Sjómannadagsblaðið - 30.05.2008, Síða 27

2730. MAÍ 2008 SJÓMANNADAGSBLAÐIÐ
Heilsunuddpottar
2008 línan er komin
Smiðjuvegi 76 • Kópavogi • Sími 414 1000 • Fax: 414 1001 • www. tengi.is
Baldursnesi 6 • Akureyri • Sími 414 1050 • Fax: 414 1051 • tengi@tengi.is
Hollvinasamtök varðskipsins Óðins
voru stofnuð á haustdögum 2006.
Markmið samtakanna er að varðveita
þetta sögufræga skip.
Hollvinasamtökin voru stofnuð að
frumkvæði Sjómannadagsráðs eftir að
Guðmundur Hallvarðsson, formaður
ráðsins, lagði fram tillögu þessa efnis.
Hugmynd Hollvinasamtakanna er að
gera verðskipið Óðinn að sögusafni
þorskastríðanna og að þar verði einnig
varðveitt björgunarsaga íslenskra
varðskipa.
„Varðskipið Óðinn tók þátt í
þorskastríðunum þegar landhelgin var
færð út í 50 mílur og síðar 200 mílur.
Óðinn er því sögulegt tákn um sigur
lítillar eyþjóðar yfir heimsveldi Breta,”
segir Guðmundur Hallvarðsson.
Hugmynd Guðmundar hlaut mikið
fylgi og húsfyllir var á stofnfundi
Hollvinasamtakanna. Meðal
ræðumanna á stofnfundinum voru
forseti Íslands, herra Ólafur Ragnar
Grímsson og Björn Bjarnason
dómsmálaráðherra.
Einu og hálfu ári eftir stofnfundinn
er draumur Guðmundar og félaga
hans orðinn að veruleika. ,,Nú á 70
ára afmæli Sjómannadagsins er Óðinn
kominn loksins kominn í örugga höfn.
Árni Matthiesen fjármálaráðherra og
Björn Bjarnason dómsmálráðherra
hafa fyrir hönd ríkisins afhent
Hollvinasamtökunum skipið. Óðinn
var ekki lengi í okkar vörslu, því
samtökin fólu í kjölfarið Víkinni –
Sjóminjasafninu í Reykjavík skipið til
varðveislu. Nú liggur Óðinn við
bryggju við Víkina og er hluti af þessu
merkilega safni,” segir Guðmundur.
„Ég skora á sem flesta og gera sér ferð
í Víkina og skoða þetta glæsilega skip
sem beinlínis angar af sögu. Það er
bæði fróðlegt og skemmtilegt að
ganga um skipið sem smíðað var árið
1960 og sjá með eigin augum hvernig
búið var að skipverjum og íbúð
skipherrans á örugglega eftir að koma
mörgum á óvart. Inn af henni er
gestaíbúð, svo kölluð forsetaíbúð, en
Ásgeir Ásgeirsson, fyrrverandi forseti
okkar, nýtti sér það alloft að ferðast
með Óðni.”
Sigrún Magnúsdóttir, forstöðu-
maður Víkurinnar, segir að
vandfundinn sé glæsilegri safngripur
en varðskipið Óðinn. „Það er mikill
fengur í skipinu og Óðinn verður mikil
lyftistöng fyrir Víkina, sjóminjasafn
Reykjavíkur.
Óðinn kominn í höfn