Fréttablaðið - 10.12.2020, Page 32

Skrifstofa KPMG í Hafnar­firði var opnuð við Reykja­víkurveg 66 fyrir fimm árum
og hefur vaxið og dafnað síðan þá.
„Við þjónustum einstaklinga, sem
og lítil, meðalstór og stór fyrirtæki.
Hjá okkur er lögð áhersla á góða og
persónulega þjónustu og umfram
allt gæði og fagmennsku. Við­
skiptavinir okkar koma alls staðar
að af landinu og við þjónustum
alla sem til okkar leita,“ segir Þor­
gils Óttar.
Skrifstofa í Hafnarfirði
KPMG er hluti af alþjóðlegu neti
fyrirtækja, en höfuðstöðvar
þess á Íslandi eru í Borgartúni í
Reykjavík. Í heildina starfa hátt í
þrjú hundruð manns hjá KPMG á
Íslandi og eru skrifstofur félagsins
16 talsins víðs vegar um landið.
„KPMG er með skrifstofur um allt
land en hugsunin er sú að vera í
nálægð við viðskiptavinina og það
var ástæða þess að við opnuðum í
Hafnarfirði.
Við finnum líka að mörgum
finnst þægilegra að koma hingað
þar sem um er að ræða minni
einingu. Vissulega er stór hluti
viðskiptavina okkar Hafn­
firðingar en við erum einnig
með marga viðskiptavini úti á
landi og jafnvel erlendis,“ segir
Þorgils Óttar, en auk hans starfa
sex manns á skrifstofu KPMG í
Hafnarfirði. „Um er að ræða þrjá
viðskiptafræðinga, tveir af þeim
eru að læra undir löggildingu í
endurskoðun og hafa lokið mast­
ersnámi, og þrjá viðurkennda
bókara,“ segir hann.
Endurskoðun og bókhald
Á meðal helstu verkefna KPMG
í Hafnarfirði er endurskoðun og
hefðbundin reikningsskil, það er
ársreikningar fyrir lítil, meðal­
stór og stór fyrirtæki og bókhald.
„Við sinnum endurskoðun fyrir
stærri fyrirtæki, eins og lög kveða
á um. Þá sjáum við um bókhald
fyrirtækja af öllum stærðum og
gerðum. Bókhaldið hjá smærri
fyrirtækjum og einyrkjum mætir
oft afgangi þegar mikið er að gera í
rekstrinum og kvöldin eða helgar
eru þá oft nýtt í það. Við leggjum
þetta því svona upp við viðskipta­
vinina: Einblíndu á það sem skiptir
máli, sem er rekstur og fjölskylda,
og láttu okkur sjá um bókhaldið.
Auk þess aðstoðum við einstakl­
inga við að gera skattframtölin
sín, þó að það sé að mestu orðið
rafrænt og fremur einfalt í sniðum
getur komið upp sú staða að fólk
þarf aðstoð við skattframtalið,
til dæmis vegna kaupa eða sölu á
fasteign, verktakavinnu og fleira,“
upplýsir Þorgils Óttar.
Gagnsæi í rekstri
KPMG í Hafnarfirði er í nánu
samstarfi við höfuðstöðvarnar í
Reykjavík. „Í Borgartúni er ráð­
gjafarsvið, skattasvið og lögfræði­
svið og við getum alltaf leitað
þangað ef við þurfum á sérfræði­
þjónustu að halda. Ef svo ber undir
er einnig auðvelt að leita til kollega
okkar hjá KPMG á alþjóðavísu.“
Þorgils Óttar segir rétt að hafa
í huga að það eru vaxandi kröfur
hvað varðar reikningsskil og verið
að gera meiri kröfur varðandi
upplýsingagjöf og gagnsæi í rekstri
fyrirtækja og um leið hvernig
hlutirnir eru fram settir. „Við erum
með starfsfólk sem er sérfræðingar
á þessu sviði, enda þarf þetta allt
að vera í lagi.“
Einblíndu á það sem skiptir máli
Þorgils Óttar Mathiesen er löggiltur endurskoðandi og veitir KPMG í Hafnarfirði forstöðu, en þar
er boðið upp á faglega þjónustu á sviði endurskoðunar, skatta- og alhliða fjármálaráðgjafar.
Skrifstofa
KPMG í
Hafnarfirði
er persónu-
leg og þar er
fagmennskan
í fyrirrúmi.
„KPMG er
með skrif-
stofur um allt
land en hugs-
unin er sú að
vera í nálægð
við viðskipta-
vinina,“ segir
Þorgils Óttar
Mathiesen.
