Morgunblaðið - 20.05.2020, Qupperneq 11

FRÉTTIR 11Erlent
MORGUNBLAÐIÐ MIÐVIKUDAGUR 20. MAÍ 2020
Garðatorg 6 | s. 551 5021 | www.aprilskor.is
Ten Points Josy
23.990 kr.
Donald Trump Bandaríkjaforseti sæt-
ir harðri gagnrýni fyrir yfirlýsingu
sína um að hann taki daglega inn mal-
aríulyfið hydroxychloroquine til að fyr-
irbyggja að hann veikist vegna smits
af kórónuveirunni covid-19. Skiptar
skoðanir eru meðal lækna um hvort
lyfið gagnist í þessum tilgangi og hefur
það ekki hlotið samþykki bandarískra
heilbrigðisyfirvalda. Telja margir
læknar það geta verið mjög skaðlegt
fólki vegna aukaverkana.
Meðal þeirra sem deilt hafa hart á
Trump er Nancy Pelosy, forseti full-
trúadeildar Bandaríkjaþings. „Hann
er forseti okkar,“ sagði hún, „og ég vil
ekki að hann sé að taka eitthvað inn
sem ekki hefur fengið blessun vísinda-
manna, sérstaklega þegar tekið er tillit
til aldurs hans og, við skulum segja,
þyngdarflokks … sjúkleg offita er
þetta kallað,“ sagði hún.
Trump er 73 ára gamall. Við lækn-
isskoðun í febrúar í fyrra kom í ljós að
líkamsmassastuðull (BMI) hans er
30,4, en allt yfir 30 er skilgreint sem of-
fita og er stundum talað um „sjúklega
offitu“ í því sambandi.
Chuck Schumer, leiðtogi demókrata
í fulltrúadeildinni, sagði að ummæli
Trumps um lyfjainntökuna væru
hættuleg og ábyrgðarlaus. „Kannski
er hann ekki að taka lyfið, ég veit það
ekki,“ bætti hann við, „því forsetinn
segir stöðugt ósatt.“
Trump kvaðst hafa byrjað að taka
lyfið inn fyrir tíu dögum og tæki eina
töflu á dag. Lyfjanotkunin gæti tengst
því að fyrir tíu dögum kom í ljós að
tveir starfsmenn forsetaskrifstofunnar
í Hvíta húsinu voru smitaður af kór-
ónuveirunni. Læknir forsetans, Sean
P. Conley, segir að þeir hafi komist að
þeiri niðurstöðu að varnaðaráhrif lyfs-
ins vægju þyngra en hugsanlegar hlið-
arverkanir. Í yfirlýsingu Lyfjastofnun-
ar Bandaríkjanna 24. apríl var varað
við að nota lyfið gegn kórónuveirunni
nema að læknisráði og þá vegna
sjúkrahúsdvalar eða lyfjatilraunameð-
ferðar.
Ummæli Trumps gagnrýnd
 Lyfjaeftirlitið varar við notkun malaríulyfs gegn covid-19
AFP
Trump Malaríulyfið getur haft
aukaverkanir í för með sér.
Guðmundur Magnússon
gudmundur@mbl.is
Tæplega 41 þúsund manns hafa látist
af völdum kórónuveirunnar í Bret-
landi, þar af um tíu þúsund á dval-
arheimilum aldraðra á Englandi og í
Wales. Þetta kemur fram í tölum frá
bresku hagstofunni sem birtar voru í
gær. Þær miðast við 8. maí og er því
líklegt að dauðsföllin séu orðin enn
fleiri.
Tölurnar eru byggðar á dánarvott-
orðum þar sem skráð eru smit af völd-
um kórónuveirunnar eða slíkt veiru-
smit talið líkleg dánarorsök.
Opinberar dánartölur bresku rík-
isstjórnarinnar vegna kórónuveir-
unnar eru lægri, rúmlega 35 þúsund
manns. Ástæðan er sú að aðeins eru
skráð dauðsföll þar sem hinn látni
hafði verið skimaður fyrir veirunni og
fengið jákvæða útkomu.
En hvort sem miðað er við hærri
eða lægri töluna er Bretland það land
í Evrópu sem harðast hefur orðið úti í
faraldrinum. Hvergi í álfunni hafa
fleiri látist. Sætir ríkisstjórnin harðri
gagnrýni fyrir það hve slælega hún
tók á málinu í upphafi, sérstaklega
hvað varðar skimanir fyrir veirunni.
Undir það hefur þverpólitísk rann-
sóknarnefnd þingsins tekið. Í bréfi til
Boris Johnsons forsætisráðherra
bendir nefndin á að vegna þess hve
strangar takmarkanir voru á því
hverjir gátu fengið skimun hafi fólk á
elliheimilum orðið út undan.
