Morgunblaðið - 07.05.2020, Side 6

6 FRÉTTIRInnlent
MORGUNBLAÐIÐ FIMMTUDAGUR 7. MAÍ 2020
Menningarfulltrúar sveitarfélag-
anna á höfuðborgarsvæðinu eru að
bera saman bækur sínar varðandi
hátíðarhöldin á þjóðhátíðardaginn
og aðra viðburði í sumar. Það auð-
veldar starf þeirra að í gær gaf sótt-
varnalæknir það út að tveggja metra
reglan væri ekki algild eftir því sem
leyfðar væru stærri samkomur. Að-
eins þyrfti að gæta þess að þeir sem
þyrftu og vildu ættu kost á tveggja
metra svigrúmi.
Brýnast er að skipuleggja hátíða-
höldin 17. júní. Ljóst er að forsætis-
ráðherra og Reykjavíkurborg munu
ekki stefna fjölda fólks niður á
Austurvöll, eins og lengi hefur verið
siður. Ekki liggur fyrir hvernig að
þessu verður staðið. Sú hugmynd
hefur komið upp, samkvæmt heim-
ildum Morgunblaðsins, að Katrín
Jakobsdóttir forsætisráðherra
flytji ávarp sitt í beinni útsendingu í
sjónvarpi og fjallkonan muni sömu-
leiðis lesa ljóðið á þeim vettvangi.
Arna Schram, sviðsstjóri menn-
ingar- og ferðamálasviðs Reykjavík-
urborgar, segir stefnt að því að færa
viðburði inn í hverfin. Sú hugmynd
hafi komið upp að vera með tónlist-
arfólk á bíl sem aki á milli hverfa.
Allt sé þetta háð reglum samkomu-
bannsins og leyfi almannavarna.
Jafnframt verði lögð áhersla að
prýða borgina enn meira en nú er
með blómum og fánum.
Funda um málið í dag
Menningarfulltrúar sveitarfélag-
anna á höfuðborgarsvæðinu funda í
dag um stöðuna, eftir að sóttvarna-
læknir kynnti sína sýn á tveggja
metra regluna. Hulda Hauksdóttir,
upplýsingafulltrúi Garðabæjar, segir
að halda þurfi alla viðburði með nýj-
um hætti og verið sé að huga að því í
stjórnkerfi bæjarins og með sam-
starfsaðilum.
Rafrænn forsætis-
ráðherra 17. júní
 Hugað að fyrirkomulagi viðburða
Nýtt og fullkomið frystiskip, Ilivi-
leq, kom til hafnar í Reykjavík í
fyrradag, en það er í eigu dóttur-
félags Brims á Grænlandi sem er í
100% eigu Brims. Skipið er skráð í
Qaqortoq á Suður-Grænlandi og er
eitt það fullkomnasta í Norður-
Atlantshafi, segir í frétt á heima-
síðu Brims. Skipið var smíðað í Gij-
on á Norður-Spáni og er 81,8
metrar að lengd, 17 metra breitt og
um 5.000 brúttótonn að stærð.
Rolls Royce í Noregi hannaði
skipið í samstarfi við Brim. Við
hönnun skipsins var orkusparnaður
hafður að leiðarljósi, sem og sjálf-
virkni. Aðstaða skipverja er eins og
best verður á kosið. Fullkominn
búnaður er til flökunar og fryst-
ingar og fiskimjölsverksmiðja frá
HPP er í skipinu þannig að allur
afli verður fullnýttur. Afkastageta
vinnslunnar getur verið allt að 150
tonn á sólarhring. Flökunarvélar
koma frá Vélfagi á Ólafsfirði. Skip-
ið er búið nýrri kynslóð af vélum
frá Bergen-Diesel og Rolls-Royce
með 5.400 kW afli.
Ilivileq til hafnar í Reykjavík í fyrradag, nýsmíði í eigu dótturfélags Brims á Grænlandi
Nýtt og
fullkomið
frystiskip
Morgunblaðið/Eggert
Í Sundahöfn Skipstjóri á heimsiglingunni frá Spáni til Reykjavíkur var Páll Þór Rúnarsson. Ilivileq er tæplega 82 metrar á lengd.
HSVeitur hf. - Opið söluferli
Fyrirtækjaráðgjöf Kviku, fyrir höndHafnarfjarðarkaupstaðar, auglýsir eftir
kauptilboðum í 15,42% hlut bæjarins í HS Veitum hf.
Félagið var stofnað 1. desember 2008 í kjölfar skiptingar Hitaveitu Suðunesja hf.
í HS Veitur hf. og HS Orku hf. HS Veitur eru á meðal leiðandi fyrirtækja á sínu sviði
og starfa á Suðurnesjum, víða á Suðurlandi og á syðsta hluta höfuðborgarsvæðisins.
