Morgunblaðið - 27.05.2020, Qupperneq 10

10 FRÉTTIRInnlent
MORGUNBLAÐIÐ MIÐVIKUDAGUR 27. MAÍ 2020
Funahöfða 7, 110 Reykjavík | Sími 577 6666
   


Kæli- & frystiklefar
í öllum stærðum
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk heimilistæki
rafvorur.isRAFVÖRUR ehf
Þvottavélar
og þurrkarar
sem taka
10-17 kg
Sigtryggur Sigtryggsson
sisi@mbl.is
Félag ábyrgra hundaeigenda
(FÁH) telur nauðsynlegt að yfir-
völd skoði hagsmuni hundaeigenda
við skipulag borgarlínunnar, bæði
með tilliti til búsetumöguleika,
ferðamáta og hreyfingarmöguleika
með hundinn.
Þetta kemur fram í umsögn fé-
lagsins vegna breytinga á aðal-
skipulagi Reykjavíkur og Kópavogs
sem kynntar eru á samráðsgátt
stjórnvalda. Breytingin felst í „að
staðsetja legu 1. lotu Borgarlínu“.
Félagið bendir á að samkvæmt
Svæðisskipulagi höfuðborgar-
svæðisins 2040 sé gert ráð fyrir um
70.000 nýjum íbúum. Þetta geri um
16.800 hundaeigendur, en sam-
kvæmt MMR-könnun sem gerð var
í október 2018 megi áætla að 24%
heimila þar haldi hund.
Hundarnir geti leikið sér
Til þess að þessi stóri hópur geti
átt möguleika á að lifa bíllausum
lífsstíl þurfi að vera auðvelt að
komast í hreyfingu með hundinn, í
formi góðra göngu- og hjólreiða-
stíga og aðgengi að grænum svæð-
um þar sem hægt er að kasta bolta
eða leyfa hundum að leika sér sam-
an í öruggu umhverfi.
FÁH beinir sjónum sínum
sérstaklega að Geirsnefi, sem er á
milli Elliðaánna, en það hefur til
fjölda ára verið eitt mest sótta
hundasvæði Reykjavíkur. Sam-
kvæmt skipulagi borgarlínunnar á
að vera þverun yfir Geirsnefið að
stokk undir Sæbraut sem tengist
upp á Suðurlandsbraut.
„Verði hundasvæði enn á Geirs-
nefinu er nauðsynlegt að tryggja
öryggi og aðgengi hundaeigenda að
svæðinu. Bæði þarf að tryggja að-
gengi þeirra sem geta ekki nýtt sér
almenningssamgöngur og þeirra
sem koma með Borgarlínunni. Nú-
verandi tillögur gera t.d. ekki ráð
fyrir því að stoppistöð verði við
Geirsnefið þannig að hundaeig-
endur þurfa að ganga 3-600 metra
frá næstu stoppistöð hafi þeir
áhuga á að nýta sér Borgarlínuna
til að ferðast með hundinn á Geirs-
nef,“ segir FÁH. Félagið vill fá
skýrari sýn á hvað verði um þetta
mikilvæga svæði fyrir hundaeig-
endur vegna þess að hingað til hafi
hagsmunir hunda ekki verið
tryggðir.
„FÁH telur það vera kominn tími
til þess að hundasvæði verði talinn
hluti af hönnun skipulags og verði
hluti af því sem gerir Reykjavík að
spennandi bæjarrými með fallegum
hundagerðum en ekki lýti sem er
komið fyrir úr almannaleið.“
FÁH bendir loks á að hunda-
svæðin á höfuðborgarsvæðinu fylgi
ekki stefnu um grænan lífsstíl. Þau
séu of fá og of lítil til að hvetja til
hreyfingar og séu ekki falleg
ásýndar. Þau séu lítið notuð af
hundaeigendum, sérstaklega þar
sem enga andlega örvun sé að fá í
gerðunum fyrir utan leiktæki sem
stjórnarmeðlimur FÁH hannaði og
sett var upp í sjálfboðavinnu með
leyfi Reykjavíkurborgar.