Efi um tölurnar í Rússlandi
Í Rússlandi eru skráð tilfelli kór-
ónuveirunnar orðin nær 300 þúsund
og eru hvergi fleiri í heiminum að
Bandaríkjunum undanskildum. Rúm-
lega 2.800 eru látnir samkvæmt op-
inberum tölum. Margir telja að þær
tölur séu ekki réttar og mun fleiri hafi
látist en skráðir eru. Stjórnvöld segja
kórónuveiruna aðeins skráða sem
dánarorsök þegar enginn vafi sé til
staðar. Þá segja þau tilfellin landinu á
niðurleið. Um 9.200 ný tilfelli greind-
ust á mánudaginn, færri en nokkru
sinni í þessum mánuði.
Meðal þeirra sem hafa veikst er
forsætisráðherrann, Mikhail Mishus-
tin, en hann kom til starfa á ný á
mánudaginn eftir þriggja vikna fjar-
veru. Hann fagnaði því að tekist hefði
að hafa hemil á fjölgun tilfella en kvað
ástandið enn mjög erfitt.
Um helmingur allra smita í Rúss-
landi er í Moskvuborg og nágrenni.
Þar er útgöngubann fram til loka maí-
mánaðar og mega borgarbúar aðeins
fara nauðsynlegra ferða, svo sem í
búðir til matarkaupa.
Sjálfstæð rannsókn á WHO
Ársþing Alþjóðaheilbrigðisstofn-
unarinnar (WHO) samþykkti í gær að
fram skyldi fara sjálfstæð rannsókn á
viðbrögðum hennar við kórónuveiruf-
araldrinum. Var einhugur um þetta á
þinginu sem fram fór á netinu. Ekki
var tekið undir harða gagnrýni
Bandaríkjanna á stofnunina að und-
anförnu. Í gær sagði Donald Trump
Bandaríkjaforseti að yrðu ekki um-
talsverðar umbætur gerðar hjá
WHO, án þess að hann tilgreindi
hverjar þær ættu að vera, myndu
Bandaríkin hætta með öllu fjárveit-
ingum til stofnunarinnar.
Yfir 40 þúsund látist í Bretlandi
 Dauðsföll vegna kórónuveirunnar hvergi fleiri í Evrópu en í Bretlandi  Bresk stjórnvöld sæta
harðri gagnrýni  Efasemdir um að tölur Rússa um látna séu réttar  Rannsókn á viðbrögðum WHO
AFP
Moskva Unnið var við sótthreinsun
í Leníngradsky-lestarstöðinni í gær.
Tillaga Angelu Merkel, kanslara
Þýskalands, og Emmanuels Macr-
ons, forseta Frakklands, um stofnun
500 milljarða evru neyðarsjóðs Evr-
ópusambandsins til styrktar efna-
hag aðildarríkja sem illa hafa orðið
úti í kórónuveirufaraldrinum, felur í
sér eftirgjöf af beggja hálfu. Málið
dróst á langinn vegna þess að Merk-
el vildi að hjálparsjóðurinn veitti
ríkjunum lán en ekki styrki og
Macron vildi að fjárhæðin sem rynni
í sjóðinn væri helmingi hærri, þús-
und milljarðar evra. Merkel og
Macron þurfa að fá samþykki leið-
toga annarra aðildarríkja ESB fyrir
tillögu sinni. Er framkvæmdastjórn
sambandsins að vinna að útfærslu
hennar og von á henni í næstu viku.
Nokkur ESB-ríki eru andvíg
styrktarsjóði og kjósa frekar lán-
veitingar. Áréttaði Sebastian Kurz,
kanslari Austurríkis, þá afstöðu á
mánudaginn. Ítalía og Spánn, þar
sem ferðaþjónustan hefur hrunið
vegna kórónuveirunnar, binda mikl-
ar vonir við styrktarsjóðinn til
endurreisnar efnahagslífi landanna.
Verði sjóðurinn að veruleika felur
hann í sér mikla stefnubreytingu af
hálfu ESB sem lagðist gegn öllum
slíkum hugmyndum í fjármála-
kreppunni fyrir rúmum áratug.
 Bæði Merkel og
Macron gáfu eftir
Styrkir
komi í
stað lána
Gestur virðir fyrir sér sýningargripi í Kapítól-
safninu í Róm í gær. Nokkur hópur fólks hefur
lagt leið sína í minja- og listasöfn borgarinnar eft-
ir að þau voru opnuð á mánudaginn. Skylt er að
bera andlitsgrímu og virða tveggja metra fjar-
lægð frá öðrum gestum. Hleypt er inn í söfnin í
hópum því takmarkaður fjöldi fólks má vera inni í
einu. Upplifun gesta á sýningunni er því afar
óvenjuleg.
Ítalskar menningarstofnanir opnaðar á ný
AFP
Listasöfnin á tíma kórónuveirunnar