Morgunblaðið - 07.05.2020, Qupperneq 55

Sigrún Björg
Ólafsdóttir
Körfuknattsleikskonurnar Sigrún
Björg Ólafsdóttir og Þóranna Kika-
Hodge Carr munu frá og með næsta
vetri leika í bandaríska háskólabolt-
anum.
Sigrún mun leika með háskól-
anum í Tennessee í borginni Chatt-
anooga. Liðið leikur í SoCon-
deildinni og hefur oft komist í úr-
slitakeppni háskólaboltans og er um
öflugan skóla að ræða. Sigrún, sem
er fædd árið 2001, lék sinn fyrsta
landsleik þegar hún var aðeins
sautján ára gömul. Skoraði hún 7,1
stig, tók 3,3 fráköst og gaf 3 stoð-
sendingar að meðaltali með Haukum
í vetur. Hefur hún leikið með Hafn-
arfjarðarliðinu allan ferilinn og var
m.a. í stóru hlutverki hjá liðinu er
það varð Íslandsmeistari 2018. Alls
hefur hún leikið sjö A-landsleiki.
Þóranna mun leika með Iona
Gaels-háskólanum í New York í
Metro Atlantic-deildinni. Þóranna,
sem er fædd árið 1999, hefur leikið
með uppeldisfélaginu Keflavík alla
tíð og tvisvar orðið bikarmeistari og
einu sinni Íslandsmeistari. Hún
skoraði 9 stig, tók 5 fráköst og gaf 3
stoðsendingar að meðtaltali í leik á
27 mínútum í vetur. Þá hefur hún
leikið með yngri landsliðum Íslands,
m.a. U20 ára landsliðinu.
Efnilegar körfuknattleikskonur til Bandaríkjanna
Þóranna Kika
Hodge-Carr
ÍÞRÓTTIR 55
MORGUNBLAÐIÐ FIMMTUDAGUR 7. MAÍ 2020
Sagt er að yfirstandandi kór-
ónuveirufaraldur, sem bless-
unarlega virðist á miklu undan-
haldi hérlendis, muni skilja eftir
sig eitt og annað jákvætt. Meðal
annars betri skilning almennings
á sóttvörnum þar sem aukinn
handþvottur og sprittun muni
hjálpa til við að halda alls kyns
óværu í skefjum.
Kannski verður veiran líka
til þess að útrýma endanlega
þeim einkennilega ósið sem virð-
ist að mestu einangraður við fót-
boltafólk, að vera stöðugt hrækj-
andi í leikjum.
Þetta sést varla í öðrum
íþróttum. Hugsið ykkur ef þeir
sem stunda handbolta, körfu-
bolta, blak, fimleika og karate
væru stöðugt að hrækja á gólfið í
íþróttahúsunum.
Ég man vel þegar „hallarbylt-
ingin“ varð í íslenska fótbolt-
anum á fyrstu árum þessarar
aldar. Þegar fótboltahúsin voru
tekin í notkun eitt af öðru var
vakin athygli á þessum ósið.
Það gengi ekki að leikmenn
væru stöðugt hrækjandi á gervi-
grasið í höllunum – þar sem
hrákinn yrði áfram til staðar í
vellinum en hyrfi ekki ofan í jarð-
veginn eins og utanhúss.
Í sumum húsanna var dóm-
urum beinlínis skipað að áminna
leikmenn sem yrðu uppvísir að
hráka, enda þótt það væri um-
deilt þar sem það stangaðist á
við knattspyrnureglurnar.
En nú er komin full ástæða til
þess að þessi ósiður verði lagður
af í eitt skipti fyrir öll.
Ég held að þegar heimilt verð-
ur að hefja keppni í fótbolta á ný
muni leikmenn og áhorfendur
líta það öðrum og alvarlegri aug-
um en áður ef leikmaður tekur
sig til og skyrpir út úr sér vænni
slummu á miðjan völlinn.
BAKVÖRÐUR
Víðir Sigurðsson
vs@mbl.is
FRÉTTASKÝRING
Víðir Sigurðsson
vs@mbl.is
Útlit er fyrir að íslensku hand-
boltadeildirnar, bæði í karla- og
kvennaflokki, verði enn sterkari á
næsta keppnistímabili en þær voru
í vetur.
Á undanförnum vikum hafa tíu
íslenskir handboltamenn, fimm
karlar og fimm konur, snúið heim
og samið um að leika með íslensk-
um liðum frá og með næsta
keppnistímabili.
