum af heims-
meistaramóti landsliða á meðan
UEFA hefur verið borið uppi af
Meistaradeild Evrópu. Það gæti
breyst ef félögin ákveða að fara aðra
leið í þessum efnum og fá FIFA jafn-
vel með í þann dans,“ segir Björn.
„Hér munu togast á sjónarmið
sem hafa verið ríkjandi í knatt-
spyrnunni í Evrópu og ekki síst
á Englandi um að öll félög eigi að
eiga sem jafnasta möguleika á að
færast upp á milli deilda og ná
árangri í efstu lögum annars vegar
og hins vegar hagsmunir sterkustu
félaganna sem hafa vissulega dregið
að stærstu sjónvarpssamningana
og samstarfsaðilana, til hagsbóta
fyrir minni félögin. Ef kerfinu væri
ekki miðstýrt hvað tekjudreifingu
varðar þá væru lið í ensku úrvals-
deildinni og Meistaradeild Evrópu
ekki að keppa á jafnréttisgrundvelli
við aðra heldur væru allt of sterk.
Svo er bara spurning hvort knatt-
spyrnan vill taka sterkustu félögin
út fyrir sviga og láta þau mætast
oftar yfir árið eða ríghalda í gamal-
grónar og rómantískar hugmyndir
um að þátttaka í keppnum eigi að
ákvarðast út frá úrslitum inni á
knattspyrnuvellinum,“ segir hann
enn fremur um næstu skref í mál-
efnum knattspyrnunnar en bætir
við að hið síðarnefnda hugn ist
honum talsvert betur.
hjorvaro@frettabladid.is
SPORT
FÓTBOLTI Telmo Castanheira, leik-
maður ÍBV, er trúlega á leið frá
félaginu eftir tímabilið, en sam-
kvæmt heimildum Fréttablaðsins
hefur allavega eitt félag í Pepsi
Max-deildinni sýnt leikmanninum
áhuga. Telmo, sem var kjörinn besti
leikmaður ÍBV í fyrra þegar liðið féll
úr úrvalsdeildinni, hefur spilað 18
leiki í sumar en ekki tekist að skora.
Telmo er Portúgali sem ólst upp hjá
Porto en gekk í raðir ÍBV í fyrra.
Telmo hefur skorað tvö mörk í
bikarnum þar sem ÍBV mætir FH í
undanúrslitum, ef KSÍ tekst að koma
að lokakaf la bikarkeppninnar í
þétta dagskrá næstu vikurnar. Ljóst
er að ÍBV nær ekki markmiði sínu
að komast upp í deild þeirra bestu
á þessu ári. Eyjamenn, sem byrjuðu
tímabilið af miklum krafti, eru með
þrjátíu stig um miðja deild þegar
tvær umferðir eru eftir og geta ekki
komist ofar en fjórða sætið. – bb
Áhugi á Telmo
úr efstu deild
FÓTBOLTI Í kvöld verður íslenskur
dómarakvartett sem mun dæma
leik Wales og Færeyja í undan-
keppni EM 2021 í Wales. Er það
í fyrsta sinn sem fjórar íslenskar
konur skipa dómarakvartett í
alþjóðlegum leik A-landsliða, sem
fer fram ytra.
Bríet Bragadóttir, sem hefur
unnið við alþjóðleg verkefni undan-
farin sex ár, verður á f lautunni og
henni til aðstoðar verða þær Rúna
Kristín Stefánsdóttir og Eydís
Einarsdóttir. Varadómarinn sem
verður til taks er Bergrós Unudóttir.
Velska liðið er í harðri baráttu um
annað sætið í riðlinum, en færeyska
liðið er án stiga eftir fimm umferðir.
Leikurinn fer fram í Cardiff og hefst
18.05 að íslenskum tíma. – kpt.
Kvennakvartett
í fyrsta sinn á
erlendri grundu
Bríet og Rúna Kristín ásamt Jovönu
Cosic. FRÉTTABLAÐIÐ/ERNIR
Þungi í málflutningi risanna
Hugmyndir stærstu liða Evrópu um svokallaða Ofurdeild er ekki ný af nálinni. Stærstu liðin vilja stærri
bita af kökunni í fjármálunum og njóta stuðnings FIFA sem vill ná betri stjórn yfir stærstu keppni heims.
Ef hugmyndir stórliðanna ganga fram fá stærstu lið Evrópu að kljást tvisvar á hverju ári og bætist það við álagið sem fylgir deildunum. FRÉTTABLAÐIÐ/GETTY
Ég var ekki hrifinn
af þeim hugmynd-
um sem ég las um í fjöl-
miðlum.
Frank Lampard, knattspyrnustjóri
Chelsea
FÓTBOLTI Í ársskýrslu Manchester
United, sem var gefin út í gær, komu
bersýnilega í ljós áhrif kórónaveiru-
faraldursins á eitt stærsta félag
heims. Félagið varð af sjötíu millj-
ónum í tekjum og jukust skuldir
félagsins um 133% frá því sem áður
var. Skuldir félagsins telja í dag 438
milljónir punda eftir tap upp á 23
milljónir punda á síðasta tímabili.
Tekjur félagsins minnkuðu um
tuttugu prósent á milli ára og hafa
ekki verið lægri í fimm ár. Á nýaf-
stöðnu tímabili komu 509 milljónir
inn í kassann sem er 18,8% minna
en árið áður þegar félagið skilaði
meti í tekjuinnkomu með 627 millj-
ónum. Hluta þess má rekja til þess
að United lék ekki í Meistaradeild
Evrópu á síðasta ári. – kpt
Skuldir United
stórjukust í ár
Liverpool og Barcelona yrðu í aðalshlutverki í nýju deildinni. MYND/GETTY