Víkurfréttir - 26.08.2020, Síða 77

Fyrsta tap kvennaliðs Keflavíkur á tímabilinu
Toppliðin tvö mættust á Nettóvellinum í 11. umferð Lengjudeildar
kvenna í knattspyrnu. Það var markahæsti leikmaður deildarinnar,
Muriella Tiernan, sem skaut Keflavík í kaf og skoraði þrennu í 3:1 sigri
Tindastóls og fyrsta tap Keflavíkur á tímabilinu staðreynd. Það var
Natasha Moraa Anasi sem skoraði mark Keflavíkur (57’).
Fyrir leikinn var Keflavík efst
með 20 stig en Tindastóll með
19, þessi úrslit þýða að liðin hafa
sætaskipti á toppi deildarinnar.
Keflavík tefldi fram nýjum leik-
manni, Claudia Nicole Cagnina,
sem er perúsk landsliðskona og
kemur inn í liðið í stað Anitu
Lindar Daníelsdóttur sem er farin
í nám erlendis.
Jafntefli í Mosfellsbænum
Keflvíkingar voru einir í efsta sæti Lengjudeildar karla fyrir leiki
helgarinnar. Þeir mættu Aftureldingu á útivelli í jafnri og spennandi
viðureign sem lauk með jafntefli, 2:2. Mörk Keflvíkinga skoruðu þeir
Ari Steinn Guðmundsson (8’) og Joey Gibbs (50’).
Afturelding jafnaði á loka-
mínútum leiksins og Eysteinn
Hauksson, þjálfari Keflvíkinga,
var að vonum svekktur eftir
leikinn. Í viðtali við Fótbolti.net
sagði hann m.a.: „Mér er efst í
huga svekkelsi að missa þetta
niður [...] Þetta var algjörlega
að ganga upp þegar við settum
annað markið en þeir ná svo einni
langri aukaspyrnu sem skoppar
tvisvar í teignum og það eigum
við ekki að sætta okkur við.“
Keflvíkingar eru eftir sem áður
á toppi deildarinnar en jafnir
Fram að stigum. ÍBV er einu stigi
á eftir Keflavík og Fram, þá koma
Leiknismenn fjórum stigum frá
toppnum en Keflvíkingar mæta
þeim í Breiðholtinu á föstudag.
„Einn af þessum dögum
en við ætlum að vinna deildina“
Natasha Anasi, fyrirliði
kvennaliðs Keflavíkur, ætlar
að vinna Lengjudeildina
þrátt fyrir tap gegn Tinda-
stóli í síðustu umferð. Kefla-
vík fékk víti í stöðunni 1:0 en
markvörður Tindastóls gerði
sér lítið fyrir og varði spyrn-
una og Stólarnir brunuðu
upp og skoruðu.
„Það hefði verið sætt að vinna
leikinn gegn Tindastóli og vera í
efsta sæti en við erum í góðum
málum og höfum náð að koma okkur
í góða stöðu. Við settum okkur
það markmið að vinna deildina og
stefnum ennþá á það, það er nóg
eftir af leikjum til að það takist.“
– Svekkjandi að misnota víti og
svo skora þær strax í kjölfarið.
„Já en svona er fótboltinn stundum.
Mér fannst við eiga ágætan leik, við
héldum boltanum ágætlega en það
er eitthvað sem við höfum verið
að vinna í. Þetta var bara einn af
þessum dögum, þær kláruðu sín
færi og því fór sem fór. Við lærum
af þessu.“
– Þið voruð að bæta við ykkur
leikmanni, hvernig kemur hún út?
„Hún þurfti auðvitað að klára sóttkví
svo við höfum ekki fengið mikið
tækifæri til að kynnast henni. Hún
kom nánast beint í leikinn og svo er
stutt í þann næsta. Við höfum aðeins
náð að spjalla við hana á æfingum
og hún virðist vera viðkunnanleg og
góð manneskja. Það var fínt að sjá til
hennar í leiknum og hún kom ágæt-
lega út í honum – ég held að hún eigi
eftir að styrkja liðið.
Næsti leikur er svo útileikur á móti
Augnabliki. Mér finnst gott að það sé
svona stutt á milli leikja því þá hefur
maður ekki tækifæri til að velta sér
upp úr úrslitum síðasta leiks. Maður
þarf að einbeita sér að þeim næsta –
taka einn leikur í einu og svo sjáum
við hvað setur.“
JPK
FJÓRIR KEFLVÍKINGAR Í ÚRVALSLIÐI LENGJUDEILDARINNAR
Knattspyrnumiðillinn Fótbolti.net
hefur gefið út val sitt á úrvalsliði fyrri
umferðar Lengjudeildar karla í knatt-
spyrnu. Keflvíkingar eru þar fyrir-
ferðarmiklir og eiga flesta fulltrúa í
úrvalsliðinu, eða fjóra, auk þess sem
þeir Eysteinn Hauksson og Sigurður
Ragnar Eyjólfsson voru valdir þjálf-
arar fyrri umferðar enda að gera frá-
bæra hluti með Keflavíkurliðið.
Keflvíkingar tróna á toppi Lengju-
deildarinnar og eiga verðskuldað
fjóra fulltrúa í úrvalsliðinu að mati
Fótbolti.net sem valdi fyrirliðann
Frans Elvarsson, Sindra Þór Guð-
mundsson, Rúnar Þór Sigurgeirsson
og að sjálfsögðu markahæsta mann
deildarinnar, Joey Gibbs. Nacho
Heras var nálægt því að verða valinn
fimmti Keflvíkingurinn í liðið.
Úrvalslið fyrri hluta Lengjudeildar karla lítur svona út að mati Fótbolti.net:
Robert Blakala (Vestri), Sindri Þór Guðmundsson (Keflavík), Unnar Steinn
Ingvarsson (Fram), Bjarni Ólafur Eiríksson (ÍBV), Rúnar Þór Sigurgeirsson
(Keflavík), Vuk Oskar Dimitrijevic (Leiknir), Frans Elvarsson (Keflavík), Albert Haf-
steinsson (Fram), Fred (Fram), Gary Martin (ÍBV) og Joey Gibbs (Keflavík).
Þeir Sindri Þór Guðmundsson, Rúnar Þór Sigurgeirsson, Frans Elvarsson og Joey Gibbs voru valdir í úrvalslið fyrri hluta Lengjudeildar karla.
Perúska landsliðskonan
Claudia Nicole Cagnina er
nýr leikmaður Keflavíkur.
vÍkurFrÉttir á suðurNEsJuM Í 40 ár // 13