Sjómannadagsblaðið - 30.05.2008, Qupperneq 32

32 SJÓMANNADAGSBLAÐIÐ 30. MAÍ 2008
Sendum íslenskum sjómönnum
árnaðaróskir á hátíðisdegi þeirra
Mikið kapp er lagt á uppbyggingu og
viðhald á orlofssvæði sjómanna í
Hraunborgum í Grímsnesi. Töluverð
eftirspurn er eftir nýjum lóðum, enda
svæðið fjölskylduvænt og vinsælt.
Ásgeir S. Ingvason, framkvæmdastjóri
Sjómannadagsráðs, segir fólk eðlilega
gera miklar kröfur um góðan aðbúnað
á sumarbústaðasvæðum „og við
gerum allt sem við getum til þess að
standa undir öllum væntingum
sumarbústaðaeigenda og gesta
svæðisins.“
Fyrir tveimur árum hófst úthlutun
nýrra leigulóða á 120 lóða svæði sem
verður tekið í notkun í áföngum á
næstu árum. Átján lóðir sem úthutað
var í síðasta áfanga voru fljótar að fara
og um þessar mundir er að hefjast
úthlutun á 27 lóðum við tvær nýjar
götur, Bakkavík og Hofsvík. Hver lóð
er 5.100 fm með aðgangi að heitu og
köldu vatni sem lagt er að
lóðarmörkum en nýverið gerði
Sjómannadagsráð samkomulag við
sveitarfélagið um að það sæi
Hraunborgum bæði fyrir heitu og
köldu vatni. „Göturnar í nýja hverfinu
bera nöfn frá víkum og vogum við
höfuðborgarsvæðið, frá Hafnarfirði til
upp Kjalarness, enda starfar
Sjómannadagsráð á öllu því svæði,“
segir Ásgeir.
Að sögn Ásgeirs hefur töluvert verið
unnið að vegagerð á svæðinu „og við
munum halda áfram að leggja olíumöl
á aðalgötur sumarbústaðahverfisins.
Einnig er stefnt að breytingum hvað
varðar innakstur á svæðið. Nú er ekið
inn á orlofssvæðið frá Kiðabergsvegi
en stefnt er að því að leggja nýjan veg
inn á svæðið frá Biskupstungnabraut.
Það styttir vegalengdina frá
höfuðborgarsvæðinu um 5 kílómetra.“
Fjallahringurinn fagurblár
,,Nýverið voru töluverðar endurbætur
gerðar á þjónustumiðstöðinni. Einnig
hefur baðaðstaðan við sturtuklefa
sundlaugarinnar hefur verið
endurnýjuð að miklu leyti, en
sundlaugin hefur notið mikilla
vinsælda frá því hún var tekin í
notkun árið 1988. Við hana eru þrír
heitir pottar og eimbað.
Þjónustumiðstöðin og sundlaugin eru
opnar frá 30. maí til 24. ágúst. Þar er
hægt að spila blallskák, leigja reiðhjól
og hjóla um nágrennið, njóta þess að
leika við börnin í margvíslegum
leiktækjum og spila golf, því á svæðinu
er skemmtilegur níu holu golfvöllur.
Í sumar verður sett upp útsýnisskífa
við þjónustumiðstöðina. Þar getur
fólk virt fyrir sér fjallahringinn og
lært örnefni, því eins og skáldið sagði,
er landslag lítils virði ef það heitir ekki
neitt,“ segir Ásgeir
Auk sumarbústaðanna er vinsælt
tjaldsvæði á Hraunborgarsvæðinu. Þar
er góð aðstaða fyrir tjöld, tjaldvagna
og hjólhýsi. „Við tjaldsvæðið er góð
snyrtiaðstaða með heitu og köldu
vatni. Þetta svæði hefur verið sérlega
vinsælt meðal hópa og
starfsmannafélaga auk þess sem þar
eru árlega haldin ófá ættarmót,“ segir
Ásgeir.
Upplýsingar um lausar sumar-
bústaðalóðir og aðstöðuna í
Hraunborgum fást hjá félagsheimili
sjómanna í Hraunborgum í síma 486-
4414, hjá Sjómannadagsráði í síma
585-9301 og á vef Sjómannadagsráðs,
www.sjomannadagsrad.is.
Lausar lóðir í
Hraunborgum