Harmonikublaðið - 01.05.2015, Qupperneq 2

Ávarp formanns
Ágætu harmonikuunnendur!
Gleðilegt sumar og kærar þakkir fyrir vetur-
inn. Eg veit að flest aðildarfélög S.I.H.U.
hafa haft nóg fyrir stafni í vetur. Nú er sum-
arið framundan og vetrarstarfinu að ljúka hjá
flestum með harmonikuspili um land allt á
Harmonikudeginum, laugardaginn 2. maí.
Það er von mín að tónar harmonikunnar fái
að heyrast sem víðast og allir þeir harmo-
nikuleikarar sem standa vilja undir nafni,
setji á sig nikkuna þennan dag og leiki fyrir
gesti og gangandi. Síðan má gera ráð fyrir því
að flest aðildarfélög byrji undirbúning að
harmonikuhátíðum sínum eins og undan-
farin ár, þar sem boðið verður upp á fjöl-
breyttar og skemmtilegar hátíðir fyrir harmo-
nikuunnendur og gesti þeirra. Það er vonandi
að veðurguðirnir verði okkur ekki eins and-
snúnir og síðasta sumar og þess vegna er það
von mín að aðsókn verði mun betri á hátíð-
unum þetta árið.
Harmonikufélag Héraðsbúa fagnaði 30 ára
afmæli á síðasta ári og varð ég þeirrar ánægju
aðnjótandi að vera viðstaddur glæsilegan
afmælisfagnað. Þarna mættu allar helstu
kempur þessa ágæta félags og spiluðu fyrir
gesti af stakri prýði. Ég vil þakka fyrir mig
og um leið óska Héraðsbúum enn og aítur
til hamingju með afmælið.
Á síðasta aðalfundi sambandsins sem haldinn
var í Hveragerði, í boði Harmonikufélags
Selfoss voru rædd ýmis mál og meðal annars
var stjórn sambandsins falið að efna til
æfingabúða fyrir ungmennin okkar og eins
að standa fyrir fjáröflunardansleik undir nafni
S.I.H.U. Einnig voru önnur mál sem vísað
var til stjórnar svo sem að kanna möguleikann
á því að gefa út
geisladisk með
öllum landsmóts-
lögum frá upp-
hafi. Fleiri málum
var vísað til
stjórnar. Næsta
landsmót bar á
góma og var alls
ekki gott útlit
hvað það varðaði.
Var heldur nei-
kvæður tónn á fundinum og horfði ugg-
vænlega í lok fundarins um Landsmótið
2017. Þetta átti síðan eftir að breytast, því
strax upp úr áramótunum bárust þær gleði-
fréttir að stjórn Harmonikufélags Vestfjarða
hefði samþykkt að halda landsmót á Isafirði
2017. Voru þetta mikla gleðifréttir í árs-
byrjun. Þeir eru eflaust margir sem horfa með
tilhlökkun til Isafjarðar, minnugir dýrðardaga
á Landsmótinu sumarið 2002. Þó ekki sé
langur tími liðinn eru allar aðstæður til að
komast vestur breyttar og mun auðveldara
en áður. Starfsár stjórnar sambandsins hefur
verið með svipuð sniði og undanfarin ár.
Stjórnarfundir hafa verið haldnir reglulega
og málefni sambandsins rædd.
Fyrsta verkefni stjórnar var að undirbúa
æfingabúðir fyrir ungmennin okkar.
Ákveðið var að halda þessa uppákomu að
Reykjum í Hrútafirði um miðjan apríl 2015.
