Fréttablaðið - 18.12.2020, Síða 13

Á aðventunni, um jól og áramót eru
Fossvogskirkjugarður, Gufuneskirkjugarður,
Kópavogskirkjugarður og Hólavallagarður opnir allan
sólarhringinn nema Fossvogskirkjugarður er lokaður
fyrir allri bílaumferð á aðfangadag milli kl 11:00 og
14:00 vegna mikils fjölda gangandi og slysahættu.
Þeir sem ekki geta vitjað leiða ástvina sinna nema koma
akandi er bent á að koma annað hvort fyrir eða eftir
tilgreindan lokunartíma.
Ökumönnum er bent á bílastæði við Fossvogskirkju,
Suðurhlíð og Vesturhlíð. Á Þorláksmessu og aðfangadag
er hringakstur í Gufuneskirkjugarði með aðkomu
eingöngu frá Hallsvegi og farið er út norðan megin inn
á Borgaveg eins og verið hefur.
Símavarsla verður á skrifstofu Kirkjugarðanna á
aðfangadag og gamlársdag frá kl. 08:00 - 12:00 í síma
585 2700 fyrir þá sem þurfa að leita upplýsinga og
aðstoðar.
Starfsfólk Kirkjugarðanna hvetur þá sem tök hafa á
og ætla að vitja leiða ástvina sinna um þessi tímamót
að koma í garðana dagana fyrir Þorláksmessu til að
minnka smithættu vegna farsóttarinnar.
Hægt er að nálgast upplýsingar um staðsetningu leiða á
vefnum www.gardur.is
Starfsfólk Kirkjugarða Reykjavíkurprófastsdæma.
www.kirkjugardar.is
Opnunartímar Kirkjugarða
Reykjavíkur um jólin