Fréttablaðið - 10.12.2020, Page 30

Útgefandi: Torg ehf. Veffang: frettabladid.isÁbyrgðarmaður: Björn Víglundsson Sölumaður auglýsinga: Arnar Magnússon, arnarm@frettabladid.is, s. 550 5652.
Pálmar Óli Magnússon, for­stjóri Daga, segir þjónustu fyrirtækisins við sveitarfélög
eiga sér langa sögu. „Við höfum
ávallt lagt áherslu á góða þjónustu
við sveitarfélög. Sveitarfélög
eru í síauknum mæli að úthýsa
verkefnum eins og ræstingum í
skólum, leikskólum og stofnunum
og hafa sveitarfélög á höfuðborgar­
svæðinu verið til fyrirmyndar með
það á undanförnum árum enda
hefur sýnt sig að þau eru að spara
mikla fjármuni með því og skerpa
fókus. Þetta snýst alltaf um að nýta
fjármuni sem best og jafnframt
að hækka þjónustustigið við íbúa
sveitarfélagsins.“
Fasteignaumsjón er einnig áber­
andi liður í starfsemi fyrirtækis­
ins. „Dagar hafa í áratugi þjónu­
stað sveitarfélög með ræstingar en
einnig með aðra þjónustu svo sem
hreingerningar, fasteignaumsjón
og ýmsar sérlausnir. Í fasteigna­
umsjóninni erum við að sjá um allt
frá minni háttar viðhaldi upp í að
sjá um heildar rekstur og viðhald
fasteignarinnar. Ræstingar eru
stærsti þátturinn í okkar starf­
semi. Við urðum upphaflega til
sem ræstingafyrirtæki en höfum
þróast yfir í að sjá um að reka fast­
eignina þannig að fyrirtækin geti
betur einbeitt sér að sinni kjarna­
starfsemi.“
Auknar kröfur um öryggi
Pálmar segir ljóst að hlutverk og
þjónusta ræstingafyrirtækja hafi
sjaldan verið jafn áríðandi eins og
um þessar mundir. „Nú á þessum
viðsjárverðum tímum þá sjáum
við að hreinlæti og ræstingar
skipta miklu máli og þá er rétt
verklag lykilatriðið til þess að
skapa öruggt umhverfi. Einnig er
það svo að ræstingar eru hluti af
þeirri keðju sem tryggir hreinlega
að samfélög séu starfhæf og má þar
nefna að skólar, leikskólar, heil­
brigðisstofnanir og þar fram eftir
götunum eru ekki starfhæf ef ekki
er þrifið og sótthreinsað. Mikil­
vægt er fyrir sveitarfélög að hafa
fagaðila til að sjá um þessi mál,
þannig tryggja þau best öryggi
allra.“
Að sögn Pálmars eru ræstingar
eitt allra mikilvægasta atriðið sem
fyrirtæki og stofnanir þurfa nú að
huga að hvað öryggi starfsfólks og
viðskiptavina snertir. „Nú þegar
heimsfaraldur geisar er okkar
hlutverk að tryggja okkar við­
skiptavinum öruggt og stöðugt
vinnuumhverfi þannig að þau
geti verið starfhæf. Starfsfólk
fyrirtækja og stofnana og skjól­
stæðingar sveitarfélaga munu í
framtíðinni gera skýra kröfu um
öruggt umhverfi og mun það klár­
lega verða stór hluti af ímynd fyrir­
tækja og því munu þau fyrirtæki
sem verða til fyrirmyndar í þeim
efnum ná meiri og betri árangri
í framtíðinni, verða eftirsóttari
vinnuveitandi og þjónustuaðili.
Við ætlum að hjálpa okkar við­
skiptavinum í þeirri vegferð og
vera með öruggar lausnir í þeim
efnum.“
Pálmar Óli segir mikinn metnað og vönduð vinnubrögð einkenna þjónustu Daga en fyrirtækið býður viðskiptavinum sínum upp á öruggar lausnir sem uppfylla ströngustu kröfur.