Haft var samband við alla tónlistarskóla í
landinu og eins haft samband við þá tón-
listarkennara er vitað var að væru með nem-
endur í harmonikuleik. Því miður verður að
segjast að undirtektir voru það dræmar að
hætta varð við þessar
æfingabúðir og er það
miður. Ástæður eru
eflaust margar og tel ég
að þátttökukostnaður hafi verið of hár og
eins verður að taka með í reikninginn að
ferðakostnaður er mikill fyrir þá er koma
langt að. Ég er enn það bjartsýnn að telja að
okkur takist innan fárra ára að endurvekja
þessar æfingabúðir að nýju. Til stóð að efna
til fjáröflunardansleiks í tengslum við Harmo-
nikudaginn, en stjórnin var sammála um að
fresta dansleiknum fram á haustið og verður
hann fyrirhugaður í enda september eða í
byrjun október í haust. Það er von okkar að
við fáum okkar bestu spilara til að mæta á
staðinn og taka lagið fyrir okkur. Sala á leik-
skóladiskinum hefur gengið vel og var farið
í það að panta fleiri diska og eru þeir komnir
í hús. Þeir sem áhuga hafa á að eignast disk-
inn eða að fá hann til að selja hafið samband
við undirritaðan.
Aðalfundur S.Í.H.U. verður haldin á Hellu,
dagana 18. - 20. september og mun Harm-
onikufélag Rangæinga sjá um allan undir-
búning fyrir þennan fund. Nánari upplýs-
ingar um fundinn verða sendar til formanna
aðildarfélaga S.I.H.U. í tíma. Fundurinn
verður á Stracta Hótel, Hellu og gisting í boði
á sama hóteli.
Að lokum vonast ég til að sumarið verði
okkur öllum til ánægju og gleði og að við
fjölmennum á öll þau harmonikumót sem í
boði verða.
GLeðilegt sumar,
Gunnar Kvaran, formaður
Q
Sagnabelgurinn
Og keyrir samt
Maður er nefndur Leifur H. Magnússon,
hljóðfæraleikurum að góðu kunnur. Hann er
Skagamaður að uppruna og hóf ungur að leika
á hljóðfæri. Hann veiktist alvarlega þegar hann
var sjö ára gamall, sem varð til þess að hann
missti sjónina. Leifur nam píanóstillingar í
Bandaríkjunum og hefur starfað við það í
fjörutíu og átta ár, en Leifur er fæddur 1947.
Hann rak lengi hljóðfæraverslun undir eigin
nafni, en seldi fyrirtækið 2004. Þar seldi hann
aðallega píanó og harmonikur.
Þar sem Leifur er kunnugur staðháttum, fer
hann nánast hiklaust um. Hann hefur alla tíð
átt gott með að „sjá“ skoplegu hliðar tilver-
unnar. Það bar eitt sinn til að kona á Húsavík
hringdi til að panta píanó. Eftir að hafa samið
um verð, spurði konan hvort hún mætti ekki
senda vin sinn til að greiða helming kaup-
verðsins næsta morgun og afganginn þegar
píanóið kæmi norður. Það var auðsótt mál.
Næsta morgun birtist maður heima hjá Leifi
til að greiða fyrri greiðsluna. Það hagaði þannig
til að Leifur og Guðleif kona hans bjuggu við
Hraunteig, nánast í næsta húsi við verslunina.
Þetta var að vetri til og snjór yfir öllu. Leifur
hafði það fyrir venju að fara út á undan frúnni,
setja bílinn í gang og skafa snjó af rúðunum.
I sömu mund og maðurinn kom sté Leifur út
úr bílnum og maðurinn gekk til hans og bauð
góðan daginn. Hann skýrði frá erindi sínu og
Leifur bauð honum að ganga með sér inn.
Maðurinn hafði ekki hugmynd um blindu
Leifs. Þegar þeir gengu upp tröppurnar að
dyrunum að íbúð Leifs, tók maðurinn eftir
því að Leifur fór mjög varlega, enda sleipt í
tröppunum. Honum varð að orði, „Sérð þú
illa Leifúr“. Leifur svaraðir sannleikanum sam-
kvæmt. „Ja, ég sé nú bara ekki neitt“. Þá sagði
aðkomaðurinn, „Og keyrir samt“.
2