Sjómannadagsblaðið - 30.05.2008, Side 26

26 SJÓMANNADAGSBLAÐIÐ 30. MAÍ 2008
Hugmyndin að Öldubrjótnum varð til
vegna skorts á starfsfólki í
aðhlynningu. Um leið var hópur
erlendra einstaklinga sem eru mjög
frambærilegir að sækja um vinnu á
Hrafnistu en ekki var hægt að ráða þá
þar sem þeir töluðu ekki íslensku.
Hrafnista hefur sett sér það markmið
að ráða einungis starfsfólk sem talar
íslensku í aðhlynningu. Hrafnista sá
tækifæri í því að fara af stað með þetta
verkefni og þjálfa þar með nýja
framtíðarstarfsmenn.
Mikill áhugi var fyrir þátttöku í
Öldubrjótnum. Yfir 100 umsækjendur
sóttu um og voru 17 konur valdar.
Þær komu frá 9 þjóðlöndum; Namibíu,
Tansaníu, Kenýa, Svíþjóð, Þýskalandi,
Rússlandi, Póllandi, Búlgaríu og
Filippseyjum. Bakgrunnur kvennanna
er jafn misjafn og þær eru margar,
nokkrar eru ungar konur með
grunnskóla- eða stúdentspróf, tvær
eru hjúkrunarfræðingar, ein með
meistarpróf í ensku og hefur gefið út
barnabækur í sínu heimalandi og ein
er næringafræðingur svo einhver
dæmi séu tekin. Sumar eru hér með
fjölskyldur sínar, aðrar komu til
Íslands einar og ætla að byggja hér
upp framtíð sína.
Eftir um það bil tveggja mánaða
undirbúning hófst skólinn, þann 18.
febrúar, með 4 vikna námi í íslensku
sem Mímir símenntun sá um og í
upphafi tóku nemendurnir stöðupróf í
íslensku. Samfélagsfræðslan var í
höndum ýmissa starfsmanna
Hrafnistu og um verknámskennslu
sáu Þórunn Sveinbjarnardóttir og
Oddný Ragnarsdóttir
hjúkrunarfræðingar. Því næst tók við
4 vikna starfsþjálfun á deild þar sem
hver nemandi hafði sinn leiðbeinanda.
Það hefur verið mikið álag á
starfsmönnum Hrafnistu undanfarið
vegna manneklu og þeir sem hafa
leiðbeint nemum vita að það er
krefjandi verkefni sem bætist við
daglega vinnu. Þeir starfsmenn sem
tóku þetta verkefni að sér stóðu sig
allir með stakri prýði og eru flestir
sammála um að þetta hafi ekki síður
verið lærdómsríkur tími fyrir þá.
Verkefni eins og Öldubrjótur er
mikið verk fyrir stofnun eins og
Hrafnistu og höfum við velt því fyrir
okkur hvort það sé í okkar höndum að
sjá um þannig mál. Hugmyndin að
þessu verkefni kemur frá grasrótinni
eða úr umhverfi þar sem áhrif
manneklunnar hafa verið hvað mest.
Þetta verkefni er líka í samræmi við
stefnu ríkisstjórnarinnar um móttöku
og menntun innflytjenda. Við höfum
nú þegar fengið styrki bæði frá
Heilbrigðisráðuneytinu og
Menntamálaráðuneytinu, Eflingu og
Starfsmenntaráði og við munum
halda áfram að sækja um á fleirri
stöðum.
Áhrifin af þessu verkefni er
margvísleg og meðal annars hefur
Hrafnista fengið mjög jákvæða
umfjöllun bæði í blöðum og sjónvarpi.
Við höfum kynnt Öldubrjót víða, t.d.
hjá Stjórnvísi, Rótarý,
Innflytjendaráði, FAAS (Félag
aðstandenda alsheimerssjúklinga) og í
námi hjá heilbrigðisriturum.
Verkefnið hefur líka vakið athygli
ráðamanna á manneklu
hjúkrunarheimila.
Samhliða náminu í Öldubrjóti hafa
flestir nemendurnir tekið þátt í
Mentor verkefni Rauða kross Íslands,
en það verkefni byggir á danskri
fyrirmynd og hefur sópað að sér
samfélagsverðlaunum þar í landi.
Markmið verkefnisins er að rjúfa
félagslega einangrun kvenna af
erlendum uppruna með
jafningjasambandi við innlendar
konur. Með þessu er byggt upp
stuðningsnet og þær styrktar og
efldar til að takast á við allt það sem
íslenskt samfélag hefur upp á að
bjóða.
Hvert er svo framhaldið? Núna eru
nemendurnir ekki lengur formlegir
nemendur Öldubrjóts, en fara allir í
stöðupróf í íslensku í september til að
meta árangur og einnig verður tekið
viðtal við þá og nokkra starfsmenn
Hrafnistu um hvernig til hafi tekist.
Eins og sagt var í upphafi eru
konurnar ekki útlærðar í íslensku,
samfélaginu né vinnuálagi, en með
samstilltu átaki allra er það trú okkar
að við getum aðstoðað og hjálpað til
við aðlögun og kennslu þannig að allir
njóti þess sem við höfum upp á að
bjóða.
Hrönn Ljótsdóttir og
Lovísa A. Jónsdóttir
Árleg Sjómannadagsmessa verður í
Dómkirkjunni kl. 11.00 að morgni
Sjómannadagsins. Biskup Íslands,
herra Karl Sigurbjörnsson, predikar
og séra Hjálmar Jónsson þjónar fyrir
altari. Dómkórinn syngur við
athöfnina, organisti er Marteinn H.
Friðriksson og um trompetleik sjá
Einar St. Jónsson og Guðmundur
Haftseinsson
Að venju sér Sjómannadagsráð um
gerð messuskrár. Forsíðumynd
messukrárinnar er af steindum glugga
í Bessastaðakirkju sem Finnur
Jónsson gerði. Myndina kallar Finnur
Landsýn Papanna. Listasafn Íslands
gaf Sjómannadagsráði góðfúslegt leyfi
fyrir notkun myndarinnar í þessum
tilgangi.
Jón Ögmudur Þormóðsson,
skrifstofustjóri í Viðskipta-
ráðuneytinu orti ljóð um þennan
glugga Finns og birtist það í bókinni
Fegursta kirkjan á Íslandi.
Bessastaðakirkja
Steindu gluggarnir í Bessastaðakirkju
sem Ásgeir forseti óskaði sér í afmælisgjöf:
Ákvörðun til eftirbreytni.
Landsýn Papanna eftir Finn:
Fyrsta síða íslenskrar kristnisögu,
skráð á litað gler.
Minnstu þess,
er þú horfir á töflu Muggs,
hversu Kristur læknaði sjúka -
og læknar enn.
Mikill mannauður
á Hrafnistu
Þann 18. apríl síðastliðinn útskrifuðust 17 konur af erlendum
uppruna úr Öldubrjóti, íslensku- samfélags- og verknámsskóla
Hrafnistu. Í kjölfarið bíður þeirra ærið verkefni í að læra bæði okkar
ástkæra ylhýra mál og allar þær skrifuðu og óskrifuðu reglur sem
gilda í okkar samfélagi.
Sjómannamessa
í Dómkirkjunni