Morgunblaðið - 07.05.2020, Blaðsíða 14

14 DAGLEGT LÍF
MORGUNBLAÐIÐ FIMMTUDAGUR 7. MAÍ 2020
Við opnum á ný
arionbanki.is
Þriðjudaginn 12. maí n.k. munum við opna útibúin okkar um allt land.
Opnunartími verður fyrst í stað skertur víða, en mun lengjast eftir því
sem samkomuhöftum verður aflétt.
Í stærri útibúum mælumst við áfram til að viðskiptavinir bóki tíma
með því að panta símtal á arionbanki.is. Einnig hvetjum við til að allir
sem eiga þess kost nýti stafrænar þjónustuleiðir bankans.
Allar nánari upplýsingar um opnunartíma útibúanna er að finna
á arionbanki.is/utibu.
Kristín Heiða Kristinsdóttir
khk@mbl.is
Mér hefur alltaf þótt gaman aðpúsla. Ég hef púslað mjög mikiðum ævina, svo það var kærkomiðað hafa svona mikinn tíma til að
sinna þessu áhugamáli nú á veirutímum,“
segir Jónína Björg Grétarsdóttir, eða Ninna
eins og hún er alltaf kölluð, sem gerði sér lítið
fyrir og púslaði ellefu risastór púsl í apríl-
mánuði einum.
„Ég er langt komin með tólfta púslið.
Þetta voru allt þúsund bita púsl, nema eitt
sem var fimm hundruð bita. Mér reiknast þá
til að ég hafi handleikið og raðað tólf þúsund
og fimm hundruð púslbitum í þessari covid-
tíð,“ segir Ninna og hlær.
„Og nóg er eftir, ég er ekkert hætt að
púsla. Ég held ég eigi tíu púslpakka í viðbót
sem ég get dregið fram, þetta eru fleiri en
tuttugu púsl í það heila sem ég á til í
geymslum mínum.“
Situr við þegar hún
er á annað borð byrjuð
Þegar Ninna er spurð hvað sé svona frá-
bært við að púsla segir hún það fyrst og
fremst vera róandi.
„Þetta er líka spennandi, því öll mín púsl
eru þannig að ég hef enga fyrirmynd til hlið-
sjónar þegar ég byrja að púsla. Allt eru þetta
púsl þar sem myndin sem á að púsla er af ein-
hverju sem fólkið á myndinni á kassanum
horfir á. Púslarinn hefur því ekki hugmynd
um hvað það er. Maður verður bara að byrja
einhvers staðar og svo kemur í ljós hvaða
mynd þetta er. Mér finnst það gera þetta enn
skemmtilegra, erfiðara og meira spennandi,“
segir Ninna og bætir við að hún púsli líka í
tölvunni.
„Ég fæ seint nóg af því að púsla.“
Þegar Ninna er spurð hversu lengi hún
sé að púsla þúsund bita púsl segist hún oftast
byrja á nýju púsli seinnipart dags og sé yfir-
leitt langt komin með það þegar hún fer að
sofa.
„Ég sit nokkuð við þetta ef ég er á annað
borð byrjuð. Þegar ég hef lokið við púsl rugla
ég því jafnharðan aftur og pakka ofan í kassa,
ég hef ekkert pláss til að láta þetta standa.“
Fór í fýlu í þrjú ár út í peysuna
En Ninna lætur ekki duga að púsla af
miklum móð, hún hefur líka nýtt heimavist í
covid-tíð til að grípa í prjóna.
„Ég hef dregið upp ýmislegt óklárað sem
ég veit af inni í skápum hjá mér, til dæmis
lopapeysu sem ég fór í fýlu út í fyrir þremur
árum af því mér gekk svo illa með hettuna á
henni. Ég henti henni bara inn í skáp þar sem
hún hefur fengið að dúsa allan þennan tíma.
Mér tókst að klára hana um daginn. Ég lauk
líka við litla barnapeysu og nýtti garnafganga
til að prjóna húfur á barnabörnin. Það er
hægt að nýta tímann á svo margan hátt, ég
kýs að gera það svona. Auðvitað förum við
líka í göngutúra til að passa upp á hreyfing-
una og tökum endalaust til heima hjá okkur,“
segir Ninna sem lenti í því líkt og margir að
starfshlutfall hennar var minnkað niður í 25
prósent þegar covid-innilokun skall á.
„Ég fer til vinnu tvisvar í viku eftir há-
degi og einn dag fyrir hádegi, í þrjá tíma í
senn,“ segir Ninna sem starfar hjá heildsölu.
Árin 25 á Möðruvöllum voru góð
Ninna og maður hennar Þóroddur
Sveinsson fluttu til höfuðborgarinnar fyrir
fjórum árum, en þau höfðu þá búið í 25 ár á
Möðruvöllum í Hörgárdal.
„Flutningarnir komu til af því að Þór-
oddur var fluttur til í starfi, hann er lektor við
Landbúnaðarháskóla Íslands og var tilrauna-
stjóri á tilraunabúinu á Möðruvöllum. Við er-
um bæði fædd og uppalin í Reykjavík, svo það
er ekkert nýtt fyrir okkur að búa í höfuðborg-
inni, en vissulega eru þetta viðbrigði, allt orð-
ið stærra og umferðin þyngri en þegar við
vorum yngri. Við förum auðvitað oft norður,
við hefðum til dæmis verið fyrir norðan um
liðna helgi, ef ekki væri fyrir veiruna, því
barnabarnið okkar sem býr fyrir norðan á
fjögurra ára afmæli. Erfiðust finnst okkur
þessi einangrun frá öllum sem okkur þykir
vænt um.“
Óstöðvandi púsldrottning í kófi
Ninna hefur handleikið og raðað tólf þúsund og fimm hundruð púslbitum á kórónutímum. Hún er ekki nærri hætt, ætlar að bæta öðru
eins við á næstu dögum. Þar fyrir utan púslar hún í tölvunni, dregur fram ókláraðar prjónaflíkur og leggur lokahönd á verkið, prjónar
húfur úr garnafgöngum á barnabörnin og lætur sig hlakka til að fara norður í Hörgárdal þegar má. Ninna lætur sér ekki leiðast.
Flott Peysan sem Ninna fór í fýlu út í.
Úr afgöngum Flottar húfur á barnabörnin.
Barnapeysa
Ninna prjónaði
þessa peysu á
veirutímum.
Morgunblaðið/Eggert
Púsldrottning Ninna var að leggja lokahönd á tólfta púslið þegar ljósmyndara bar að garði. Hún er ekki lengi að því sem lítið er.