Stærsti „pakkinn“ í því sam-
bandi var kynntur í gær og það var
enginn smáræðis „fjölskyldu-
pakki“ því landsliðsfólkið Ólafur
Gústafsson og Rut Jónsdóttir hef-
ur ákveðið að flytja búferlum frá
Danmörku og til Akureyrar. Þar
hefur Ólafur nú samið við KA og
Rut við KA/Þór, bæði til tveggja
ára.
Rut sigursæl í Danmörku
Rut hefur leikið lengst samfleytt
erlendis af íslenskum handknatt-
leikskonum á seinni árum. Hún fór
frá HK til Tvis Holstebro aðeins
átján ára gömul árið 2008 og hefur
leikið í Danmörku síðan. Með
Holstebro í sex ár, síðan með
Randers og Midtjylland, en með
Esbjerg frá 2017. Heimkoman
þýðir að hún missir líklega af því
að spila með danska liðinu í undan-
úrslitum Meistaradeildar Evrópu
en útlit er fyrir að Esbjerg leiki
þar seint á þessu ári. Rut er dansk-
ur meistari með Esbjerg en vann
áður danska bikarinn með Randers
og EHF-Evrópukeppnina með
Tvis Holstebro.
KA/Þór fær gríðarlegan liðs-
styrk með Rut sem er með leikja-
hæstu landsliðskonum Íslands. Ak-
ureyrarliðið hefur verið að styrkja
stöðu sína í handboltanum síðustu
árin og tímabilið sem lauk svo
skyndilega í vor er það besta í sögu
þess. KA/Þór var reyndar í sjötta
sæti af átta liðum en var enn með í
baráttu um sæti í undanúrslitunum
um Íslandsmeistaratitilinn og þá
komst það í fyrsta sinn í bikarúr-
slitaleikinn þar sem það tapaði fyr-
ir Fram. KA/Þór endaði í 5. sæti
deildarinnar 2018-19 og á papp-
írunum er það því besta tímabil liðs-
ins, sem vann 1. deildina á sannfær-
andi hátt 2017-18.
Ólafur vann Meistaradeildina
Ólafur hefur verið atvinnumaður
erlendis frá 2012 þegar hann fór frá
FH til þýska félagsins Flensburg,
að undanskildu tímabilinu 2016-17
þegar hann kom heim og lék með
Stjörnunni. Annars hefur hann leik-
ið með Aalborg í Danmörku og síðan
með Kolding frá 2017. Ólafur var í
liði Flensburg sem vann Meist-
aradeild Evrópu vorið 2014.
Með tilkomu Ólafs hefur KA þétt
sinn hóp enn frekar en hann mun
styrkja liðið gríðarlega hvað varnar-
leikinn varðar, ásamt því að vera
öflug skytta. Samherji hans hjá
Kolding síðasta vetur, hornamað-
urinn Árni Bragi Eyjólfsson, kom til
KA fyrr í vikunni og þá hefur liðið
bætt við sig færeyska landsliðs-
markverðinum Nicholas Satchwell.
KA gerði ekki meira en að halda
sæti sínu í úrvalsdeildinni í vetur en
liðið fékk aðeins 11 stig í 20 leikjum
og tapaði öllum sex leikjum sínum
eftir áramót. Niðurstaðan varð tí-
unda sæti, fyrir ofan HK og Fjölni
sem féllu.
Birna og Mariam komnar
Rut er þriðja landsliðskona Ís-
lands sem flytur heim og semur við
íslenskt lið fyrir næsta tímabil.
Birna Berg Haraldsdóttir er komin
til ÍBV frá Neckarsulmer í Þýska-
landi og Mariam Eradze er komin
til Vals frá Toulon í Frakklandi.
Þá hefur Stjarnan krækt í tvo
unga leikmenn erlendis frá en Anna
Karen Hansdóttir kemur frá Hor-
sens í Danmörku og Liisa Bergdís
Arnarsdóttir frá Kongsvinger í
Noregi.
Björgvin og frændurnir
frá Akureyri
Auk þeirra Ólafs og Árna Braga
hafa þrír handknattleiksmenn sem
hafa leikið erlendis undanfarin ár
samið við íslensk félög fyrir næsta
tímabil.
Björgvin Páll Gústavsson lands-
liðsmarkvörður samdi við Hauka
strax um jólin en hann kemur heim
frá Skjern í Danmörku í sumar.
Hann fyllir skarð Grétars Ara Guð-
jónssonar sem á dögunum samdi við
Nice í Frakklandi.