Breytingin á aðalskipulagi hefur
verið opin til umsagna frá 3. apríl
en í gær höfðu aðeins borist þrjár
umsagnir, frá FÁH, Landvernd og
Landhelgisgæslunni. Umsagnar-
frestur er til 9. júní nk.
Eigendur hunda geti
nýtt sér borgarlínu
 Áætla að 24% heimila á höfuðborgarsvæðinu haldi hund
Morgunblaðið/Árni Sæberg
Geirsnef Þarna hafa hundar getað leikið sér í öruggu umhverfi í mörg ár.
Sigurður Bogi Sævarsson
sbs@mbl.is
„Okkur finnst nauðsynlegt að koma
vélinni í loftið og viljum ekki láta ár
falla út í þessari löngu sögu,“ segir
Tómas Dagur Helgason, formaður
Þristavinafélagsins. Félagið á og
stendur að útgerð á Þristinum svo-
kallaða: Douglas C-47A-flugvélinni
Páli Sveinssyni sem lengi var í eigu
Landgræðslunnar og þar áður
Flugfélags Íslands.
Yfir vetrartímann er flugvélin á
Flugsafni Íslands á Akureyri. Þar
voru nemendur í flugvirkjun í vetur
og sinntu reglubundinni skoðun á
gripnum undir handleiðslu fag-
manna. Nú er beðið eftir hlutum
sem þarf í annan hreyfil vélarinnar
og sú viðgerð er minniháttar mál.
Eftir það ætti vélin að vera flugfær.
Þurfa tvær milljónir króna
Þristavinir telja sig þurfa um
tvær milljónir króna fyrir sum-
arúthaldið á Páli Sveinssyni, sem
venjulega er flogið 10-20 klukku-
stundir á ári. Ferðirnar hafa gjarn-
an tengst flughátíðum eða öðrum
slíkum atburðum og þar hefur
Þristavinafélagið notið atfylgis Ice-
landair, sem er um þessar mundir
þröngt skorinn stakkur. Því er
óvíst um stuðning við félagið í ár.
„Við teljum nauðsynlegt að vélinni
sé eitthvað flogið á ári hverju, svo
að flugmenn og flugvirkjar geti
haldið við réttindum á vélinni.
Sömuleiðis bókstaflega þarf að
fljúga vélinni reglulega svo hún
haldist í sem bestu ástandi. Ég er
ekki í minnsta vafa um að okkur
tekst að koma vélinni í loftið í sum-
ar, en þetta er talsvert meira klifur
nú en fyrri ár,“ segir Tómas Dagur
Helgason.
Herútgáfa af DC-3
Flugvélar af gerðinni Douglas
C-47A eru herútgáfa af Douglas
DC-3 farþegaflugvélunum. Sú vél
sem hér er til umfjöllunar kom til
landsins árið 1943 og var fyrsta
kastið í þjónustu bandaríska hers-
ins á Íslandi. Árið 1943 eignaðist
Flugfélag Íslands svo vélina og not-
aði í farþegaflug til ársins 1972, að
hún var gefin Landgræðslu ríkisins
og notuð lengi eftir það til áburðar-
dreifingar á örfoka svæðum víða
um land. Fyrir um áratug, þegar
Landgræðslan hafði ekki lengur
not fyrir vélina, var hún gefin
Þristavinafélaginu, en í þess röðum
eru flugmenn og ýmsir sérstakir
áhugamenn um vélina sem hefur
verið flogið samanlagt um 27 þús-
und klukkustundir.
Talsvert klifur að koma Páli á loft
 Douglas C-47A
bíður flugtaks  10-
20 tímar á ári eru
nauðsynlegir
Morgunblaðið/Sigurður Bogi
Akureyrarflugvöllur Páll Sveinsson er stássgripur á Flugsafni Íslands fyrir norðan. Hér sést vélin í litum Icelandair, sem hefur stutt við útgerð Þristavina-
félagsins. Fremst er vélin TF-ESD af gerðinni Beechcraft Twin Bonanza D50B sem eitt sinn var í eigu Flugmálastjórnar og notuð í ýmis verk þar.