Félagið sér um dreifingu og sölu á heitu vatni auk vatnsöflunar, dreifingar og sölu á köldu
vatni á Suðurnesjum og í Vestmannaeyjum. Félagið annast dreifingu á rafmagni
á Suðurnesjum, í Vestmannaeyjum, Hafnarfirði, Garðabæ og í Árborg að öllu leyti eða
að hluta. Höfuðstöðvar HS Veitna eru í Reykjanesbæ og hjá félaginu starfa um 95 manns.
Hluthafar í félaginu eru fjórir en þeir eru: Reykjanesbær með 50,10% hlut, HSV
Eignarhaldsfélag slhf. með 34,38% hlut, Hafnarfjarðarbær með 15,42% hlut
og Suðurnesjabær með 0,10% hlut.
Frá ogmeðfimmtudeginum7.maí 2020 getafjárfestar semundirrita ferlisbréf og
skila umbeðnumupplýsingumumfjárhagslega getu fengið afhend sölugögnumfélagið.
Áhugasamir fjárfestar eru beðnir um að hafa samband við fyrirtækjaráðgjöf
Kviku með tölvupósti á netfangið hsveitur@kvika.is
Ragnhildur Þrastardóttir
ragnhildur@mbl.is
Sígaretta á frægri mynd af Bubba
Morthens var fjarlægð af öllu
helsta markaðsefni vegna söng-
leiksins Níu lífa sem fjallar um ævi
Bubba Morthens rétt fyrir frum-
sýningu í mars eftir að Borgarleik-
húsinu bárust kvartanir vegna síg-
arettunnar.
Þetta staðfestir Pétur Rúnar
Heimisson, markaðsstjóri Borgar-
leikhússins.
Heimildir Morgunblaðsins
herma að leikhúsinu hafi borist
kæra vegna myndarinnar.
„Við fengum ábendingar frá
mörgum og fórum í smá skoðun
með þetta. Við litum fyrst á það
þannig að við værum þarna að nota
mynd sem væri heimild um Bubba
Morthens og væri orðin fræg. Svo
komu fram raddir um að sígarettan
stuðlaði að reykingum. Að skoðuðu
máli vildum við ekki fara á móti því
forvarnarstarfi sem hefur verið
unnið,“ segir Pétur.
Spurður hvort ekki sé um rit-
skoðun að ræða segir Pétur:
„Það er það sem við sögðum
fyrst. Við vorum bara með íkoníska
mynd af Bubba Morthens sem er
heimild um hann. Ef maður fer í
gegnum veggspjöld hjá leik- og
kvikmyndahúsum um allan heim þá
er mjög algengt
að reykjandi fólk
sé á þeim.“
„Mökkreykti“
á þessum tíma
Síðar var leik-
húsinu bent á að
þar sem um aug-
lýsingu væri að
ræða væri ólög-
legt að hafa á henni sígarettu, jafn-
vel þótt ætlunin væri að auglýsa
söngleikinn, ekki sígarettuna.
Myndinni var fyrst breytt í face-
bookauglýsingum Borgarleikhúss-
ins á söngleiknum fyrir áramót.
Um það segir Bubbi sjálfur:
„Bubbi á þeim plakötum bara
ákvað að hætta að reykja. Við erum
komin í þjóðfélag þar sem stóri
bróðir er kominn yfir og allt um
kring, hvort sem okkur líkar betur
eða verr.“
Myndin er frá árinu 1980 og er
tekin rétt hjá Naustinu í Vestur-
bænum. Bubbi telur miður að ekki
megi sýna sanna mynd af því sem
var.
„Ég byrjaði að reykja sex ára
gamall og ég mökkreykti 1980. Það
væri mjög ankannalegt að ætla að
fara að ritskoða það með einhverj-
um hætti. Það er bara kjaftæði.“
Bubbi segir að einhverjir haldi
því fram að hann sé fyrirmynd og
því sé hann að stuðla að reykingum
ef hann sést með sígarettu í munn-
viki. Það segir Bubbi fásinnu en
hann sagði þó skilið við sígarettur
árið 2005.
Ekki náðist í Brynhildi Guðjóns-
dóttur borgarleikhússtjóra vegna
málsins.
Breyttu „íkonískri“ mynd af Bubba
 Sígaretta fjarlægð af öllu helsta markaðsefni Níu lífa  Bubbi segir miður að ekki megi sýna sanna
mynd af fortíðinni  Heimildir Morgunblaðsins herma að leikhúsinu hafi borist kæra vegna myndarinnar
Plaköt/Borgarleikhúsið
Plaköt Hér má sjá hvernig myndinni hefur verið breytt á öllu helsta mark-
aðsefni. Hana er þó enn að finna á einhverju efni að sögn Péturs Rúnars.
Bubbi Morthens