Morgunblaðið - 07.05.2020, Síða 34

34 UMRÆÐAN
MORGUNBLAÐIÐ FIMMTUDAGUR 7. MAÍ 2020
E
ins og hindin þráir
vatnslindir þráir sál
mín þig, ó Guð.
(Sálm. 42:2)
Ég var í afmæli
dóttursonar míns í gær hér í
Danmörku þar sem ég er búsett í
leyfi mínu frá prests-
þjónustu. Við vorum
fá og héldum okkur
að sjálfsögðu við
reglur heilbrigðis-
yfirvalda.
Heimsfaraldurinn
er ósýnilegur hér í
litla Hornslet á Jót-
landi, en samt er
hann yfir og allt um
kring og við minnt á
hann í fréttatímum
og með sprittbrúsum
og fólk finnur fyrir
breyttri tíðni í and-
rúmsloftinu. Eins og
í öðrum afmælum
var boðið upp á góð-
ar veitingar, en þar
sem við sátum að
snæðingi fór fólk að
minnast á covid-
kílóin eða kórónu-
fituna!
Í Danmörku er gjarnan talað
um að „hygge sig“ sem þýðir í
raun bara að hafa það notalegt,
en hér mun ég kalla það „að
hugga sig“.
Að hugga sig felur yfirleitt í
sér að innbyrða mat og/eða
drykk.
Þörfin fyrir að hugga sig virð-
ist hafa aukist í tíð kórónunnar,
og afleiðingin er auðvitað þessi
títt nefndu aukakíló.
Hvers vegna vantar okkur
huggun og hvað er það sem vant-
ar enn meira í dag, þegar við er-
um að upplifa „dauðans óvissan
tíma“? Allir tímar eru reyndar
tímar óvissu – og enginn veit sína
ævina fyrr en öll er, en margir
finna meira fyrir óvissu og örygg-
isleysi nú en fyrir faraldur.
Flest fólk þarf á öryggi að
halda og að vita hvað er fram-
undan. Óvissan hefur aukist og
það vekur vanlíðan, eirðarleysi og
jafnvel ótta. Það koma erfiðar til-
finningar og hvað gerum við þá?
Við huggum okkur! Við leitum að
einhverju til að deyfa tilfinning-
arnar og forðast tilfinningarnar.
Í stað þess að anda djúpt, veita
tilfinningunni athygli og mæta
sjálfum okkur þar sem við erum
stödd, þá sækjum við í flöskuna,
snakkpokann, súkkulaðið – eða
hvað það er sem við höldum að
svali þörfinni.
Geneen Roth er bandarískur
höfundur bókarinnar „Women,
Food and God“ og hún lýsir því
hvernig kókosbollur urðu Guð
fyrir henni. Hún hafði beðið Guð
margsinnis að stöðva rifrildi for-
eldra hennar, en allt kom fyrir
ekki. Svo var það einn daginn að
hún stalst í kókosbollur sem voru
í eldhúsinu, fór með heilan pakka
undir eldhúsborð og upplifði
himnaríki. Stundum er líka talað
um að fólk drekki Guð úr flösku.
Fíkn er þrá í faðmlag. Nú eru
faðmlögin færri og sumir fá eng-
in. Í leyfinu mínu hér í Dan-
mörku hef ég unnið við afleys-
ingar á hjúkrunarheimili og þar,
eins og á Íslandi, eru
eldri borgarar sem
ekki fá að hitta sína
nánustu.
Í morgunspjalli við
bróður minn sagði ég
honum frá því að ég
kæmist ekki hjá því
að vera í líkamlegri
nánd við skjólstæð-
inga mína, og sumir
þyrftu enn meira á
því að halda núna
vegna fjarveru ætt-
ingja.
„Já, það er erfitt
að vera í umönn-
unarstarfi án þess
að veita umönnun,“
svaraði hann til. Þó
það geti tekið á, þá
er það gefandi að
annast um – og
hugga. Ekki hugga
með að rétta kex eða
ölkrús, heldur að hugga með að
annast um. Barn sem grætur er
ekki endilega svangt, barn græt-
ur þegar það þarf á faðmlagi að
halda. Það er sárt að sakna faðm-
lags, en það er gott að skilja
hvers við söknum.