Ræstingar eru
hluti af þeirri
keðju sem tryggir hrein-
lega að samfélög séu
starfhæf og má þar nefna
að skólar, leikskólar,
heilbrigðisstofnanir og
þar fram eftir götunum
eru ekki starfhæf ef ekki
er þrifið og sótthreinsað.
Framhald af forsíðu ➛
Hér er hópur
starfskvenna
hjá Dögum
en fyrirtækið
leggur mikið
upp úr því að
skapa jákvætt
vinnuumhverfi
þar sem hrós
og stuðningur
við starfsfólk
er í forgrunni.
FRÉTTABLAÐIÐ/
ERNIR
Mikilvægt að hrósa
Hjá Dögum er mikið lagt upp úr
því að skapa góðan starfsanda og
vingjarnlegt andrúmsloft á vinnu­
staðnum. „Við byggjum á gömlum
og góðum grunni og höfum mikla
reynslu. Varðandi framtíðina þá
er mikil hreyfing á markaðinum
og með hækkandi menntunar­
stigi verður vinnustaðurinn sífellt
stærri hluti af upplifun starfs­
fólks. Það skiptir æ meira máli
að vinnustaðurinn sé aðlaðandi,
skemmtilegur og gefandi. Við
erum að bregðast við þeirri þróun
með að bjóða upp á lausnir sem
hækka þjónustustig fyrirtækja
og sveitarfélaga til starfsfólks og
skjólstæðinga.“
Þá hafa Dagar einnig um árabil
lagt mikla áherslu á jafnréttismál.
„En auk þess að leggja áherslur
á heilbrigðis­, umhverfis­ og
öryggismál má ekki gleyma að
nefna jafnréttismál en við höfum
lagt mikla áherslu á þau um árabil.
Jafnlaunavottunin var mikið
framfaraskref, og við hjá Dögum
erum ákaflega stolt af því að hafa
árið 2013 verið eitt þriggja fyrstu
fyrirtækja til að hljóta jafnlauna­
vottun VR sem þá var, og árið 2018
þá fengum við jafnlaunastaðalinn
ÍST 85:2012. Þannig að við erum
alltaf að leggja okkar af mörkum
til að tryggja jafnrétti.“
Pálmar segir hrós og stuðning
við starfsfólk lykilatriði í því að
byggja upp góðan starfsanda.
„Eitt af því sem við hjá Dögum
gerum líka til að stuðla að jákvæðu
vinnuumhverfi er að hrósa starfs­
fólki markvisst. Í hverjum mánuði
veitum við einhverju af okkar
starfsfólki viðurkenningu fyrir vel
unnin störf. Viðurkenningin heitir
Gullna brosið og er þakklæti til
starfsmanns fyrir framúrskarandi
störf. Viðskiptavinir tilnefna
starfsfólk og það er afskaplega
gaman fyrir okkur að geta hrósað
starfsfólki. Við leggjum mikla
áherslu á að hrósa starfsfólki og
veita því jákvæða endurgjöf og
hjálpa því með það sem vantar
upp á, hvort sem það er tungu­
málakunnátta eða önnur þjálfun
og kennsla. Þetta er hluti af því að
tengjast betur fólkinu okkar og
sama með starfsmannasamtölin
sem eru fastur liður hjá okkur.“
Í allri starfsemi Daga eru fjögur
mikilvæg gildi höfð að leiðar­
ljósi. „Gildi Daga eru frumkvæði,
virðing, ábyrgð og gæði. Við teljum
það grunninn að okkar árangri en
ásamt því reynum við að innleiða
frumkvæði, gleði og hvatningu til
starfsfólks og teljum það skipta
miklu máli.“
2 KYNNINGARBLAÐ 1 0 . D E S E M B E R 2 0 2 0 F I M MT U DAG U RHAFNARFJÖRÐUR OG GARÐABÆR