Þá eru frændurnir frá Akureyri
báðir á heimleið, miðjumaðurinn
Guðmundur Hólmar Helgason hef-
ur samið við Selfyssinga eftir að
hafa leikið með West Wien í Aust-
urríki undanfarin tvö ár og skyttan
Geir Guðmundsson kemur til Hauka
frá Cesson Rennes í Frakklandi en
þangað fóru hann og Guðmundur
saman frá Val árið 2016.
Ennfremur fjölgar enn fær-
eyskum landsliðsmönnum í deild-
inni. Áður hefur markvarðarins hjá
KA verið getið en auk þess hefur
Fram samið við þá Rógva Dal
Christiansen, línumann frá Kyndli,
og Vilhelm Poulsen, örvhenta
skyttu frá H71 Hoyvík.
Straumurinn liggur heim
 Íslenskt handknattleiksfólk kemur úr atvinnumennsku og semur við
íslensk félög  Tíu leikmenn þegar komnir fyrir næsta keppnistímabil
AFP
Landsliðið Ólafur Gústafsson á 22 landsleiki að baki og
tekur hér vel á spænskum leikmanni á HM í fyrra.
Morgunblaðið/Kristinn Magnússon
Landsliðið Rut Jónsdóttir í leik Íslands og Frakklands í
undankeppni EM í haust. Hún hefur leikið 89 landsleiki.
Körfuknattleiksþjálfarinn Darri
Freyr Atlason hætti nokkuð óvænt
með kvennalið Vals í vikunni, en
hann tók við liðinu árið 2017 og
gerði það að þreföldum meisturum á
síðasta ári. Í samtali við mbl.is í gær
sagði Darri framhaldið í óvissu, en
þó hefði hann rætt við félög. „Ég hef
átt í einhverjum viðræðum við nokk-
ur karlalið en það er ekkert fast í
hendi. Ég vil taka við liði þar sem ég
stýri sjálfur hlutunum og liði sem
getur barist um meistaratitla,“ sagði
Darri og bætti við að til greina kæmi
að taka sér frí.
Hefur rætt við
nokkur félög
Morgunblaðið/Kristinn Magnúss
Óvissa Þjálfarinn Darri Freyr Atla-
son er óviss með framhaldið.
Körfuknattleiksdeild Hauka til-
kynnti í gær að Lovísa Björt Henn-
ingsdóttir hefði samið við félagið og
mun hún leika áfram á Ásvöllum.
Kom hún til Hauka síðasta sumar
eftir fjögur ár í bandaríska há-
skólaboltanum, en hún er uppalin
hjá félaginu. Lovísa skoraði tólf stig,
tók sjö fráköst og gaf tvær stoðsend-
ingar í 23 leikjum á tímabilinu. Var
hún í lykilhlutverki og einn allra
besti íslenski leikmaður liðsins á
leiktíðinni. Þá lék hún sinn fyrsta A-
landsleik gegn Búlgaríu í nóvember
á síðasta ári.
Landsliðskona
áfram í Haukum
Morgunblaðið/Hari
Ásvellir Lovísa Björt Hennings-
dóttir leikur áfram með Haukum.
Alþjóðaknatt-
spyrnu-
sambandið,
FIFA, hefur haf-
ið rannsókn á
kaupum Man-
chester United á
portúgalska
miðjumanninum
Bruno Fernandes
frá Sporting
Lissabon í lok
janúar á þessu ári. United keypti
Fernandes fyrir 55 milljónir evra (47
milljónir punda) 31. janúar og hann
var fljótur að setja mark sitt á liðið á
þeim vikum sem fótboltinn var enn í
gangi í febrúar og mars. Nú hefur
ítalska félagið Sampdoria sent
kvörtun til FIFA um að Sporting
skuldi því enn fjórar milljónir punda
vegna sölunnar á Fernandes. Sport-
ing keypti Fernandes af Sampdoria
árið 2017 fyrir 8,5 milljónir evra en
samkvæmt skilmálum sem þá voru
gerðir átti Sampdoria að fá tíu pró-
sent af þeim hagnaði sem portú-
galska félagið fengi af sölu á leik-
manninum. Fram kemur að ekkert
bendi til þess að Manchester United
hafi unnið til neinna saka í þessu
máli.
Fernandes hefur leikið níu leiki
fyrir United í öllum keppnum og
skorað í þeim þrjú mörk.
Kaup United
á Fernandes
rannsökuð
Bruno
Fernandes