Geneen Roth kunni ekki að
nálgast sitt innra himnaríki, – en
við höfum heyrt og lært að
himnaríki er hið innra. Guð er
ekki fjarri, við þurfum ekki að
leita út á við. „Eins og hindin
þráir vatnslindir þráir sál mín
þig, ó Guð“ segir sálmaskáldið.
Þorsti sálarinnar verður ekki
slökktur með öðru en sálarfæði –
og sálarfæði er andlegt fæði, sál-
arfæði er Guð. Guð er ekki fjar-
verandi og Guð er ekki í kókos-
bollum eða kókaíni. Himnaríki
Guðs er í þér – og það þarf ekk-
ert að fara til að nálgast það – að-
eins að segja „já takk“ og tengj-
ast sjálfum sér – og Guði.
Lokaðu augunum, leggðu hönd
þína að hjartanu.
Finndu Guð hugga þig og ann-
ast um þig og leyfðu þér að finna
faðmlag Guðs.
Guð blessi þig og varðveiti alla
daga og alla nætur.
Kirkjan til fólksins
Morgunblaðið/ÞÖK
Faðmlög Margir sakna þess að geta ekki faðmað ástvini sína.
Tímar óvissu
Hugvekja
Jóhanna Magnúsdóttir
Höfundur hefur starfað sem sér-
þjónustuprestur á Sólheimum í
Grímsnesi og verið settur sóknar-
prestur í afleysingum í Skálholts-
prestakalli og Kirkjubæjarklaust-
ursprestakalli. Jóhanna er í leyfi
frá prestsþjónustu en er ein af
fjórum umsækjendum um stöðu
sendiráðsprests í Kaupmannahöfn.
johanna.magnusdottir@kirkjan.is
Jóhanna Magnúsdóttir
Finndu Guð
hugga þig og
annast um þig
og leyfðu þér að
finna faðmlag
Guðs.
Viðskiptavinir
Landsvirkjunar á
stórnotendamarkaði
munu njóta sérstakra
kjara í 6 mánuði, frá
1. maí til 31. október
2020. Öllum stórnot-
endum, sem greiða
yfir kostnaðarverði
Landsvirkjunar,
býðst að lækka raf-
orkuverð niður í
kostnaðarverðið. Þannig sýnir
Landsvirkjun stuðning sinn í verki
á þessum óvenjulegu tímum. Sam-
band fyrirtækisins við við-
skiptavini þess er hornsteinn
starfsemi Landsvirkjunar.
Þessi fyrirtæki eiga það sameig-
inlegt að raforka er stór hluti
breytilegs framleiðslukostnaðar
þeirra. Raforkuverð er þannig
einn af þeim þáttum sem hafa
áhrif á samkeppnishæfni við-
skiptavina Landsvirkjunar, en þó
ekki sá sem hefur úrslitaáhrif á
fjárhagslega afkomu þeirra. Þar
skiptir afurðaverðið, t.d. verð á áli
og kísilmálmi, mestu máli. Af-
urðaverð hefur farið lækkandi
undanfarin misseri, m.a. vegna of-
framleiðslu og birgðasöfnunar.
Raforkuverð á erlendum raf-
orkumörkuðum hefur lækkað tals-
vert undanfarna mánuði vegna
lækkandi verðs á jarðefnaeldsneyti
og svo minnkandi eftirspurnar á
þessu ári vegna COVID-19.
Ljóst er að starfs-
umhverfi við-
skiptavina Lands-
virkjunar er afar
krefjandi um þessar
mundir vegna áhrifa
faraldursins. Til þess
að styrkja samkeppn-
ishæfni viðskiptavina
á alþjóðamörkuðum
og markaðssókn hefur
Landsvirkjun ákveðið
að fara í almennar að-
gerðir á tímum CO-
VID-19-faraldursins.
Viðskiptavinir
Landsvirkjunar á stórnotenda-
markaði munu njóta sérstakra
kjara í 6 mánuði, frá 1. maí til 31.
október 2020.