Hvernig myndir þú lýsa Garðabæ?Garðabær er heima. Rólegur fjölskyldu­bær.
Hvað er mest töfrandi við bæinn?
Fyrir utan náttúruperlurnar sem hér leynast
og margir vita ekki af, finnst mér fólkið sem býr
hérna mest töfrandi við bæinn. Það er vinalegt að
búa hér, fólk þekkir hvert annað og það er mikil
samheldni. Það er líka einstaklega gott að vera
með börn í Garðabæ. Skólarnir og leikskólarnir
eru góðir og íþróttastarf er öflugt. Ég get ímyndað
mér að Garðabær sé svolítið eins og bæjarfélag úti
á landi en samt í borg.
Hvernig var að alast upp í Garðabæ?
Mér fannst það frábært, en hef auðvitað ekki
prófað neitt annað. Ég átti mikið af vinum sem ég
á enn í dag. Það er líka áberandi að fólk sem ólst
upp í Garðabæ sækir í að búa þar áfram þegar það
er orðið fullorðið. Því er nánast eins og að fara á
„re union“ að horfa á fótboltaleiki barnanna sinna,
sem dæmi. Þar eru saman komnir gömlu vinirnir
sem búa margir enn í bænum.
Hvað einkennir Garðbæinga og stemninguna í
bænum?
Garðabær er bær í borg; þannig er bæjarstemn­
ingin.
Hver er þinn eftirlætis staður í heimabænum?
Mér finnst dásamlegt að fara út í Gálgahraun, í
göngutúra með fram ströndinni, sem og í Heið­
mörk við Vífilsstaðavatn, Maríuhella og Búrfells­
gjá. Það er mikið af fallegum náttúruperlum í
Garðabæ sem meira að segja margir Garðbæingar
vita ekki sjálfir af. Af veraldlegri stöðum er í uppá­
haldi að kíkja út að borða á veitingastaði bæjarins.
Hver er mesta mýtan um Garðbæinga?
Mýtur um Garðbæinga eru reyndar skemmti­
lega margar; já, hvar á ég að byrja? Ætli ég segi
ekki bara sú mýta að allir nema Máni á X­inu séu
Sjálfstæðismenn. Það er til dæmis ekki rétt, það
eru alveg tveir til þrír aðrir sem ekki eru Sjálf­
stæðismenn.
Hvað verða allir að prófa sem koma í Garða-
bæ?
Steypta kalda pottinn í sundlauginni Ásgarði.
Hver er þín kærasta minning úr Garðabæ?
COVID­tíminn hefur nú gert mann enn meyr­
ari en vanalega, þannig að þegar maður hugsar
til baka eru það bara allar þessari stundir með
fjölskyldu og vinum. Fjölskylduboð, vinahitt­
ingar, skólagangan, áramótabrennurnar og 17.
júní­hátíðarhöldin þar sem maður nánast þekkir
öll andlit; að fylgjast með börnunum njóta sín í
Stjörnunni, kenna þeim að hjóla í götunni... já,
ég get bara ómögulega valið á milli.
Eru Garðbæingar þekktir fyrir eitthvað sér-
stakt í matargerð?
Ég er nú ekki besta manneskjan til að spyrja
um þetta, að elda hefur aldrei verið í uppáhaldi
hjá mér. Ætli það væri þá ekki humar og kampa­
vín? Það er allavega ein af mýtunum um Garða­
bæ! Á mínu heimili er hakk og spaghettí alltaf
vinsælast og ég get kannski farið að gera það að
svona Garðabæjar­„speciality“.
Hvernig væri draumadagur í Garðabæ?
Að fara saman í hjólatúr fjölskyldan, í aðra
hvora sundlaug bæjarins og síðan út að borða á
Mathúsið eða Sjáland. Við stefnum á það í vor
þegar COVID­ástandinu fer vonandi að ljúka.
Kampavín og
humar í öll mál
Leikkonan Þórunn Erla Clausen er borinn og barn-
fæddur Garðbæingur. Hún segir algenga mýtu að
allir Garðbæingar séu Sjálfstæðismenn. Þar leynist
töfrandi mannlíf og margar faldar náttúruperlur.
Þórunn Erna segir Garðbæinga sjálfa vera það mest töfrandi við bæinn.MYND/AÐSEND
4 KYNNINGARBLAÐ 1 0 . D E S E M B E R 2 0 2 0 F I M MT U DAG U RHAFNARFJÖRÐUR OG GARÐABÆR