Öllum stórnotendum sem greiða
yfir kostnaðarverði Landsvirkj-
unar mun bjóðast lækkun raf-
orkuverðs niður í kostnaðarverð
Landsvirkjunar, sem er á bilinu
$28/MWst til $35/MWst eftir því
til hvaða virkjana er horft. Verð til
stórnotenda, sem eru núna að
borga yfir kostnaðarverði, lækkar
því tímabundið um allt að 25%.
Markmið aðgerðanna er að
verja samkeppnishæfni við-
skiptavina Landsvirkjunar og
styðja við markaðsstarf þeirra við
krefjandi ytri aðstæður. Horft er
til þess að með aðgerðunum sé
verið að hvetja núverandi við-
skiptavini á stórnotendamarkaði
til þess að styrkja eða auka við
starfsemi sína á Íslandi, enda fara
langtímahagsmunir Landsvirkj-
unar og viðskiptavina saman.
Gert er ráð fyrir að tekjur
Landsvirkjunar muni lækka um
allt að $10 milljónir vegna þessarar
tímabundnu aðgerðar, eða um 1,5
milljarða króna.
Lítil áhrif á smásölumarkað
Fyrir utan stórnotendamarkað,
þá þjónar Landsvirkjun einnig al-
mennum markaði. Það gerist í
gegnum heildsölumarkað þar sem
smásölufyrirtæki í orkusölu kaupa
raforku til skemmri tíma, þ.e.
grunnorku og aðrar orkuvörur sem
bjóða upp á breytilegt notkunar-
mynstur. Verðmyndun í smásölu
byggist á þessum heildsölukaupum,
auk kostnaðar smásölufyrirtækj-
anna af eigin vinnslu og álagningu.
Markaðshlutdeild Landsvirkjunar
á almennum markaði er um 50%.
Verðlagning Landsvirkjunar á
raforku inn á almennan markað er
ákveðin með reglubundnum hætti
og er tekið mið af framboði og
eftirspurn. Verð fyrir næstu fimm
mánuði, maí-september 2020, hefur
verið uppfært og er þar tekið tillit
til þeirra aðstæðna sem nú eru á
markaði. Með því móti er Lands-
virkjun að koma til móts við smá-
sölumarkaðinn, en hafa ber í huga
að raforkan sjálf er ekki stór hluti
raforkureiknings notenda á al-
mennum markaði. Flutningur og
dreifing eru þar fyrirferðarmeiri
og munar því meira um það ef
dreifiveitum er heimilað að lækka
tímabundið flutnings- og dreifi-
gjald til viðskiptavina sinna.
Landsvirkjun sýnir
stuðning í verki
Eftir Stefaníu
Guðrúnu
Halldórsdóttur
»Markmið aðgerð-
anna er að verja
samkeppnishæfni við-
skiptavina Landsvirkj-
unar og styðja við mark-
aðsstarf þeirra við
krefjandi ytri aðstæður
Stefanía Guðrún
Halldórsdóttir
Höfundur er framkvæmdastjóri
markaðs- og viðskiptaþróunarsviðs
Landsvirkjunar.
Móttaka aðsendra greina
Morgunblaðið er vettvangur lifandi umræðu í landinu og birtir aðsendar grein-
ar alla útgáfudaga.
Þeir sem vilja senda Morgunblaðinu greinar eru vinsamlega beðnir að nota
innsendikerfi blaðsins. Kerfið er auðvelt í notkun og tryggir öryggi í sam-
skiptum milli starfsfólks Morgunblaðsins og höfunda. Morgunblaðið birtir
ekki greinar sem einnig eru sendar á aðra miðla. Kerfið er aðgengilegt undir
Morgunblaðslógóinu efst í hægra horni forsíðu mbl.is. Þegar smellt er á lógó-
ið birtist felligluggi þar sem liðurinn „Senda inn grein“ er valinn. Í fyrsta skipti
sem innsendikerfið er notað þarf notandinn að nýskrá sig inn í kerfið. Ítarleg-
ar leiðbeiningar fylgja hverju þrepi í skráningarferlinu.